Morgunblaðið - 30.01.2012, Blaðsíða 34

34 MENNING
MORGUNBLAÐIÐ MÁNUDAGUR 30. JANÚAR 2012
VIÐTAL
Kolbrún Bergþórsdóttir
kolbrun@mbl.is
Á
litla sviði Borgarleik-
hússins er verið að sýna
sjóntónleikinn Sögu
þjóðar. Eiríkur Þ.
Stephensen og Hjör-
leifur Hjartarson, meðlimir hljóm-
sveitarinnar Hunds í óskilum, fara
þar í tali og tónum á hundavaði í
gegnum Íslandssöguna frá upphafi
til okkar daga. Sýningin er sam-
starfsverkefni Hunds í óskilum,
Leikfélags Akureyrar og Borgar-
leikhússins og var frumsýnd norðan
heiða fyrr á þessu leikári. Benedikt
Erlingsson er leikstjóri sýningar-
innar.
„Okkur hefur alltaf fundist tónlist-
arflutningur okkar vera á milli þess
að vera leikhús og tónleikar. Þess
vegna ákváðum við núna að fara yfir
línuna og stíga á leiksviðið,“ segja
þeir félagar, Eiríkur og Hjörleifur.
„Í þessari sýningu förum við í gegn-
um alla Íslandssöguna. Við byrjum á
Miklahvelli en förum þar hratt yfir
sögu og tökum svo helstu atriði í Ís-
landssögunni frá landnámi til dags-
ins í dag. Í Íslandssögunni skiptast á
góðæri og hrun og síðasta hrun er
alls ekki nýtt fyrirbæri. Við getum
ekki sagt alla Íslandssöguna en segj-
um frá því sem okkur finnst áhuga-
vert og þar er margt sem fólk þekkir
en þar er örugglega líka ýmislegt
sem margir eru búnir að gleyma.
Við reynum að finna spaugilega
hlið á sögunni, tölum út frá nútíman-
um og finnum samsvaranir. Ekkert
er nýtt undir sólinni og það getur
verið fyndið að sjá hvernig hlutirnir
endurtaka sig. En þetta verk á ekki
bara að vera fyndið og skemmtilegt
heldur líka fræðandi. Við þurftum að
leggjast í mikla vinnu við að lesa
okkur til um Íslandssöguna og reyna
að finna sitthvað áhugavert sem
virkar á sviði.“
Lásuð þið gamlar kennslubækur?
„Já, meðal annars. Við höfum öll
lesið sömu kennslubækurnar og þær
verða að vera þarna. Ætli Jónas frá
Hriflu rifjist ekki upp fyrir þeim sem
verða í salnum. Söguskoðun hans er í
okkur öllum.“
Hvernig lög notið þið í sýning-
unni?
„Í gegnum tíðina höfum við spilað
þó nokkuð af lögum eftir aðra í mis-
skrýtnum útsendingum og við not-
um eitthvað af þeim, en við höfum
líka samið mikið af nýjum lögum sér-
staklega fyrir þessa sýningu. Upp-
haflega hugmyndin var sviðsettir
tónleikar en síðan þróaðist vinnan í
átt að meira leikhúsi. Ætli það megi
ekki kalla þetta sjóntónleika. Við er-
um kátir með þetta verk og vonum
að það gangi vel hér í Borgarleikhús-
inu. Það er nauðsynlegt fyrir þjóðina
að rifja upp Íslandssöguna. Svo er
líka alltaf jákvætt að fá nýtt íslenskt
leikverk í leikhúsin.“
Benedikt Erlingsson leikstýrir.
Hvernig var að vinna í samstarfi við
hann?
„Það er mjög gaman að vinna með
honum. Við unnum með honum í Ís-
landsklukkunni þar sem við sömdum
og fluttum tónlistina og fengum
reyndar Grímuverðlaunin fyrir tón-
listina, sem var verulega skemmti-
legt. Okkur langaði því til að fá
Benedikt í samstarf með okkur.
Hann var rétti maðurinn í þetta.“
Segið mér svo af hverju hljóm-
sveitin ykkar heitir Hundur í óskil-
um?
„Við byrjuðum að spila saman
1994 og spiluðum þá dinnertónlist. Á
þeim tíma hét hljómsveitin alls kon-
ar nöfnum. Ætli það hafi ekki verið
eins konar húmor hjá okkur að
skipta stöðugt um nafn. Svo létum
við prenta nafnspjöld einmitt þegar
við hétum Hundur í óskilum. Þetta
var stór bunki af nafnspjöldum og
eftir það var of kostnaðarsamt að
skipta um nafn. Síðan höfum við
heitið Hundur í óskilum.“
Hvað er framundan hjá ykkur?
„Við höfum aldrei planað framtíð-
ina. Við munum finna okkur eitthvað
að gera eftir þessa sýningu.“
Morgunblaðið/Kristinn
Hjörleifur Hjartarson og Eiríkur Þ. Stephensen „Okkur hefur alltaf fundist tónlistarflutningur okkar vera á milli þess að vera leikhús og tónleikar.“
Frá Miklahvelli til nútímans
 Sjóntónleikurinn Saga þjóðar í Borgarleikhúsinu  Hljómsveitin Hundur í óskilum segir Íslands-
söguna  Reynum að finna spaugilega hlið á sögunni, segja meðlimir hljómsveitarinnar
» „Við reynum að finna spaugilega hlið á sögunni, tölum út frá nú-tímanum og finnum samsvaranir. Ekkert er nýtt undir sólinni og
það getur verið fyndið að sjá hvernig hlutirnir endurtaka sig. En
þetta verk á ekki bara að vera fyndið og skemmtilegt heldur líka
fræðandi. Við þurftum að leggjast í mikla vinnu við að lesa okkur til
um Íslandssöguna og reyna að finna sitthvað áhugavert sem virkar á
sviði.“Hjörleifur Hjartarson er tón-
menntakennari að mennt og
hefur fengist jöfnum höndum
við tónlist og skriftir um árabil.
Hann söng með Tjarnar-
kvartettinum, hefur skrifað
nokkur leikrit og samið leik-
hústónlist fyrir eigin verk og
annarra.
Eiríkur Stephensen er mennt-
aður blásarakennari og tón-
fræðingur. Hann starfar sem
skólastjóri Tónlistarskóla Eyja-
fjarðar.
Hundur í
óskilum
LISTAMENNIRNIR