Læknablaðið - 01.12.1971, Qupperneq 11

LÆKNABLAÐIÐ
247
Koloxíðmettun blóðrauða var frá 22 og allt að 90 hundraðs-
hlutum og var að meðaltali um 60 af hundraði. Alkóhól var
ákvarðað í blóði allra og í þvagi frá 14 einstaklingum. Alkóhól
var i mælanlegu magni í ]>lóði allra nema eins (nr. 2) og i öllum
þvagsýnum, sem rannsökuð voru.
Magn alkóhóls í blóði var að meðaltali (nr. 2 undanskilinn)
1.80%o (0.40-3.37%o) og í þvagi 3.00%o (0.70^.45%o).
Blettagreining á þynnu gaf ekki til kynna, að barbítúrsýru-
sambönd (10 sýni), mcpróbamat (3), klórdíazepoxíð (2),
díazepam (2) eða nítrazepam (1) væri í þeim sýnum, sem rann-
sökuð voru.
Dauða 8 einstaklinga (nr. 1, 4, 5, 6, 13, 16, 17 og 18) mátti
rekja til koloxíðs frá útblæstri bifreiða. Andlát allra nema eins
(nr. 13) bar að í bílskúr og benda þau gögn, sem fyrir hendi
eru, til þess, að í flestum tilvikum hafi verið um sjálfsmorð að
ræða. Nr. 13 var óvenjulega skýrt dæmi um sjálfsmorð. Maður
þessi fannst látinn í bíl, sem stóð á víðavangi. Bíllinn var læst-
ur og var slanga frá útblástursröri leidd inn um skáglugga á
afturhurð. Hafði verið þétt með blöðum í kring. I fórum manns-
ins fannst enn fremur bréf, sem gaf ótvírætt til kvnna, að hann
hefði liaft sjálfsmorð í huga. Koloxíðmettun blóðrauða var meiri
í þessu sýni en frá nokkru öðru í safninu.
Af völdum skipsbruna dóu sjö (nr. 7, 8, 9, 10, 11, 12 og 14).
Nr. 7-12 létust í brunaslysi, sem varð um borð í togara og nr.
14 fannst látinn í lúkar vélbáts, sem kviknað hafði í. Veruleg
brunasár voru á flestum þessara manna og sót í öndunarvegi.
Vegna bruna í húsum dóu 4 (nr. 2, 3, 15 og 19). Nr. 2 fannst
látinn Iiggjandi í gangi í kjallara húss, sem kviknað hafði í. Mað-
urinn var sótsvartur í andliti og með útbreidd brunasár á út-
limum. Nr. 3 fannst látinn i herbergi, þar sem eldur hafði verið
laus. Hann var með útbreidd brunasár og mikið sót í öndunar-
vegi. Nr. 15 og 19 fundust látnir í herbergjum, sem voru full
af reyk. Var eldur i rúmfötum og var talið líklegt, að kviknað
hefði í þeim sökum gáleysis við reykingar. Voru menn þessir
báðir talsvert brenndir, þegar að var komið.
Við krufningu fundust ekki sjúkdómar á svo háu stigi, að
það skipti nokkru máli í þessu sambandi.
UMRÆÐA OG ÁLYKTANIR
Koloxíð er litarlaus, lyktarlaus og reyndar einnig bragðlaus
lofttegund, sem er lítið eitt léttari en andrúmsloft. Af þessum