Fréttir - Eyjafréttir - 27.05.1987, Blaðsíða 10
• Klakkur VE var á heimleið með bilaðan spilrafal þegar
slegið var á þráðinn til Klakksmanna á mánudaginn.
A mánudegi þegar þetta er
skrifað er þokunni að létta eftir
að hafa legiö yfir síðan í gær.
en hún er búin að lfggja yfir
undanfarna daga og gera
mönnum lífið leitt. Ungu
mennirnir sem fóru til að ná í
egg á föstudaginn urðu næstum
heimsfrægir eftir að hafa lent í
hafvillu heila nótt. Óskari Matt
á Leó varð að orði þegar hann
ræddi um þetta við ritara að
sennilega hefði hann oft orðið
að liggja úti á sínum sjómanns-
ferli, ef þokan hefði átt að ráða
ferðinni.
Sigurgeir Jónsson bryggju-
spjallari er nú kominn á sjóinn
og verðum við því miður að
vera án hans þangað til í haust,
en hann hefur sinnt einum þætti
bæjarlífsins sem er sauðfjár-
hald bæjarbúa, með Bjarnhéð-
inn Elíasson í aðalhlutverki.
Ekki ætla ég mér að gera ná-
kvæma úttekt á þessu merka
máli, nema hvað að á ferðum
mínum um Eyjuna hefur mér
sýnst að sauðburður sé langt
kominn og flest virðist vera
tvílembt hjá þeim Eyjabænd-
um. Þetta var nú útúrdúr og þó
því þó nokkrir sjómenn og
útgerðarmenn bæði fyrrverandi
og núverandi eru í aðalhlut-
verkum í sauðfjárbúskapnum.
„Skyggnið 10-12
mílur,“ segir Sigurð-
ur á Suðurey.
Örfáir netabátar eru enn að
og komið hálfgert lokahljóð í
þá sem enn eru að. Sigurður
Georgsson á Suðureynni var að
draga útaf Portlandinu á mánu-
daginn þegar hringt var í hann.
„Það er lítið í dag, mér finnst
vera að koma lok í þetta. Við
erum búnir að draga 3 trossur í
morgun, 150 fiskar voru í eina
og 100 í tvær, sem er kannski
ekki svo lélegt. Þetta er mest
þorskur, löngublandaður. í síð-
ustu viku voru þetta 10 - 12
tonn eftir daginn nema á laug-
ardaginn þá lönduðum við 7
tonnum. Ef fiskiríið verður
ekki betra reikna ég með að
eyða upp þessum netum sem
við erum með úti og hætta svo.
Ætli þau endist ekki út vikuna.
Veðrið er ágætt, suð-austan
gola og þokunni að létta, ætli
skyggnið sé ekki um 10-20
mílur núna.“
„Orðið ansi
vorlegt“, segir
Bergvin á Glófaxa.
Bergvin Oddsson á Glófaxa
var orðinn nokkuð vorlegur.
„Það er lítið í dag. Víð erum
búnir að draga 2 og það voru
200 fiskar í hvora. Þetta er
orðið ansi vorlegt, langa, ufsi
og þorskur. Við erum með
trossurnar hérna í kantinum,
en ég reikna með að við förum
að færa þær innar, það er kom-
inn sá tími að það er helst að
leita fyrir sér þar. Aflinn í
síðustu viku var eitthvað um 50
tonn. 15 tonn fóru upp í stöð og
66 kör í gáma. Um veðrið er
það að segja að það er bölvuð
þokufýla og kaldi. Þokan var
svo svört í morgun þegar við
fórum út að maður sá ekki í
Klettinn einu sinni, svo svört
var þokan.“
„Ágætis veður“ seg-
ir Magní á Sigurfar-
anum.
Þeir á Sigurfaranum, voru að
toga á Víkinni og búið að vera
ágætis kropp hjá þeim. Magni
Jóhannsson stýrimaður var
sæmilega ánægður með lífið.
„Þetta er búið að vera ágætis
kropp, við erum hérna á Vík-
inni ásamt nokkrum bátum.
Aflinn er mest ýsa. ufsablönd-
uð. Við fórum út á aðfararnótt
laugardagsins eftir að hafa
landað 35 40 tonnum í síðustu
viku. Af því fóru 14 kor upp í
hús og afgangurinn í tvo gáma.
Aflinn hjá okkur í þessum túr
hefur verið þetta frá einu og
upp í fimm tonn í hali, sem
verður að teljast ágætt. Einu
fréttirnar sem ég hef annars
staðar frá eru að það er búið að
vera ágætt í Lónsbugtinni, en
lítið við Ingólfshöfðann."
