Fréttablaðið - 01.04.2015, Blaðsíða 22
1. apríl 2015 MIÐVIKUDAGUR| FRÉTTIR | 22
Gjörbylting á húsnæðiskerfinu með
sérstökum styrkjum til bygginga,
heildarendurskoðun á bótum og
þeim ásetningi að styrkja húsnæðis-
samvinnufélög í sessi. Nýr tekju-
stofn ríkissjóðs sem er veiðigjald á
fisktegund sem ekki hefur verið við
lýði áður. Fyrirkomulag veiðigjalda
almennt til lengri tíma þar sem sér-
staklega er tekið á setningu aflahlut-
deildar.
Þetta eru mál sem gætu haldið
þingi í hvaða ríki sem er í heiminum
uppteknu um langa hríð. Ríkisstjórn
Framsóknar- og Sjálfstæðisflokks
ætlar Alþingi Íslendinga 20 daga til
að ræða þessi mál, mál sem eru þau
stærstu sem hún leggur fram á yfir-
standandi þingi.
Í gær rann út framlagningarfrest-
ur á þingi, sem þýðir að leita þarf
afbrigða til að leggja fram ný mál
héðan í frá. Tveir þriðju þingmanna
þurfa að samþykkja afbrigði, en
ríkis stjórnin hefur stuðning 38 þing-
manna af 63.
Ólíklegt er annað en að stjórnin
komi að málum ef hún leitar eftir
því, en fyrst og fremst er það
umhugsunar vert hvers vegna mál
koma jafn seint inn og raun ber vitni.
Heimildarmenn Fréttablaðs-
ins innan stjórnarflokkanna benda
margir á að skýringanna á því hve
seint mál koma fram sé að leita í
ágreiningi á milli flokkanna. Ekki
þarf að leita langt til að sjá slíku
stað. Ragnheiður Elín Árnadóttir,
iðnaðar- og viðskiptaráðherra, lagði
fram frumvarp um náttúrupassa sem
naut ekki stuðnings innan stjórnar-
flokkanna. Sigurður Ingi Jóhanns-
son, landbúnaðar- og sjávarútvegs-
ráðherra, hætti við að leggja fram
kvótafrumvarp og nefndi andstöðu
sem helstu ástæðuna. Þar tiltók hann
stjórnarflokkana sérstaklega.
Fréttablaðið hefur heimildir fyrir
því að ástæðu þess hve seint húsnæð-
isfrumvörp Eyglóar Harðardóttur
eru fram komin sé fyrst og síðast að
finna í andstöðu innan stjórnarflokk-
anna sjálfa.
Eins og sjá má hér til hliðar hefur
Einar K. Guðfinnsson, forseti Alþing-
is, lagt mikið upp úr því að starfs-
áætlun þingsins haldi. Til þess þurfi
ráðherrar að huga tímanlega að þeim
þingmálum sem berast þinginu.
Eygló lýsti því yfir við Fréttablaðið
í síðustu viku að ef með þyrfti yrði
haldið sumarþing. Það er þvert á
starfsáætlun þingsins. Nú tekur við
átakatími á þingi, þar sem stjórnin er
allt í einu komin í þá stöðu að þurfa
að treysta á stjórnarandstöðuna um
hvernig málum háttar fyrir þingfrest-
un, þrátt fyrir ríflegan meirihluta sinn.
Þótt slík staða sé alþekkt í störfum
þingsins, verður ekki annað séð en
að ríkisstjórnin hafi komið sér í úlfa-
kreppu af sjálfsdáðum.
kolbeinn@frettabladid.is
Að koma sér í úlfakreppu
Stærstu mál ríkisstjórnarinnar eftir áramót eru lögð fram í kapphlaupi við tímann. Ljóst er að fram undan eru átaka-
vikur á Alþingi. Strax farið að ræða um sumarþing. Ríkisstjórnin náði ekki að afgreiða frumvörp um húsnæðismál.
