Sveitarstjórnarmál - 01.12.1995, Blaðsíða 52
Séra Jón Einarsson
Séra Jón Einarsson, oddviti Hval-
fjarðarstrandarhrepps, lést hinn 14.
september sl. og var jarðsunginn að
viðstöddu miklu fjölmenni frá Saur-
bæjarkirkju hinn 23. september.
Séra Jón fæddist árið 1933 og var
því 62 ára er hann lést.
Séra Jón átti sæti í hreppsnefnd
Hvalfjarðarstrandarhrepps frá árinu
1974, eða í 21 ár, og var oddviti
hreppsins frá árinu 1982. Hann var
formaður barnaverndarnefndar
hreppsins frá árinu 1970, áfengis-
varnanefndar frá 1978, stjórnar
Bókasafns Hvalfjarðarstrandar-
hrepps frá 1970 og stjórnar verka-
mannabústaða í hreppnum frá 1982.
Þá var hann formaður byggingar-
nefndar félagsheimilisins að Hlöð-
um 1975-1982.
Hann átti sæti í skólanefnd Hér-
aðsskólans í Reykholti frá árinu
1967, í skólanefnd Leirárskóla
1974-1978 og Fjölbrautaskóla
Vesturlands 1986-1989, í fræðslu-
ráði Borgarfjarðarsýslu 1967-1974
og var formaður fræðsluráðs Vest-
urlands 1978-1982.
Hann var formaður héraðsnefndar
Borgarfjarðarsýslu 1989-1994, sat í
stjórn Byggðasafns Akraness og
nærsveita frá 1982 og Safnastofnun-
ar Borgarfjarðar frá 1989. Hann
starfaði í stjórn Grundartangahafnar
1982-1986 og Fiskeldisfélagsins
Strandar hf. 1985-1990. Af hálfu
hreppsins var hann í samvinnunefnd
um svæðisskipulag sunnan Skarðs-
heiðar frá 1989 og í framkvæmda-
nefnd vegna byggingar heilsugæslu-
stöðvar á Akranesi frá 1982. Hann
var í öldrunamefnd Akraness og ná-
grennis frá árinu 1991 og í stjóm fé-
lagsins Þroskahjálpar á Vesturlandi
1977-1981.
Séra Jón var sóknarprestur í Saur-
bæ á Hvalfjarðarströnd frá árinu
1966 og gegndi frá því fjölmörgum
trúnaðarstörfum á vegum kirkjunn-
ar. Hann var prófastur í Borgarfjarð-
arprófastsdæmi 1977-1978 og á ný
frá árinu 1980, í stjórn vinnubúða-
nefndar Þjóðkirkjunnar 1970-1976,
formaður starfsháttanefndar kirkj-
unnar 1974—1977, kirkjuráðsmaður
frá 1986 og sat í fulltrúaráði Hjálp-
arstofnunar kirkjunnar 1988-1994, í
stjórn Prestafélags Islands
1974-1978 og Prófastafélags ís-
lands frá 1982, þar af sem formaður
frá 1989. Hann sat í Snorraminning-
amefnd Borgarfjarðar 1979 og var í
stjómskipuðum nefndum sem fjall-
að hafa um málefni Reykholts og
Skálholts. Þá var hann í ritnefnd
Kirkjuritsins frá árinu 1979 og hafði
m.a. umsjón með útgáfu íbúatals
Borgarfjarðarsýslu, Mýrasýslu,
Borgarness og Akraness sem kom
út 1981 og 1987.
Jón haslaði sér ungur völl í ung-
mennafélagshreyfingunni og í
Framsóknarflokknum og átti sæti í
miðstjóm hans í 15 ár.
Séra Jón var kosinn í fulltrúaráð
sambandsins á árinu 1990 og endur-
kosinn á árinu 1994 og starfaði af
hálfu sambandsins í stjórnskipaðri
nefnd til að endurskoða lög um mál-
efni fatlaðra árin 1990-1992.
Jón Einarsson hafði mikinn metn-
að fyrir hönd strjálbýlisins og vildi
veg hinna dreifðu byggða sem mest-
an. Hann var ötull talsmaður þeirra
á vettvangi sambandsins og hélt
sannfæringu sinni einarðlega fram.
Hann sýndi þann vilja sinn í verki
nteð eflingu heimabyggðar þar sem
hann beitti sér fyrir bættri aðstöðu
til félagslífs og íþróttastarfsemi,
m.a. með byggingu félagsheimilis á
árunum 1976-1980 og sundlaugar
1991-1992, með byggingu félags-
legra íbúða í nýju hverfi, sem nefnt
var Hlíðarbær, og með borun eftir
heitu vatni og stofnun hitaveitu. A
mannfundum var hann höfðingi í
fasi og framgöngu. Það er sjónar-
sviptir að slíkum mönnum er þeir
hverfa úr röðum sveitarstjórnar-
manna.
Eftirlifandi eiginkona séra Jóns er
Hugrún Valný Guðjónsdóttir. Þau
eignuðust fjögur börn sem öll eru á
HÚSNÆÐISMÁL
Nefnd fjallar um félags-
lega íbúðalánakerfíð
Félagsmálaráðherra, Páll Péturs-
son, hefur skipað fimm manna
nefnd sem falið er það hlutverk að
fjalla um félagslega íbúðalánakerfið
og leita leiða til lausnar á þeim
vanda sem sum sveitarfélög eiga við
að glíma vegna íbúða sem ekki tekst
að nýta.
í nefndinni eru Magnús Stefáns-
son alþingismaður, sem er formað-
ur, Steingrímur Ari Arason, aðstoð-
armaður fjármálaráðherra, Ingi Val-
ur Jóhannsson, deildarstjóri í félags-
málaráðuneytinu, Gísli Gíslason,
deildarstjóri hjá Húsnæðisstofnun
ríkisins, og Magnús B. Jónsson,
sveitarstjóri Höfðahrepps, sem er í
nefndinni af hálfu sambandsins.
Einnig starfar með nefndinni Þor-
gerður Benediktsdóttir, deildarstjóri
í félagsmálaráðuneytinu.
242