Reykjavík - 07.12.2013, Blaðsíða 2

2 7. DESEMBER 2013
Rimaskóli sigrar Jólaskákmót
Skóla- og frístundasviðs og
Taflfélags Reykjavíkur
Jólaskákmót Skóla-og frístunda-sviðs Reykjavíkur og Taflfélags Reykjavíkur var haldið í byrjun
desember og stóð yfir í tvo daga.
Mótið er gífurlega vinsælt og tæplega
200 börn frá flestum skólum höfuð-
borgarinnar tefldu í fjögurra manna
sveitum fyrir skólana sína.
Skáksveitir Rimaskóla reyndust sig-
ursælar og unnu alla keppnisflokka
sem þær tóku þátt í líkt og í fyrra.
Endalaust bætast nýir afrekskrakkar
í hópinn í stað þeirra sem ganga upp.
Rimaskóli hefur verið mikill af-
reksskóli í skák sl. 10 ár bæði hér á
landi og gegn grunnskólum á Norð-
urlöndunum. Í yngri flokk jólaskák-
mótsins sem nemendur 1. - 7. bekkjar
tóku þátt í mættu 36 skáksveitir til
leiks. Rimaskóli vann í opnum flokki
eftir hörkubaráttu við Ölduselsskóla og
Kelduskóla sem eru líka að verða miklir
afreksskólar í skákíþróttinni.
Í flokki stúlkna var stúlknasveit
Rimaskóla í sérflokki og meðal efstu
sveita mótsins. Í eldri flokk var sama
upp á teningnum. Rimaskóli tók for-
ystuna frá 1. umferð og hélt henni
örugglega til loka mótsins. Jólaskák-
mótið fór fram í Skákhöll Taflfélags
Reykjavíkur við Faxafen og mótsstjóri
var formaður félagsins Björn Jónsson.
Helgi Árnason
Auglýsingasíminn er 578 1190
REYKJAVÍK VIKUBLAÐ
45. TBL. 4. ÁRGANGUR 2013
ÚTGEFANDI: Fótspor ehf. Ábyrgðarmaður: Ámundi Ámundason, sími: 824 2466, netfang:
amundi@fotspor.is. Framkvæmdastjóri: Ámundi Steinar Ámundason, netfang: as@fotspor.is.
Auglýsingastjóri: Ámundi Ámundason, Suðurlandsbraut 54, 108 Reykjavík. Auglýsingasími
578 1190, netfang: auglysingar@fotspor.is. Ritstjóri: Stefanía G. Kristinsdóttir, stefania@einurd.
is og sími 891-6677. Ljósmyndari: Atli Freyr Kristinsson sími 894-1099. Veffang: fotspor.is,
Umbrot: Prentsnið, Prentun: Ísafoldarprentsmiðja, 52.000 eintök. Dreifing:
FRÍBLAÐINU ER DREIFT Í 52.000 E INTÖKUM Í ALLAR ÍBÚÐIR Í
REYKJAVÍK, Á SELTJARNARNESI OG Í MOSFELLSBÆ.
Ákveðið hefur verið að stækka blöðin fram að jólum um 8 síður auk þess sem við munum leggja sérstaka áherslu á umfjöllun tengda jólum og jólaundirbúningi auk frétta úr borginni, af nesinu
og frá Mosfellsbæ en blaðinu er ætlað að þjóna og upplýsa íbúa þessara
sveitarfélaga um menningu og samfélag.
Við settum okkur í samband við markaðsdeildir verslunarmiðstöðvanna og
miðborgarinnar til að leita frétta af viðburðum fyrir fjölskylduna. Ritstjóri
fékk nokkra vini í heimsókn til að smakka og meta fimmtán tegundir
jólabjóra, að sjálfsögðu bara einn sopi í senn og mikið magn sem fór í
vaskinn, en niðurstöður þeirrar könnunnar má sjá á blaðsíðu 8. Ég leitaði
uppi fróðleik um jólasveina og aðventuna sem einnig má finna í blaðinu en
ef þið lesendur góðir vitið af skemmtilegum viðburðum, jólamörkuðum,
uppskriftum eða skreytingum sem þið viljið koma á framfæri þá endilega
sendið mér línu og efni.