FORSETINN OG ÞINGMAÐURINN Starf þingmannsins einkennist af törnum. Á löngum tímabilum er lítið að gera og fáir í þingsal, en
síðan hrúgast málin inn og langir þingfundir taka við. Einar K. Guðfinnsson, forseti Alþingis, hefur ítrekað hvatt ráðherra til að koma
tímanlega fram með frumvörp. FRÉTTABLAÐIÐ/VALLI
Síðast en ekki síst er starfsáætlunin liður í því að
þingmenn geti, rétt eins og aðrir, skipulagt samveru
með fjölskyldu sinni. Sú krafa er eðlileg í nútímasamfélagi og
að auki mikilvæg forsenda þess að til að mynda yngra fólk
taki þátt í stjórnmálum á vettvangi Alþingis. Það er því brýnt
að allir sem að þinghaldinu koma geti skipulagt störf sín og
verkefni í samræmi við samþykkta starfsáætlun og treyst því
að ekki sé vikið frá henni nema í undantekningartilvikum. Til
að þetta megi ganga eftir þurfa allir að leggjast á eitt, jafnt
ráðherrar sem þingmenn. Þingmenn þurfa að gæta að því að
dagskrá þingfunda fari ekki úr böndum og ráðherrar verða að
huga tímanlega að þeim þingmálum sem þeir hyggjast leggja
fyrir Alþingi, eins og ég hef þráfaldlega bent á.
Á síðasta fundi fyrir jólahlé í desember
Fram undan er annasamur tími.
Alþingi mun takast á við stór
mál og þýðingarmikil viðfangsefni á
vetrar- og vorþingi. Ég minni einnig
á það sjónarmið sem ég setti fram
á síðasta fundi fyrir jólahlé að brýnt
er að allir sem að þinghaldinu komi
geti skipulagt störf sín og verkefni í
samræmi við samþykkta starfsáætlun
og treyst því að ekki sé vikið frá henni
nema í undantekningartilvikum. Vænti
ég áfram góðs samstarfs við ríkisstjórn og þingmenn um
það efni.
Á fyrsta fundi eftir jólahlé
FORSETABRÝNING UM BÆTT STÖRF
EINAR K.
GUÐFINNSSON
Þingmenn Sjálfstæðisflokksins, þau Birg-
ir Ármannsson og Sigríður Á. Andersen,
hafa lagt fram frumvarp til breytinga á
lögum um fjarskipti sem kemur í veg
fyrir að hægt sé að vitna beint í upp-
tökur símtala sem tekin eru upp á þeim
forsendum að báðum aðilum ætti að vera
ljóst að um upptöku sé að ræða án þess
að tilkynnt sé um það sérstaklega.
Þannig eru gerðar ríkari
kröfur til þess að viðmæl-
anda sé ljóst að verið sé
að hljóðrita símtal. Þá
verður með breyting-
unni sérstaklega kveð-
ið á um að óheimilt sé að birta slíka
hljóðritun opinberlega að hluta eða
í heild.
„Ekki er eðlilegt að heimilt
sé að hljóðrita samtöl við fólk,
án þess að gengið sé skýrlega úr
skugga um að því sé kunnugt um
hljóðritunina, en birta í framhald-
inu einstakar setningar viðmæland-
ans opinberlega, eða jafnvel sam-
talið í heild sinni,“ segir
í greinargerð með
frumvarpinu.
Frumvarpinu er
beint að frétta-
mönnum sem taka alla jafna upp öll sím-
töl tengd starfinu. Í greinargerð frum-
varpsins segir að sá skilningur sem
nú sé í gangi, að viðmælendum frétta-
manna eigi að vera ljóst að símtalið sé
tekið upp, sé rangur.
„Er sjálfsögð krafa að sá, sem er í
raun í viðtali, fái að vita um það áður
en viðtalið hefst,“ segja þau. Leggja þau
til að skrifað hafi verið undir samkomu-
lag um hljóðupptöku, svo sem við
upphaf tiltekinna viðskipta sömu
aðila, að því er segir í greinar-
gerðinni.
- fbj
Þingmenn Sjálfstæðisflokksins með frumvarp sem kemur í veg fyrir að vitnað sé í upptökur símtala:
Vilja samninga til að vitna megi í upptökur
Össur
Skarphéðinsson
Í umræðum um
alþjóðleg öryggismál
Mig langar til að
spyrja hæstv. ráðherra
hvort þetta tengist
með einhverjum
hætti möguleikum
eða getu Íslands til
að tálma eða koma
í veg fyrir að svipað
gerist og henti hér á
síðasta áratug þegar
um íslenska lofthelgi
fóru flugför sem voru
í borgaralegri eigu
en nýtt af erlendum
leyniþjónustum
og, eins og hæstv.
ráðherra veit, til að
flytja fanga á milli
landa þar sem þeir
sættu ómannúðlegri
meðferð. Ég spyr
hann hvort efni
frumvarpsins tengist
því að einhverju
marki eða hvort
það gefi íslenskum
stjórnvöldum ein-
hvers konar sterkara
viðnám til að koma í
veg fyrir það. Eins og
hæstv. ráðherra veit,
gott ef hann tók ekki
sem þingmaður þátt í
umræðum um það á
sínum tíma, tel ég og
fleiri að gistivinátta
Íslendinga hafi verið
misnotuð.
