Morgunblaðið - 16.02.2012, Blaðsíða 22
22 UMRÆÐAN
MORGUNBLAÐIÐ FIMMTUDAGUR 16. FEBRÚAR 2012
Í haust sendi ég inn
umsögn til Ramma-
áætlunar um verndun
og orkunýtingu, sem
ég vann á vegum
Framtíðarlandsins um
virkjanir á Leirhnjúks-
Gjástykkissvæðinu.
Landeigendafélag
Reykjahlíðar gerði það
líka ásamt fleiri aðilum
og málið var komið í
aðgengilegan farveg á rammaaetl-
un.is. En Ólafur H. Jónsson, formað-
ur landeigendafélagsins var ekki
ánægður, því hann ritaði til mín opið
bréf í Morgunblaðinu með at-
hugasemdum um umsögn mína og
fylgdi því eftir viku seinni með öðru
opnu bréfi til mín í blaðinu. Ólafur
var einn af burðarásum handbolta-
landsliðsins á sínum tíma, en í þeirri
íþrótt skiptast liðin á um að hafa bolt-
ann. En með því að skrifa tvær grein-
ar í röð gaf Ólafur sér boltann í
fyrstu sóknir sínar í málinu svo að
staðan í talningu sóknanna varð
strax 2:0. Ég svaraði reyndar með
einni grein en eftir nokkurt hlé svar-
aði Ólafur með þriðju grein sinni svo
að staðan er 3:1. Kannski heldur
hann að með því sé hann með unnið
mál og ef ég skrifi aðra grein geti
hann komið með grein á móti og
komist í 4:2.
Ég hef svo sem engar áhyggjur af
því, Ólafur minn, vegna þess að eins
og þú veist ráðast úrslit ekki af tölu
sóknanna heldur sóknarnýtingunni,
og í upphafssetningu fyrsta bréfs þín
byrjaðir þú, sem varst ein magnað-
asta „undirhandarskytta“ íslenskrar
handboltasögu, á því að skjóta sjálf-
an þig í fótinn. Látum það liggja á
milli hluta en hugum að helstu rök-
semdinni, sem þú beitir í þriðju grein
þinni, en hún er sú að samanburður
minn á aðstæðum í Yellowstone og í
Gjástykki eigi ekki við af því að Yel-
lowstone sé tæplega 9000 ferkíló-
metrar að stærð, 90 sinnum stærra
en Gjástykki og 18 sinnum stærra en
allt Reykjahlíðarland. Sem sagt: Þú
telur að stærð Yellowstone ráði úr-
slitum um friðun þess. Þetta er at-
hyglisvert sjónarmið. Gjástykki er
um 100 ferkílómetrar. Askja er um
100 ferkílómetrar, Kverkfjöll enn
minni. Þingvallaþjóðgarður er um
100 ferkílómetrar. Samkvæmt rök-
semdafærslu þinni ætti ekki að friða
neitt af þessum svæðum, vegna þess
hve þau eru lítil, heldur væri réttlæt-
anlegt að reisa virkjanir í Öskju,
Kverkfjöllum og Gjástykki og jafnvel
að taka Þingvelli út af heims-
minjaskrá UNESCO og reisa virkj-
un þar ef þar fyndist háhiti. Er það í
lagi, Ólafur? Fer gildi nátt-
úruverðmæta bara eftir flatarmáli?
Væri í fínu lagi að reisa virkjun við
Geysi af því að Geysissvæðið er að-
eins 2-3 ferkílómetrar og 4000 sinn-
um minna en Yellowstone?
Í grein þinni telur þú hugsanlegt
að Bandaríkjamenn hafi ekki lagt í að
virkja gríðarlegan háhita og vatnsafl
í Yellowstone vegna jarðskjálfta þar,
sem séu mörg þúsund. Gott væri fyr-
ir þig að kynna þér þær heimildir
sem til eru um friðun Yellowstone og
leita að einhverri setningu eða heim-
ild sem minnist á þetta sem ástæðu
fyrir friðun, því að aldrei hefur verið
minnst á truflanir af
völdum jarðskjálfta í
neinum þeim heimildum
sem ég hef séð um
ástæðu friðunar Yellow-
stone, heldur var bar-
áttan fyrir friðun svæð-
isins háð árum saman
með sömu rökum og nú
eru notuð fyrir friðun
Gjástykkis og gegn
þeim rökum, sem þú
notar nú gegn friðun
Gjástykkis. Meðal
þeirra eru þau rök að
friðað verði svæðið engum til gagns.
Sjálfur nefnir þú þó að þúsundir fólks
vinni í Yellowstone, (að ekki sé
minnst á alla þá utan garðsins sem
hafa tekjur af honum), og að þangað
komi þrjár milljónir ferðamanna á
ári. Bæta má því við að um helm-
ingur þeirra kemur þangað yfir þver-
an hnöttinn frá öðrum heimsálfum.
