Sveitarstjórnarmál - 01.12.1995, Blaðsíða 11
AFMÆLI
Hólmvíkingar settu upp vegskilti sem sýnir hve stutt er til vinabæjar Raufarhafnar. Viö
skiltiö standa sveitarstjórarnir í Hólmavíkurhreppi og í Raufarhafnarhreppi, þeir Stefán
Gislason, til vinstri, og Gunnlaugur Júlíusson, til hægri á myndinni. Ljósm. Björk Jó-
hannsdóttir.
bátar til Raufarhafnar og kvóti sveit-
arfélagsins þar með aukinn um 50%.
Það er orðið svo að kvótastaða í
dæmigerðum sjávarþorpum eins og
Raufarhöfn er ræður miklu um liver
framtíðarþróun verður hjá sveitarfé-
laginu. Tryggt atvinnuástand og
nægjanleg vinna gerir fólki kleift að
taka ákvörðun til framtíðar um bú-
setu á staðnum og byggja þar upp
framtíð sína. Því er það eitt af for-
gangsverkefnum forsvarsmanna í
sveitarstjórn og útgerð á hverjum
tíma að treysta undirstöðu atvinnu-
lífsins á þann hátt sem hagfelldastur
er.
Enda þótt rekstur útgerðarfyrir-
tækja og frystihúsa hafi verið með
nokkrum sveillum í áranna rás, eins
og gengur, þá blasa nú við áhuga-
verð og spennandi verkefni sem eiga
að tryggja enn frekar stöðu fyrir-
tækja hér á Raufarhöfn og getu þeir-
ra til að skapa atvinnu fyrir íbúa
sveitarfélagsins. Atvinnuleysisdraug-
urinn er á hinn bóginn alltaf á næsta leiti og það er og
mun ætíð vera eitt helsta verkefni sveitarstjóma að kljást
við hann.
Afmæli sveitarfélagsins
Raufarhafnarhreppur hefur haldið upp á afmæli sveit-
arfélagsins á margvíslegan hátt. A hátíðarfundi sínum
hinn 7. janúar, er liðin voru 50 ár frá fyrsta hreppsnefnd-
arfundi Raufarhafnarhrepps, ákvað sveitarstjómin, eins
og áður segir, að markvissar áherslur í umhverfismálum
yrðu eitt af forgangsverkefnum sveitarfélagsins á kom-
andi árum. Undir það falla auk sorphirðumála útlit og
fegrun þorpsins, fræðsla í grunnskólanum og meðal
starfsmanna hreppsins um umhverfismál, uppsetning
spilliefnamóttöku og annað er þessum málaflokki til-
heyrir. Mikil og almenn hreyfing er meðal íbúa hrepps-
ins um að fegra og snyrta umhverfi sitt. Hús hafa verið
máluð, umhverfi þeirra snyrt og óþarfa drasl fjarlægt.
Afmælishátíðin sjálf var haldin dagana 21.-23. júlí. í
tengslum við hana var ráðist í gerð kvikmyndar sem á
að fjalla um mannlíf á Raufarhöfn með eilítið krydduðu
ívafi. Örn Ingi Gíslason á Akureyri skrifar handrit og
leikstýrir kvikmyndinni en Samver hf. annast alla tækni-
vinnu. Fyrri hluti hennar var frumsýndur á hátíðinni.
Hingað komu á afmælisdaginn sendiherra Rússlands
og frú og fulltrúar danska, franska og sænska sendiráðs-
ins. Tilgangurinn með því að bjóða þeim var að gefa
þeim kost á að kynnast mannlífi og hátíðahöldum í
nyrsta sjávarþorpi á Islandi sem liggur rétt fyrir sunnan
heimskautsbaug.
Klukkan 17.00 föstudaginn 21. júlí komu um 120
Hólmvíkingar á hátíðina og höfðu þeir safnast saman
fyrir utan þorpið og gengu fylktu liði til Raufarhafnar að
félagsheimilinu Hnitbjörg þar sem Raufarhafnarbúar
tóku á móti þeim. Var þetta tilkomumikil sjón þar sem
margir Hólmvíkingar voru mjög skrautlega búnir. Má
þar nefna Karíus og Baktus og Línu langsokk sem vöktu
mikla hrifningu meðal unga fólksins. Fyrir þessum
tveimur vinabæjafylkingum gengu tveir svartklæddir
menn, skuggalegir mjög, en þeir voru persónugervingar
þessara tveggja hreppa. „Hólmavíkurhreppur“ bar svarta
tösku, stóra og umfangsmikla, sem að sögn innihélt góð-
ar gjafir. Undirritaður varð kátur mjög og taldi að þarna
væri sveitarsjóður Hólmavíkurhrepps kominn en það var
ekki alveg svo gott heldur það næstbesta, ein flaska af
„Bjartur í sumarskapi", vestfirskur galdrastafur og það
sem mesta þörfin var á, svartur fáni með gulum mána og
sól. Enda ekki lítil þörf þar á því veður var drungalegt,
lítið hughreystandi.
Að móttökunum loknum var Hólmvíkingum boðið í
heljarinnar grillveislu í grunnskólanum. Voru menn að
vonum ánægðir með hana þar sem ferðalagið var langt
og síðasti kílómetrinn kaldur og vindasamur.
Klukkan 11.00 laugardaginn 22. júlí lenti flugvél
Flugmálastjómar með forseta íslands, frú Vigdísi Finn-
bogadóttur, forsetaritara, Svein Björnsson, og sam-
gönguráðherra, Halldór Blöndal. Um leið og flugvélin
snart jörðu braust sólin fram og gaf fögur fyrirheit um
sólríka daga. Sannaðist þar það sem oft hefur verið sagt
að forseta íslands, frú Vigdísi Finnbogadóttur, fylgi
20 1