Fréttablaðið - 01.09.2014, Blaðsíða 6

1. september 2014 MÁNUDAGUR| FRÉTTIR | 6
VELFERÐARMÁL Síðastliðið vor
var farið af stað með meðferðar-
tilboð fyrir konur sem eru ger-
endur heimilisofbeldis. Meðferð-
in er í boði hjá átakinu Karlar til
ábyrgðar, sem hingað til hefur
verið sérhæft meðferðarúrræði
fyrir einungis karla sem beita
ofbeldi í nánum samböndum.
Tvær konur hafa komið til
meðferðar og segir Andrés Ragn-
arsson, sálfræðingur hjá Körlum
til ábyrgðar, að líkamlegt ofbeldi
sem konur beiti komi sjaldnar
upp á yfirborðið. „Karlar eru
líkamlega sterkari og afleiðing-
ar ofbeldisins verða oft verri.
Þar af leiðandi verður ofbeldið
sýnilegra og gripið fyrr inn í af
barnaverndaryfirvöldum eða lög-
reglu.“
Þeim sem leita sér meðferðar
hjá Körlum til ábyrgðar hefur
fjölgað mikið. Á fyrstu átta mán-
uðum þessa árs hafa fjörutíu nýir
karlar sótt meðferð og 25 mál
haldið áfram frá fyrra ári. Árið
2013 komu alls 45 nýir karlar í
meðferð á öllu árinu og því talið
að aukningin verði 20-30 prósent
á milli ára.
Andrés segir fjölgunina felast
einkum í þremur hópum. Það séu
ungir gerendur sem koma eftir
eitt ofbeldistilvik og vilja strax
taka á sínum vanda. Það séu
fleiri tilvísanir frá barnavernd-
arnefndum, ekki síst frá Suður-
nesjunum þar sem mikið átak
hefur verið gegn heimilisofbeldi,
og í þriðja lagi komi fleiri karlar
af eigin hvötum til meðferðar.
„Ég tel að aukningin hjá okkur
sé ekki merking um að ofbeld-
ið sé að aukast heldur að aukin
umræða um þessi mál og vitund-
arvakningin skili sér í að fleiri
leiti sér hjálpar,“ segir Andrés
og bætir við að fólk sé farið að
átta sig á áhrifunum sem ofbeldið
hefur á börnin á heimilinu.
„Afleiðingar heimilisofbeldis á
börn eru mun meiri en fólk hefur
gert sér grein fyrir. En nú eru
bæði gerendur og makar farnir
að grípa fyrr í taumana og bjóða
ekki börnum sínum upp á þessar
aðstæður.“
Bæði er boðið upp á einstak-
lingsmeðferð og hópmeðferð
fyrir gerendur ofbeldis, og er
hópmeðferðin alltaf fullsetin.
Einnig er öllum mökum boðið í
viðtal eftir að gerandi hefur hafið
meðferð. erlabjorg@frettabladid.is
Karlar eru líkamlega sterkari og afleið-
ingar ofbeldisins verða oft verri. Þar af
leiðandi verður ofbeldið sýnilegra og gripið
fyrr inn í af barnaverndaryfirvöldum eða
lögreglu.
Andrés Ragnarsson, sálfræðingur
hjá Körlum til ábyrgðar.
Prófaðu Sensodyne vörurnar og finndu muninn.
Sensodyne fyrir viðkvæmar tennur
D
Y
N
A
M
O
R
E
Y
K
JA
V
ÍK
NÝ OG BE
TRI
HÖNNUN
!
TANNBURSTAR OG
TANNKREM FYRIR
VIÐKVÆM SVÆÐI
Konum sem berja karlinn
sinn boðið upp á meðferð
Nýlega var byrjað að bjóða upp á meðferð fyrir konur sem beita ofbeldi í nánum samböndum. Fjöldi gerenda
sem leita sér aðstoðar eykst með ári hverju. Mest fjölgar ungum körlum sem fara í meðferð eftir eitt tilvik.
HEIMILISOFBELDI Aukin umræða um ofbeldi og afleiðingar þess á börn sem og
aukið eftirlit barnaverndar og lögreglu hefur skilað sér í því að fleiri gerendur leita
sér hjálpar. FRÉTTABLAÐIÐ/VALLI
FERÐAÞJÓNUSTA Tæplega tvö hundr-
uð samráðsfulltrúar hafa verið til-
nefndir af sveitarfélögum og öðrum
hagsmunaaðilum í ferðaþjónustunni
til að koma að skráningu gagna-
grunns. Hann er hluti af verkefni
um kortlagningu á auðlindum ferða-
þjónustunnar sem aðdráttarafl fyrir
ferðamenn á landsvísu.