„Allt jafn saklaust
hérna“, segir Jóhann
á Halkion.
Jóhann Norðfjörð stýrimað-
ur á Halkion er alltaf jafn
saklaus. „Allt saklaust hérna
eins og venjulega. Það er búið
a" vera bölvað bras okkur í
nótt. Gat á poka og fleira ann-
ars er þetta búið að vera ágætt
og ég held að aflinn sé orðinn
um 60 tonn síðan á miðviku-
dag. Við erum hérna á Gaura-
svæðinu (fyrir austan land) og
á Langabanka. Heyrðu nú verð
ég að hætta þessu því við erum
kolfastir, sagði Bóbó að
lokum.“ Það er vonandi að
hann hafi náð trollinu heilu og
einhver fiskur í trollinu.
„Lítið að frétta,“
segir Logi á Smáey.
Logi Snædal á Smáeynni var
nýkominn út eftir að hafa verið
með bátinn í slipp, vegna smá-
bilunar. „Það er lítið að frétta.
Við komum út í gærmorgun,
eftir að hafa verið með bátinn í
slipp, það var skrúfan sem
þurfti að lagfæra. Þetta er búið
að vera 1-2 tonn í hali síðan
við komum út, svo það má
segja að það sé heldur rólegt
yfir þessu núna, en það var
búið að vera eitthvert kropp
áður en við komum út.
„Lítið að hafa,“ seg-
ir Andrés á Hafliða
VE.
Andrés Þórarinsson á Haf-
liða VE , kenndur við Mjölni,
var að láta trollið fara á Álseyjar-
bleyðunni. „Það er lítið að
hafa, það var einn poki síðast.
við erum að kasta hérna rétt
vestan við Álseynna. Baldur og
Björgin er hérna líka og það
hefur verið lítið hjá þeim líka.
Við fórum út í morgun, en
vorum líka sjó í gær. Fyrir helgi
lönduðum við 17 körum. Veðr-
ið er ágætt nema þessi þoku-
skratti, sem er nú aðeins að
létta.“
„Segi mest Ijótt,“
segir Óskar á
Klakknum.
Heldur var dauft hljóðið í
Óskari Ólafssyni á Klakknum.
enda á heim leið með bilaðan
spilrafal. „Ég segi nú mest Ijótt.
Við erum á Öræfagrunninu á
heimleið með bilaðan spilrafal
og það má reikna með viku til
tíu daga stoppi. Þetta er búinn
að vera hálfgerður ræfill hjá
okkur. Við erum komnir með
um 100 tonn eftir 9 sólarhringa.
Mest er þetta grálúða og karfi.
Rafallinn fór í morgun og það
passar til að nú heyrist mér að
það sé eitthvað að lifna yfir
þessu þarna fyrir austan."
Við látum fylgja góðar ósku
til þeirra á Klakknunt með von
um aö stoppiö verði sem stvst
og þeir komist sem tvrsi ,i
sjóinn aftur. þ\ i nu lei að
nálgast besti timinn h|a logurn
um.
• Sæbjörn og Andrés Þórarins. á Hafliða VE.
'[ FKErrife j
MÁLGAGN VESTMANNAEYINGA
Framhaldsskólinn
— INNRITUN —
Innritun nýrra nemenda fer fram á skrif-
stofu skólans frá kl. 9-12 alla virka daga til
10. júní n.k.
Umsóknir má einnig senda í pósthólf 160.
Umsókn skal fylgja afrit af grunnskólaprófi.
í boði eru eftirtaldar námsbrautir:
A: 4ra ára brautir til stúdentsprófs:
F élagsvísindabraut, N áttúrufræðabraut
Hagfræðibraut.
B: Tveggja og þriggja ára brautir:
Vélstjórnarbraut, Iðnnámsbrautir, Uppeld-
isbraut, Viðskiptabraut, Heilsugæslubraut,
Tæknibraut, Fiskvinnslubraut og íþrótta-
braut, ef næg þátttaka fæst.
C: Eins árs grunnnám - verklegt:
Grunndeild rafiðna, Grunndeild málmiðna,
Vélavarðanám.
Nánari upplýsingar fást á skrifstofu skól-
ans í síma 1079 á ofangreindum tíma.
SKÓLAMEISTARI
Félagsstarf aldraðra
Að kvöldi fimmtudagsins 28. maí heldur
félagsmálaráð skemmtikvöld að Hraunbúð-
um.
Á dagskránni verður söngur, glens og
gaman auk góðra veitinga. Njótum sumar-
kvöldsins saman.
FÉLAGSMÁLARÁÐ