Morgunblaðið - 17.07.2013, Blaðsíða 20
20 FRÉTTIRErlent
MORGUNBLAÐIÐ MIÐVIKUDAGUR 17. JÚLÍ 2013
Ricardo Martinelli, forseti Panama,
sagði á mánudag að flugskeytabún-
aður hefði fundist um borð í norð-
urkóresku skipi við reglubundið
fíkniefnaeftirlit við Panamaskurð-
inn.
Martinelli sagði að eftirlitsmenn
hefði grunað að fíkniefni væru um
borð í skipinu, sem var á leið frá
Kúbu, en þegar farið var um borð
lét 35 manna áhöfnin öllum illum
látum og skipstjórinn gerði tilraun
til að svipta sig lífi.
Forsetinn sagði að vopnin hefðu
fundist innan um sendingu af sykri
en það gæti tekið einhverjar vikur
að komast að því nákvæmlega um
hvers konar vopn væri að ræða.
Vopn Skipið Chong Chon Gang.
Flugskeytabúnaður í
sykursendingu
PANAMA
„Líf mitt og margra annarra verður betra í dag
en það var í gær,“ sagði Waheed Ali, samkyn-
hneigður þingmaður lávarðadeildar breska
þingsins, þegar efri deildin afgreiddi frumvarp
um hjónabönd samkynhneigðra á mánudag, án
andstöðu. Frumvarpið fer nú aftur til neðri
deildarinnar til lokaumræðu en vonir standa til
að það fái fljóta afgreiðslu og að samkynhneigðir
Bretar geti gengið í hjónaband um mitt næsta ár.
AFP
Lávarðadeildin samþykkir hjónabönd samkynhneigðra
Mexíkóborg. AFP. | Mexíkóskir land-
gönguliðar handsömuðu á mánudag
Miguel Angel Trevino Morales, leið-
toga Zetas-fíkniefnahringsins, í
borginni Nuevo Laredo í Tamauli-
pas, nærri Texas.
Zetas-glæpasamtökin eru ein
valdamestu glæpasamtök Mexíkó og
hafa verið tengd við suma af hrotta-
legustu glæpum fíkniefnastríðsins í
landinu en Trevino er sjálfur þekkt-
ur fyrir að drekkja fórnarlömbum
sínum í eldsneyti og kveikja í.
Trevino er hæst setti fíkniefna-
baróninn sem yfirvöld hafa hand-
samað frá því að Enrique Pena Nieto
tók við forsetaembætti. Í stjórnartíð
forvera hans, Felipe Calderon, sem
setti þúsundir hermanna í að berjast
gegn fíkniefnasamtökum, voru 24 af
37 eftirlýstustu fíkniefnaforingjun-
um handsamaðir eða drepnir, en á
sama tíma, frá 2006-2012, voru fram-
in fleiri en 70 þúsund morð í landinu í
tengslum við fíkniefnaviðskipti.
Pena Nieto hefur heitið því að
berjast gegn ofbeldi í Mexíkó en
Stratfor, öryggisráðgjafarfyrirtæki í
Texas, telur líklegt að ofbeldi muni
aukast í Nuevo Laredo, höfuðvígi
Zetas, í kjölfar handtöku Trevino,
þegar baráttan um að fylla tómið
sem hann skilur eftir sig hefst.
Fíkniefnabarón fangaður
Mexíkósk yfirvöld handsama foringja einna hættulegustu glæpasamtaka landsins
Bera ábyrgð á hrottalegum glæpum Ofbeldi gæti aukist í kjölfar handtökunnar
AFP
Í haldi 7,3 milljónir Bandaríkjadala
voru settar til höfuðs Trevino.
Hólmfríður Gísladóttir
holmfridur@mbl.is
Sjö létust og 261 særðist í átökum
milli öryggissveita og stuðnings-
manna Mohameds Morsi í Kaíró, höf-
uðborg Egyptalands, í fyrrinótt.
Þúsundir stuðningsmanna forset-
ans fyrrverandi, sem hefur verið í
haldi frá því að honum var steypt af
stóli 3. júlí síðastliðinn, söfnuðust
saman í borginni á mánudag og
kröfðust þess að hann yrði settur aft-
ur í embætti.
Egypski herinn kastaði táragasi að
mótmælendum sem höfðu stöðvað
umferð um 6. október-brúna í hjarta
Kaíró og svöruðu með því að kasta
grjóti að öryggissveitunum. Tveir
mótmælendur létu lífið í átökum
nærri Tahrir-torgi en fimm aðrir
voru drepnir í borginni Giza, um 20
kílómetra suðvestur af miðborg
Kaíró.
Aðeins nokkrum klukkustundum
áður en átökin brutust út kallaði
varautanríkisráðherra Bandaríkj-
anna, William Joseph Burns, sem
lauk tveggja daga heimsókn í landinu
í gær, eftir því að umræður kæmu í
stað ofbeldis og hvatti herinn til þess
að forðast pólitískar handtökur.
„Það fyrsta á forgangslistanum er
að binda enda á ofbeldi og undirróð-
ur, koma í veg fyrir endurgjöld, og
hefja alvarlegar og raunverulegar
viðræður meðal allra aðila og allra
stjórnmálaflokka,“ sagði ráðherrann
eftir fund sinn með skipuðum forseta,
Adly Mansour, og bráðabirgðafor-
sætisráðherra, Hazem al-Beblawi.
Talsmaður bandaríska utanríkis-
ráðuneytisins staðfesti að Burns
hefði hvorki fundað með leiðtogum
Bræðralags múslíma, helstu stuðn-
ingsmanna Morsi, né með talsmönn-
um Tamarod-grasrótarhreyfingar-
innar, sem skipulagði fjöldamót-
mælin gegn forsetanum fyrrverandi.
„Við höfnuðum boðinu þar sem
Bandaríkin stóðu ekki með egypska
fólkinu frá upphafi,“ sagði Islam
Hammam, einn forsprakka hreyfing-
arinnar.
Samkvæmt upplýsingum AFP var
401 handtekinn í átökunum aðfara-
nótt þriðjudags, allir í miðborg
Kaíró.
Mannskæð
átök í Kaíró
Bandaríkjamenn hvetja til stillingar
Lögregluyfirvöld í
Frakklandi hand-
tóku í gær norsk-
an svartmálms-
rokkara með
tengsl við nýnas-
ista, sem grun-
aður er um að
hafa lagt á ráðin
um umfangsmikla
hryðjuverkaárás.
Kristian Vikernes, sem sagður er
vera stuðningsmaður Anders Be-
hrings Breiviks, flutti til Frakklands
eftir að hafa afplánað fangelsisdóm
fyrir að hafa stungið og drepið vin
sinn í Noregi og hefur verið undir
eftirliti lögreglu um nokkurt skeið.
Vikernes er þriggja barna faðir
en lögregla lét til skara skríða eftir
að eiginkona hans keypti vopn í
byrjun júlímánaðar, þrátt fyrir að
hún hefði haft til þess leyfi.
FRAKKLAND
Grunaður um að
áforma hryðjuverk
Heimili Vikernes.
AloeVera
Húðvörur í 100 ár
Stofnað
aloe
natural
100%
Fæst eingöngu í