Prentarinn - 01.11.2004, Blaðsíða 6
til að nýta mannskap og tækja-
búnað hér heima.
Líka í Rússlandi
Oddi er einnig hluthafi í prent-
rekstri í Rússlandi þó félagið sé
þar ekki ráðandi aðili. I maí 2004
keypti Eignarhaldsfélagið Edda
Printing and Publishing Limited,
sem er í eigu Björgólfs Guð-
mundssonar, Magnúsar Þorsteins-
sonar, Páls Braga Kristjónssonar
og Þórs Kristjánssonar eina
stærstu prentsmiðju Pétursborgar
í Rússlandi í félagi við Prent-
smiðjuna Odda. Þar var um að
ræða rússneska félagið MDM
PECHAT LLC. Var nafni rúss-
nesku prentsmiðjunnar breytt í
kjölfarið í Edda Printing LLC.
Eignarhlutur Eddu Printing &
Publishing í félaginu er 80% og
Prentsmiðjan Oddi hf. á 20%.
Um 350 manns vinna hjá fyrir-
tækinu og er áætluð velta í ár um
1,8 milljarðar íslenskra króna.
Færeysku kvæðin
Oddi kemur víðar við sögu í
prentverki fyrir útlendinga og
löng hefð er komin á prentþjón-
ustu fyrir Færeyinga og Græn-
lendinga. Þorgeir nefnir bókaút-
gefandann Emil Thomsen í Fær-
eyjum, sem hefur skipt við Odda
um 25 ára skeið, með fyrirtæki
sitt Bókagarð. Emil er mikill
hugsjónamaður, kominn á níræðis-
aldur en er samt enn að. Þessa
dagana er Oddi einmitt að senda
út bindi númer 31 til 35 af fær-
eyskurn kvæðum sent Emil gefur
út. Þessi bindi eiga að verða 40
talsins og hafa komið út 5 bindi á
ári. Þetta þykir metnaðarfúllt
verkefni, enda munu færeysku
kvæðin ekki hafa komið út í
prentuðu máli áður í svo heild-
stæðu verki. Oddi hefur einnig
prentað bækur og ýmislegt smá-
prent fyrir aöra útgefendur í þess-
um löndum og ekki síst símaskrár
Grænlendinga og Færeyinga líkt
og símaskrá okkar Islendinga.
Prentverkið úr landi?
„Auðvitað velta menn því þó
mjög fyrir sér í Ijósi aukinnar
samkeppni og þá sérstaklega sam-
keppni við láglaunasvæði, hversu
lengi við getum haldið í sumt af
því sem við erum að framleiða í
Nýjasta prentvél Odda, Heidelberg Speedmaster 102 CD 6 lita með lakkuniti.
dag. Því vakna eðlilega spurningar
um hvort ekki sé eðlilegt að
byggja upp eigin möguleika á að
framleiða á láglaunasvæðunum.
Þar eru ýmsar vangaveltur í gangi
þó ekki sé hægt að greina frá því
á þessu stigi.“
- Má þá búast við að prentverk
flytjist að einhverju marki til
útlanda á nœstu árum?
„Já, ég óttast það. Það hefur
verið gefið til kynna með plast-
iðnaðinn og liggur nokkuð beint
við að mínu mati lika varðandi
annan umbúðaiðnað. Það má eins
búast við að þörf verði á að fara
með prentverkið líka á önnur
svæði þar sem launahlutfallið er
aðeins brot af því sem hér er verið
að greiða. Þetta er t.d. spuming
um Pólland og Eystrasaltslöndin.
Gengisskráningin með háu
gengi krónunnar og slöku gengi
dollars, gera okkur heldur ekki
auðvelt að vinna t.d. fyrir Banda-
ríkjamarkað. Við höfum hins
vegar reynt að aðlaga okkur því
og ætlum okkur að halda áfram
og reyna að þrauka.“
Söluhvetjandi vörur
og þjónusta
Þorgeir segir að vegna aukinnar
samkeppni í prentverkinu hér
heima hafi Oddi verið að styrkja
sig á öðrum sviðum.
„Við erum ekki eingöngu í
prentverki því við höfum reynt að
þróa okkur yfir í það að vera
fyrirtæki með heildarlausnir. Við
erum að þjónusta fyrirtæki með
ýmislegt fleira en prentverk og þar
á meðal eru rekstrarvörur. Við
tökum þátt í sýningunni Rekstur
sem verður í Kópavogi dagana
21. og 22. október. Þar verður frá
okkar hendi megináherslan lögð á
söluhvetjandi vörur og þjónustu.
Þannig getum við hjálpað öðrum í
þeirra útrás og sölumennsku. Þar
er nt.a. um að ræða gerð sölu-
hvetjandi bæklinga og kynningar á
vörum. Við erum að selja í
söludeildinni hjá okkur ýmislegt
sem þessu tengist og reynum að
vera ráðgefandi á því sviði."
Söludeild Odda er orðin mjög
öflug og getur fyrirtækið nú
þjónustað skrifstofúr með nær
allan búnað sem til skrifstofu-
halds þarf, hvort heldur það eru
húsgögn, skrifstofuáhöld eða
prentun allra eyðublaða og bæk-
linga sem þörf er á. Einnig er
söludeildin með þær tölvur og
tæki sem til þarf. I sumum til-
fellum má segja að Oddi sé í
samkeppni við sjálfan sig með
því að aðstoða viðskiptavini sína
við að framleiða eigin prentgripi
í tölvum og ljósritunarvélum.
Rafrænu viðskiptin
- Nú var talað um það á sinum
tíma að með tölvutœkninni myndi
prentverkið leggjast af og pappír
jafnvel verða óþarfur. Er það
raunin?
„Nei, alls ekki. Það hefur auð-
vitað orðið töluverð breyting, en
það hefúr ekki orðið á þann veg
að pappírinn hafi orðið óþarfúr,
öðru nær. Það hefúr orðið aukn-
ing í notkun pappírs, en kannski
á annan veg en áður. Það er t.d.
verið að ljósrita út um allan bæ
þvílík kynstur af efni sem ekki
var tíðkað í sama mæli fyrir ekki
mjög mörgum árum. Það hefur
t.d. gerst að smærri prentverk búa
menn bara til sjálfir í sínum ljós-
ritunarvélum. Þessu höfum við
mætt með því að selja það sem til
þarf. Við seljum pappírinn og
blekið og þjónustuna í kringum
þessar vélar. Þannig höfum við
reynt að fylgja þróuninni til að
sitja ekki eftir.
Prentverkið í fullu gildi
Það er þó staðreynd að ýmislegt
sem áður þurfti að fara í gegnum
6 ■ PRENTARINN