Það sem vakti helst athygli mína í vikunni eru niðurstöður nýjustu Pisa
rannsóknar OECD um læsi eða öllu heldur ólæsi íslenskra grunnskóla-
barna en samkvæmt rannsókninni þá geta 30% af íslenskum drengjum
ekki lesið sér til gagns að loknum grunnskóla. Mér varð hugsað til árlegs
jólabókaflóðs og hver afdrif þess yrðu í framtíðinni. Mun einhver lesa
allar þessar bækur, hverjir munu lesa blöðin eða vefritin, hverjir taka þátt
í samfélaginu og hverjir ekki. Á meðan þekkingarsamfélagið er farið að
greina allt og alla þá virðumst við engu nær að leysa vandamálin sem við
greinum, hvað veldur? Loksins þegar lesblinda er orðinn viðurkenndur
vandi sem farið er að taka á meðal fullorðinna sem fóru í gegnum skólann
án þess að fá neina aðstoð þá er ólæsi enn við lýði í grunnskólum. Brott-
fall úr framhaldsskólum hefur nánast ekkert minnkað og staða drengja
þar er ekki betri en í grunnskólunum. Í nýlegri grein sinni á hugras.is
(vefrit hugvísindasviðs) ræðir Gauti Kristmannsson þessar niðurstöður
og vísar á heimilin og uppeldið en ekki skólana, hann bendir réttilega á að
krakkarnir eru ekki í tölvunni í skólanum (sem er að vísu þekktur vandi
í framhaldsskólunum) heldur þegar heim er komið. Fjölmiðlavæðingin
hefur orðið til þess að heimilisfólkið situr jafnvel allan daginn í tölvunni
í sitt hvoru herberginu og auðveldasta leiðin til að kalla fólk saman í mat
er að gera það í gegnum Skype.
Kannski geta matarboð og aðrar samverustundir um jólin geta orðið
vettvangur samlesturs og hvatning til ungmenna að taka sér bók (raf eða
pappírs) í hönd.
Stefanía G. Kristinsdóttir, ritstjóri
Leiðari
Jólin koma
Áhrif byggingar-
reglugerðar á nýja
búsetuvalkosti
Hvernig hefur ný bygginga-reglugerð áhrif á upp-byggingu leigumarkaðar og
framboð lítilla íbúða á höfuðborgar-
svæðinu? Þessari spurningu verður
svarað á málþingi sem Reykjavíkur-
borg stendur fyrir í samvinnu við
Mannvirkjastofnun og fleiri aðila.
Málþingið verður haldið fimmtu-
daginn 12. desember kl.13 – 16 í
Borgartúni 12 – 14 í húsakynnum
Reykjavíkurborgar við Höfðatorg.
Auk Mannvirkjastofnunar og Reykja-
víkurborgar hafa framsögu fulltrúar
frá Búseta, Félagsstofnun stúdenta,
Félagsbústöðum og Samtökum iðnað-
arins. Að loknum framsögum verða
pallborðsumræður.
Málþingið er öllum opið og
ókeypis. Skráningu skal senda á net-
fangið sea@reykjavik.is
Jón Halldór Jónasson
Sterkar stelpur í skákinni. Þessar Rimaskólastúlkur hafa verið sigursælar á
öllum Reykjavíkur-og Íslandsmótum frá því að þær byrjuðu að tefla í yngstu
bekkjum. Með þeim á myndinni er skólastjórinn og liðsstjóri sveitarinnar
Helgi Árnason
Meistarar í yngri flokk eftir æsispennandi keppni. Hjörvar Steinn Grétarsson
stórmeistari og liðsstjóri ásamt bráðefnilegum Rimaskólakrökkum, f.v. Mikael
Maron Torfasosn, Joshua Davíðsson, Kristófer Halldór Kjartansson og Nansý
Davíðsdóttir
Broadway breytt í lækna- og
heilsumiðstöð og Park Inn
hótel þróast í heilsuhótel
EVA consortium ehf. hefur fest kaup á fasteigninni Ármúla 9 en þar eru nú til húsa Park Inn
hótel og skemmtistaðurinn Broad-
way. Starfsemi hótelsins mun í ríkara
mæli þróast yfir í heilsuhótel og ætl-
unin er að breyta Broadway í eina af
stærstu lækna- og heilsumiðstöðvum
landsins. Húsnæðið fyrir miðstöðina
verður endurhannað frá grunni og
ráðist verður í umfangsmiklar fram-
kvæmdir en gert er ráð fyrir að fjár-
festingin í verkefninu nemi vel yfir 2
milljörðum króna. Markmiðið er að
byggja upp einn stærsta heilsukjarna
höfuðborgarsvæðisins þar sem veitt
verður víðtæk velferðarþjónusta allan
sólarhringinn allan ársins hring. Mik-
ilvægasta nýjungin felst í því að fagfólk
á velferðarsviði getur nú í fyrsta sinn
boðið sjúklingum sínum gistingu í
sama húsnæði og þeir njóta þjón-
ustunnar. Húsnæðið er alls um 9.000
fm, þar af er hótelið um 5.000 fm og
Broadway hátt í 4.000 fm.
EVA er í eigu Ásdísar Höllu Braga-
dóttur, stjórnarformanns félagsins, Ástu
Þórarinsdóttur, framkvæmdastjóra
EVU og Sinnum, og fjárfestingafélagsins
Kjölfestu. Meðal eigenda Kjölfestu eru
14 lífeyrissjóðir og fagnar Kolbrún Jóns-
dóttir, framkvæmastjóri fjárfestingafé-
lagsins, þessum áfanga enda geti hann
verið mikilvægur þáttur í því að leiða
saman öfluga aðila á heilbrigðismarkaði,
efla þjónustu við sjúklinga af landinu
öllu og stuðla að aukinni nýsköpun á
þessu sviði.
Fréttatilkynning