Fréttir - Eyjafréttir - 21.06.2001, Blaðsíða 17

Fimmtudagur 21. júnf 2001
Fréttir
17
Lýðveldisdagurinn var haldinn
hátíðlegur að venju um allt land
síðastliðinn sunnudag. I hugum
margra rifjaðist upp jarðskjálftinn
á Suðurlandi í fyrra. Eins og tvö
undanfarin ár var safnast saman
við íþróttamiðstöðina og gengið í
skrúðgöngu við undirleik félaga í
Lúðrasveit Vestmannaeyja inn í
Herjólfsdal. Fyrir gönguni fóru
lögreglumenn og skátar sem báru
fána. Færra var í göngunni nú en
árið áður og átti leiðinlegt veður á
sunnudagsmorguninn trúlega
mestan þátt í því. Hátíðardagskrá
hófst síðan uni tvöleytið með
ávarpi Sigrúnar Ingu
Sigurgeirsdóttur forseta
bæjarstjórnar og leik Lúðrasveitar
Vestmannaeyja. Kynnir var
Steingrímur Agúst Jónsson.
Veður var orðið hið prýðilegasta,
þurrt og bjart og fjölgaði mjög í
dalnum þegar á dagskrána leið.
Guðrún Margrét Pálsdóttir frá
ABC - hjálparstarfi afhenti
Sigrúnu Ingu fyrir hönd
Vestmannaeyinga viðurkenningu
fyrir veglegt framlag þeirra í
söfnuninni Börn hjálpa börnum
sem börn í Hamarsskóla og
Barnaskólanum höfðu veg og
vanda af. Safnaðist í Eyjum
andvirði einnar skólastofu á
Hcimili litlu Ijósana sem er skóli á
Indlandi fyrir biirn sem hafa búið
á götunni. Kom fram að
Vestmannaeyjar var annað
tveggja sveitarfélaga á Islandi þar
sem sá árangur náðist. Finnig
flutti Robert Solomon
þakkarávarp en hann hafði verið
götubarn en fengið aðstoð og
menntun fyrir tilstilli þessa
hjálparstarfs áður fyrr.
Að loknu ávarpi fjallkonunnar,
Laufeyjar Daggar Garðarsdóttur,
fór fram kapphlaup barna og var
hlaupið umhverfis tjörnina í
Dalnum að þessu sinni.
Tónsmíðafélagið lék nokkur lög,
Götuleikhúsið sýndi listir sínar og
hestamenn leyfðu börnum að stíga
á bak licstum sínum.
LAUFEY Dögg
Garðarsdóttir flutti
ávarp Fjallkonunnar.
FJÖLMENNI var í tjaldinu í Dalnum þar sem Líknarkonur héldu uppi karnivalstemmningu.
FURÐUVERUR úr Götulcikhúsinu.
Natalja söng sig inn í hjörtu hátíðargesta nteð frábærum söng.
ÞAÐ rauk vel úr grillinu hjá Líknarkonunum.