„Þeir tilgreina hvernig eignar-
haldið er, hvernig á að komast á
staðinn, hvernig aðgengið er, hvort
það er salernisaðstaða þar, bílastæði
og fleira,“ segir Halldór Arinbjarn-
arson, upplýsingastjóri Ferðamála-
stofu, spurður út í starf samráðs-
fulltrúanna. Verkefnið var boðið út
og var verkfræðistofan Alta með
hagstæðasta tilboðið. Það hljóðaði
upp á fimmtán milljónir króna og
samkvæmt því þurfa fulltrúarnir,
sem fá ekkert greitt fyrir vinnu
sína, að vera búnir að kortleggja allt
að sex þúsund staði í byrjun nóvem-
ber næstkomandi.
Að sögn Halldórs er niðurstaðan
sú að rúmlega fimm þúsund staðir
verða kannaðir og eru flestir þeirra
í Húnaþingi vestra og Borgarbyggð,
eða um 400 á hvorum stað. „Þetta
er risastórt verkefni og það verð-
ur gaman að sjá hvernig til tekst,“
segir hann.
Litið er á gagnagrunninn sem
fyrsta áfanga í langtímaverkefni
sem snýst um að dreifa ferðamönn-
um betur yfir tíma og rúm, allt árið
um kring. - fb
Gagnagrunnur er í vinnslu sem er hluti af verkefni um kortlagningu á auðlindum ferðaþjónustunnar:
200 fulltrúar skoða um fimm þúsund staði
STROKKUR Bæði þekktir og lítt þekktir
ferðamannastaðir verða hluti af gagna-
grunninum. FRÉTTABLAÐIÐ/STEFÁN
UMHVERFISMÁL Fura og fjallaþin-
ur á Suðurlandi eru sviðin og ljót,
að því er fram kemur á vefnum
skogarbondi.is.
Talsvert er um að tré hafi drep-
ist en skógarbændur tóku fyrst
eftir skaðanum í apríl.
Sunnlenskir skógarbændur
segja að vind- og þurrkskaðar séu
miklir, og áberandi mestir á trjám
sem standa á vindasömum stöð-
um. Þar sem nýtur algjörs skjóls
er skaðinn minni en oft einhver.
Fleiri þættir veðurfarsins virðast
því hafa áhrif. - jme
Skógarskaðar á Suðurlandi:
Fura og fjalla-
þinur sviðin
REYKJAVÍKURBORG Sveinbjörg
Birna Sveinbjörnsdóttir, borgar-
fulltrúi Framsóknarflokksins,
hefur óskað eftir upplýsingum
um það hvernig greiðslum sé
háttað til þeirra sem sitja í til-
teknum nefndum á vegum borg-
arinnar.
„Er aðeins verið að greiða fyrir
fulltrúa sem hún skipar sjálf
eða aðra líka?“ spyr Sveinbjörg.
Meðal nefnda sem hún spyr um
eru nefnd um afréttarmál í land-
námi Ingólfs, úthlutunarnefnd
barnabókaverðlauna, dómnefnd
um Bókmenntaverðlaun Tómasar
Guðmundssonar, ferlinefnd fatl-
aðra, samráðsnefnd um málefni
aldraðra og stjórn Sinfóníuhljóm-
sveitar Íslands. - gar
Spyr um nefndakostnað:
Vill vita laun
nefndarmanna
SVEINBJÖRG BIRNA SVEINBJÖRNS-
DÓTTIR Spyr um ýmsar nefndir.
1. Hver er heiðursgestur RIFF í ár?
2. Hversu margir Sýrlendingar hafa
fl úið land vegna borgarastyrjaldarinnar
þar í landi?
3. Hvaða þrír nýliðar eru í hópi íslenska
karlalandsliðsins í knattspyrnu fyrir
fyrsta leik liðsins á undankeppni EM?
SVÖR
1. Breski leikstjórinn Mike Leigh
2. Þrjár milljónir manna
3. Ingvar Jónsson, Haukur Heiðar Hauksson
og Hörður Björgvin Magnússon.
VEISTU SVARIÐ?
ofb eldismenn
hafa farið í
meðferð hjá Körlum til
ábyrgðar frá árinu 2006.
nýir karlar og 18
frá fyrra ári fóru í
meðferð árið 2012.
nýir karlar og 22
frá fyrra ári fóru í
meðferð árið 2013.
karlar hafa komið
í meðferð á fyrstu
átta mánuðum þessa árs og
25 frá fyrra ári.
konur hafa komið í
meðferð á þessu ári.
445
37
45
40
2
staðir sem
verða skoðaðir
í Húnaþingi vestra.
400