Samt er þar engin virkjun, enda
kemur þetta fólk þangað vegna þess
að svæðið er óvirkjað. Og þrátt fyrir
þetta kemst Yellowstone ekki á blað
sem eitt af helstu náttúruundrum
veraldar þótt hinn eldvirki hluti Ís-
lands hafi komist á slíka skrá. Það er
rétt hjá þér að þúsundir smáskjálfta
mælast í Yellowstone en þeir eru svo
litlir að þeir sjást bara á mælum og
fólk verður ekki vart við þá. Skjálft-
ar, sem fólk verður vart og skjálftar
yfir 3 á Richter koma miklu sjaldnar
fyrir í Yellowstone en á Reykjanes-
skaganum og ekki er að sjá að jarð-
skjálftar á suðvesturhorni Íslands
hafi leitt til mannvirkjafælni þar.
Hvergi sér þess að Yellowstone hafi
verið friðað vegna jarðskjálftahættu.
Mig grunar að þú getir ekki séð
neina aðra ástæðu fyrir friðun en
skjálftavirkni af því að þér virðist
fyrirmunað að skilja hvers vegna
náttúruverðmæti séu friðuð og
hvernig er hægt að fá meira út úr
þeim fjárhagslega með verndarnýt-
ingu en orkunýtingu.
Þú segir að jarðvarmavirkjun í
Gjástykki sé ekki sambærileg að um-
fangi og raski við Hellisheið-
arvirkjun, sem sé mun stærri. En
það þarf ekki að fara suður á Hellis-
heiði til að sjá virkjun sem sambæri-
leg er fyrirhugaðri Gjástykk-
isvirkjun. Kröfluvirkjun er minni að
afli en áætlað er að Gjástykk-
isvirkjun verði, og slík virkjun,
stærri en Kröfluvirkjun, myndi blasa
við á mestöllu Gjástykkissvæðinu og
valda ómældum óafturkræfum um-
hverfisspjöllum á stað sem á sér enga
hliðstæðu á jarðríki. Um yrði að
ræða umrót á nýrunnum hraunum,
sem engin leið er að koma í fyrra horf
eftir röskun. Skiptir litlu þótt hús
verði til hliðar við dýrmætasta svæð-
ið, – holur, gufuleiðslur, vegir og lín-
ur verða þar.
Ólafur H. Jónsson,
Gjástykki –
Yellowstone
Eftir Ómar
Ragnarsson
Ómar Ragnarsson
» Ólafur, sjónarmiðin
sem þú notar gegn
friðun Gjástykkis voru
notuð gegn friðun Yel-
lowstone fyrir 130 árum.
Þar þættu þau fráleit í
dag.
Höfundur er stjórnarmaður
í Framtíðarlandinu.
Það eru kunnugleg
vinnubrögð sem komu
fram í frétt á press-
an.is. hinn 13.2. sl. und-
ir fyrirsögninni „Fallni
meirihlutinn var ósátt-
ur við bæjarstjórann –
Stjórnarhættirnir
minntu of mikið á
Gunnar I. Birgisson.“
Gamalkunn
vinnubrögð
Þar virðist hafa gerst enn og aftur
að farið hafi verið í leiðangur í bæj-
arbókhaldinu og grafin upp viðskipti
sem hentaði að gera tortryggileg
með ákveðið markmið í huga. Í þessu
tilfelli að varpa rýrð á störf fyrrver-
andi bæjarstjóra, Guðrúnar Páls-
dóttir, með því að leka í fjölmiðla
frétt um að Guðrún bæjarstjóri hafi
upp á sitt einsdæmi tekið þá af-
drifaríku ákvörðun fyrir hönd Kópa-
vogsbæjar að láta vinna verk fyrir
heilar 1,2 milljónir án útboðs. Upp-
hæð langt innan marka inn-
kaupareglna Kópavogs um útboð.
Ég hef auðvitað ekki hinn minnsta
græna grun um hver það var sem
rakst fyrir einskæra tilviljun á þessi
gögn í bókhaldi bæjarins. Umfang
viðskiptanna og bíræfni bæjarstjór-
ans að fara svona óhefðbundna leið
við svo mikilvæga ákvörðun, án út-
boðs, hefur sýnilega komið viðkom-
andi svo á óvart að það hefur orðið
þeirri persónu um megn. Hún hefur
séð sig knúna til að tjá sig við fjöl-
miðla líkt og gert var í bíla- og pen-
ingaskápsmálunum. Allt uppi á borð-
inu á þeim bæ. Ég geng hins vegar út
frá því að blaðamaður Pressunnar
hafi ekki frjálsan aðgang að bókhaldi
Kópavogsbæjar og því er miður að
fínn fréttavefur eins og
pressan.is láti nota sig á
þennan hátt.
Rætnar aðdróttanir
Samkvæmt fréttinni
staðfestir Guðríður
Arnardóttir, oddviti
Samfylkingarinnar,
verkkaupin auk þess
sem haft er eftir henni
að þetta hafi komið á
óvart á sínum tíma og
svo bætir hún um betur
og segir (samkvæmt pressan.is) að
„ýmislegt bendir til þess að Guðrún
hafi farið óhefðbundnar leiðir hvað
fjármál bæjarins varðar“.
