Málfríður - 15.10.2005, Blaðsíða 23

MÁLFRÍÐUR 23
Baldur A. Sigurvinsson, verkefnisstjóri hjá Alþjóðaskrifstofu háskólastigsins.
eTwinning
leið til að efla tungumálanám
Menntaáætlun Evrópusambandsins eTwinning er
ætlað að gefa ungu fólki á aldrinum 12-20 ára, aukin
tækifæri til náms með rafrænu samstarfi milli grunn-
og framhaldsskóla í Evrópu. Markmið eTwinning
er að auka hreyfanleika fólks innan Evrópu, auka
tungumálakunnáttu og koma á menningartengslum
milli landa og menntastofnana. Fyrir kennara er
eTwinning leið til að efla gagnvirkar og fjölbreyttar
kennsluaðferðir og bæði fyrir kennara og nemendur
aðferð til að komast í bein og óhindruð kynni við
fólk af öðru þjóðerni og uppruna.
Í eTwinning geta nemendur og kennarar komið
á samvinnu við bekki í öðrum skólum í Evrópu
starfrækt námsverkefni, tengt námsefni skólanna.
Algengasta form eTwinning samstarfs er á milli
tveggja bekkja í tveimur skólum en engin takmörk
eru á því hversu margir skólar geti verið í samstarfi
á sama tíma. Verkefnin geta sömuleiðis verið eins
og hentar hverjum og einum að stærð, umfangi og
hraða, eina skilyrðið í eTwinning er að verkefnið
falli að uppeldis- og kennslufræðilegum markmið-
um skólans. Þannig er hægt að byrja með lítil og
þægileg verkefni sem síðan er hægt að víkka út
þegar á líður ef vilji er til þess en slíkt er í raun sam-
komulagsatriði við skólann sem samstarfið er við.
Verkefnin geta verið á sviði tungumála, samfélags-
fræði, landafræði, sagnfræði, stærðfræði, eðlisfræði,
líffræði, o.s.frv. Sökum þess að samstarfið er oftast
milli tveggja bekkja er mögulegt fyrir sama skóla
að starfrækja fleiri en eitt verkefni í einu. Samstarfið
getur einnig leitt til frekari tengsla við samstarfsskól-
ann og þannig orðið til stöðugt og gagnvirkt vinask-
ólasamband sem gagnast báðum aðilum. Hægt er að
byggja á þeirri reynslu sem margir skólar hafa þegar
aflað sér með þátttöku í öðrum áætlunum. Reynslan
af eTwinning getur einnig auðveldað þátttöku í þess-
um áætlunum, eins og til dæmis Sókrates-Comeníus
og Nordplus Junior.
Fyrir tungumálakennara er þátttaka í eTwinning
kjörin leið til að efla færni nemenda í tungumála-
námi, hvort sem er í grunnskólum eða framhalds-
skólum. Hvort sem verkefnið miðast við að láta
nemendur skiptast á tölvupóstskeytum milli landa,
nota fjarfundabúnað eða aðra margmiðlunartækni,
er eTwinning kjörin leið fyrir nemendur að æfa
þekkingu sína í því tungumáli sem þeir leggja stund
á. Heimasíða miðstöðvar eTwinning í Brussel, www.
etwinning.net, er til á tungumálum allra þeirra þjóða
sem standa að Evrópusambandinu. Þar er hægt að
nálgast dæmi um tungumálaverkefni, fá aðgang
að forritum sem gagnast í tungumálakennslu og
komast í samband við ráðgjafa og kennara. Eitt af
þeim forritum sem gagnast vel í tungumálakennslu
er Fréttasmiðjan (Magazine Factory) sem Svíar og
Finnar hafa unnið í sameiningu. Fréttasmiðjan er
dagblaðsumhverfi á netinu þar sem nemendur eru
blaðamenn og ljósmyndarar en kennarar eru í hlut-
verki ritstjóra. Í gegnum Fréttasmiðjuna er hægt að
skrifa greinar á öllum tungumálum heims. Einnig
er hægt að vinna blaðið í samvinnu við aðra skóla í
Evrópu. Aðgangur er frír fyrir þátttakendur í eTw-
inning og Nordplus Junior.
eTwinning-áætlunin var formlega opnuð í Brussel
í Belgíu 14.-16. janúar 2005 og var yfir 300 kenn-
urum og sérfræðingum á kennslusviði í Evrópu
boðið á opnunarhátíðina. Fyrir hönd Íslands var
Baldur A. Sigurvinsson frá Alþjóðaskrifstofu háskól-
astigsins, sem er umsjónarskrifstofa eTwinning á
Íslandi, ásamt sex kennurum og skólastjórnend-
um úr grunn- og framhaldsskólum landsins, þeim
Hjör dísi Skírnisdóttur frá Framhaldsskólanum
í Austur-Skaftafellssýslu, Jónasi Helgasyni frá
Mennta skólanum á Akureyri, Ágústu Bárðardóttur
frá Víkurskóla í Reykjavík, Guðrúnu Á. Guðmunds-
dóttur frá Flensborgarskólanum í Hafnarfirði, Krist-
ínu Jónsdóttur frá Langholtsskóla í Reykjavík og
Sigurði Sigursveinssyni frá Fjölbrautarskóla Suður-
lands á Selfossi.