Morgunblaðið - 20.09.2012, Blaðsíða 7
FRÉTTIR 7Innlent
MORGUNBLAÐIÐ FIMMTUDAGUR 20. SEPTEMBER 2012
Björn Björnsson
Sauðárkróur Mikið var um að vera
í og við höfninna á Sauðárkróki á
þriðjudag en þá stóðu yfir tökur á
hluta nýrrar kvikmyndar sem fram-
leidd er af Friðriki Þór Friðrikssyni,
í leikstjórn Benedikts Erlingssonar,
sem er einnig handritshöfundur.
Tökuliðið hafði tekið á leigu einn
af togurum Fisk Seafood, Klakkinn,
og var hann að minnsta kosti að
hluta til orðinn að rússneskum tog-
ara. Atriðið, sem tekið var upp, var
að innfæddur sundreið út að togar-
anum til þess að verða sér úti um
brjóstbirtu sem þar var í boði, og að
erindinu uppfylltu var sundriðin
sama leið til lands.
Það var hinn landskunni hesta-
maður Hermann Árnason sem lagði
til þaulreyndan vatnahest í þetta at-
riði og reið honum sjálfur út að
skipinu, en bakaleiðina annaðist
Steinn Ármann leikari, enda klárinn
fúsari til lands en á útleiðinni og því
sá hluti ef til vill auðveldari þó
Steinn Ármann muni enginn viðvan-
ingur í umgengni við þarfasta þjón-
inn.
Benedikt Erlingsson sagði að taka
þessa atriðis hefði heppnast með
ágætum, þó að smá hnökrar hefðu á
orðið kæmi það ekki að sök, og
verulega ánægjulegt að vera hér í
Skagafirði í vöggu íslenskrar hesta-
mennsku við upptökur á nokkrum
atriðum myndarinnar.
Benedikt sagði að hér væri um að
ræða íslenskt drama, þar sem sleg-
inn væri alveg nýr tónn, ný tegund
af rómantík í hæsta veldi, en sam-
kvæmt hefðinni fléttuðust saman
ástir og örlög manna og hesta á
„dauðans óvissa tíma“. Þessu til
staðfestingar kæmu fyrir fleiri en
ein og fleiri en tvær jarðarfarir.
Tökur standa fram á fimmtudag í
Skagafirði en Benedikt gerði ráð
fyrir frumsýningu myndarinnar ein-
hverntíma síðla hausts á næsta ári.
Nýtt sjónarhorn á sveitarómantík
Morgunblaðið/Björn Björnsson
Sundreið Steinn Ármann á leið til lands í höfninni á Sauðárkróki.
Áætlað er að þjóðaratkvæða-
greiðslan um stjórnlagaráðs-
tillögur 20. október nk. muni kosta
alls 240 milljónir kr. samkvæmt
drögum að frumvarpi til fjár-
aukalaga fyrir árið 2012. Af þeim
er áætlað að um það bil 180 millj-
ónir fari til sveitarfélaganna vegna
nauðsynlegs kostnaðar, s.s. vegna
starfa undirkjörstjórna og hverfa-
kjörstjórna og vegna kjörgagna,
húsnæðis til kjörfunda og atkvæða-
kassa.
Samkvæmt upplýsingum frá inn-
anríkisráðuneytinu hefur verið
ákveðið að greiðslur til sveitar-
félaganna vegna atkvæðagreiðsl-
unnar verði reiknaðar þannig að
530 krónur verði greiddar fyrir
hvern kjósanda á kjörskrá og 390
þúsund krónur fyrir hvern kjörstað
sem sveitarstjórn ákveður.
Sveitarfélögin leggja út fyrir
þeim kostnaði sem fellur til vegna
framkvæmdar atkvæðagreiðsl-
unnar en geta óskað eftir greiðslu
hjá innanríkisráðuneytinu með því
að skila inn reikningi, gíróseðli eða
greiðslutilmælum en þurfa sam-
hliða því að skila inn upplýsingum
um kjósendur og kjörstaði í sveitar-
félaginu, sem staðfestar hafa verið
af kjörstjórn viðkomandi sveitarfé-
lags. holmfridur@mbl.is
Skila reikn-
ingi fyrir
kosningu
Ríkið greiðir 530
kr. á hvern kjósanda
Morgunblaðið/Ómar
Kosið Ríkið ber allan kostnað af
þjóðaratkvæðagreiðslunni.
Það hefur vakið
sérstaka athygli
lögreglu undan-
farið að ljósabún-
aði margra öku-
tækja er ábóta-
vant. Margir hafa
verið stöðvaðir
vegna þessa en
ýmist vantaði ljós
að framan eða aftan en ökumönn-
unum var góðfúslega bent á að
skipta um perur, öryggi eða annað
það sem bilað var. Lögreglan hvetur
ökumenn til að ganga úr skugga um
að ljósin séu í lagi enda séu þau
mikilvægt öryggistæki. Þau þurfi
alltaf að vera í lagi og ekki síst í
skammdeginu.
Ljósabúnaði
ábótavant
Í tilefni af 70 ára sögu félagsins og forvera þess verður sérstök afmælisráðstefna
haldin í Hörpu þann 25. september. Þar munu lykilmenn í sjávarútvegs- og
smásöluiðnaði fjalla um margvísleg málefni tengdum iðnaðinum.
13.30 Setning ráðstefnu og ávarp, Herdís Fjeldsted, stjórnarformaður Icelandic Group
Ráðstefnustjóri: Lárus Ásgeirsson, forstjóri Icelandic Group
13.40 Efnahagsleg áhrif sölusamtaka á sjávarútveginn og Ísland
Daði Már Kristófersson, dósent, Háskóli Íslands
14.25 Retail and Seafood – Umræðustjóri: Anita Barker, framkvæmdastjóri Coldwater
o Seafood from a Retailers Perspective – Andrew Mackenzie, sölustjóri hjá Marks & Spencer
o Growth and Opportunity in North America – Henry Demone, forstjóri Highliner Foods
15.30 Kaffihlé
15.50 Seafood Branding – Umræðustjóri: Árni Geir Pálsson, stjórnarmaður Icelandic Group
o Saucy Fish Co.: From minnow to mammoth – Simon Smith, sölu- og markaðsstjóri Seachill
o The brand Icelandic – Hjörleifur Ásgeirsson, framkvæmdastjóri Icelandic Iberica
17.00 Ráðstefnuslit
17.00 –18.00 Léttar veitingar
Vinsamlegast hafðu samband við Lilju Valþórsdóttur
(liljav@icelandic.is) fyrir kl. 14.00, 24. september til að
skrá þig á ráðstefnuna. Takmarkað sætaframboð.
Verð 7.900 kr.
Við hlökkum til að sjá þig á ráðstefnunni.
Afmælisráðstefna
Icelandic Group
Dagskrá