Það er dapurlegt að verða vitni að
þessum málflutningi Guðríðar Arn-
ardóttur. Það er þegar búið að svæla
Guðrúnu úr starfi og það var afar illa
að því staðið. Hvað þarf að gera
meira? Ná af henni ærunni líka?
Það er vel skiljanlegt að fólki sem
hefur klúðrað langþráðum pólitísk-
um draumum sínum verði á mistök í
látunum sem fylgja því að meirihluti
þeirra splundrast. Síendurteknar
dylgjur og órökstuddar árásir á
mannorð Guðrúnar Pálsdóttir, að því
er virðist til að dylja raunverulegar
ástæður meirihlutaslitanna, eru hins
vegar óskiljanlegar og ekki sæm-
andi. Nú er mál að linni.
Ósanngjörn aðför
Guðrún hefur verið fjármálastjóri
Kópavogs til fjölda ára og enginn
skuggi fallið þar á þar til allt í einu
núna þegar gefa þarf skýringar á
falli meirihlutans. Guðríður hlýtur
fjandakornið að hafa spurst fyrir um
hæfni Guðrúnar áður en hún var ráð-
in og hafi hún notað „óhefðbundnar
leiðir“ í fjármálum bæjarins þá hefði
það örugglega borist Guðríði til
eyrna áður en skrifað var undir ráðn-
ingarsamninginn.
Fyrrverandi meirihluta má hrósa
fyrir dugnað að einu leyti. Að búa til
stefnur. Á stuttum valdatíma sam-
þykkti meirihluti Guðríðar t.d. um-
hverfisstefnu Kópavogsbæjar, sam-
þykkt fyrir félagsmálaráð Kópavogs,
samþykkt um kattahald í Kópavogi,
eineltisstefnu Kópavogs og reglur
um ábyrgð og starfshætti ráðinna
stjórnenda, kjörinna fulltrúa og
nefndarmanna við stjórnsýslu Kópa-
vogsbæjar, svo eitthvað sé nefnt.
Innihald þessara stefna virðist þó
hafa farið fyrir ofan garð og neðan
hjá einhverjum bæjarfulltrúum
meirihlutans sáluga. Hér eru nokkrir
punktar úr eineltisstefnunni:
„Á góðum vinnustað sýnir sam-
starfsfólk hvað öðru kurteisi og virð-
ingu í samskiptum.“
„Á góðum vinnustað er tekið
markvisst á vandamálum sem koma
upp.“
„Einelti getur tekið á sig margar
myndir, t.d. baktal, slúður, útúrsnún-
ingur, niðrandi ummæli og þöggun.“
„Ósanngjörn gagnrýni á vinnu-
brögð.“
Guðrún Pálsdóttir getur eflaust
gert mistök eins og við hin en hafi
það gerst er örugglega að finna í ein-
hverri stefnunni markviss viðbrögð
við slíku. Slík viðbrögð eru áreið-
anlega ekki að fara með aðdróttanir
og hálflygar ítrekað í fjölmiðla til að
rakka mannorðið af einstaklingi sem
hefur þjónað bæjarfélaginu sínu af
trúfestu nánast alla starfsævi sína.
Aðförin að bæjar-
stjóra Kópavogs
Eftir Jóhann Ísberg
Jóhann Ísberg
» Þar virðist hafa
gerst enn og aftur
að farið hafi verið í leið-
angur í bæjarbókhald-
inu og grafin upp við-
skipti sem hentaði að
gera tortryggileg.
Höfundur er varabæjarfulltrúi
í Kópavogi.
- nýr auglýsingamiðill
569-1100finnur@mbl.is
...þú leitar og finnur
–– Meira fyrir lesendur
PANTAÐU AUGLÝSINGAPLÁSS
.
MEÐAL EFNIS:
Viðtöl við fyrirlesara ráðstefnunnar.
Viðtal við formann Ímark.
Saga og þróun auglýsinga hér á landi.
Neytendur og auglýsingar.
Nám í markaðsfræði.
Góð ráð fyrir markaðsfólk
Tilnefningar til verðlauna í ár -
Hverjir keppa um Lúðurinn?
Fyrri sigurverarar íslensku
markaðsverðlaunanna.
Ásamt fullt af öðru
spennandi efni.
ÍMARK íslenski
markaðsdagurinn
Morgunblaðið gefur út ÍMARK
sérblað fimmtudaginn
23. febrúar og er tileinkað
Íslenska markaðsdeginum
sem ÍMARK stendur fyrir
en hann verður haldinn
hátíðlegur 24. febrúar. nk.
PÖNTUNARTÍMI AUGLÝSINGA:
Fyrir kl. 16, föstudaginn 17. feb.
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
S
É
R
B
L
A
Ð