Steinunn
Þóra Árnadóttir
Í umræðum um
alþjóðleg öryggismál.
Mér finnst í fyrsta
lagi svolítið sérkenni-
legt, þó að það kunni
að vera bara tæknilegt,
að nota orð eins og
ríkisflugfar sem ég get
ekki séð annað en að
sé hálfloðmullulegt
orðalag um það sem
í daglegu tali kallast
herflugvélar, sér-
staklega ef litið er til
þess að í skýringar-
texta er skýrt að lög-
unum er bara ætlað
að ná til ríkisflugfara
í hernaðarlegum til-
gangi sem samkvæmt
mínum skilningi eru
ekki annað en herflug-
vélar.
Nú fer í hönd átakatími á Alþingi.
Það er ekkert nýtt, á hverju einasta
ári er það sama uppi á teningnum,
skömmu fyrir frestun þings fyllist
allt af málum og allt í einu verður
fjör í þingsal, fundað fram á nætur,
bommertur gerðar og gífuryrðin
falla. Þannig var það á síðasta þingi
og þarsíðasta og þarsíðasta og svo
framvegis. Mörg síðustu ár hefur
verið vilji til að bæta starfshættina
og draga úr þessu, en litlu virðist
skipta hver situr við stjórnvölinn.
Þetta er tími stjórnarandstöð-
unnar. Við höfum orðið vitni að því
undanfarin ár að í tímapressunni
fyrir þinglok hefur stjórnarand-
staðan færi á því að setja mark sitt á
störf þingsins svo um munar. Ræður
því jafnvel hvaða mál fara í gegn. Til
þess þarf hún ekki að gera annað en
að nýta sér þann rétt sem henni er
búinn samkvæmt þingsköpum og í
raun að vinna vinnuna sína; tala um
þau mál sem liggja fyrir þingi.
Við höfum horft upp á breytingar
á þingsköpum undanfarin ár sem
draga hafa átt úr möguleikum
stjórnarandstöðunnar á málþófi.
Engu að síður hafa þingmenn fundið
tækifæri til þess að tala lengi og því
lengur sem talað er því lengri tíma
tekur að afgreiða mál.
Þetta þekkir núverandi stjórnar-
andstaða vel og hefur nýtt sér í
ýmsum málum, sérstaklega er varðar
Evrópusambandið. Þetta þekkja
núverandi stjórnarflokkar líka vel, en
þeir nýttu sér þetta þegar þeir voru
í stjórnarandstöðu. Nægir í því sam-
hengi að nefna stjórnarskrármálið.
Málþóf er neikvætt orð og
þykir ekki par fínt að beita slíku.
Ýmsir hafa talað um að stjórnarand-
staðan í dag hafi ekki farið með
himinskautum. Nú er kjörtímabilið
hálfnað og allir flokkarnir nema
Píratar tapa fylgi á milli skoðana-
kannana. Það verður því athyglisvert
að fylgjast með umræðunni á næstu
vikum.
Stjórnarandstaðan fær sitt tækifæri
➜ Allt stefnir í að ríkisstjórnin
þurfi að hafa stjórnarandstöð-
una góða til að koma
málum sínum í gegn
ÞINGSJÁ
Fanney Birna
Jónsdóttir
fanney@frettabladid.is
Kolbeinn
Óttarsson Proppé
kolbeinn@frettabladid.is
GJALLAR-
HORNIÐ
AF ÞIN
GPÖ
LLU
N
U
M
K
O
LB
EIN
N
Ó
T
TA
R
SSO
N
P
R
O
P
P
É
3
1
-0
3
-2
0
1
5
2
2
:2
6
F
B
0
8
0
s
_
P
0
5
9
K
.p
1
.p
d
f
F
B
0
8
0
s
_
P
0
4
2
K
.p
1
.p
d
f
F
B
0
8
0
s
_
P
0
2
2
K
.p
1
.p
d
f
F
B
0
8
0
s
_
P
0
3
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
4
5
9
-9
0
6
0
1
4
5
9
-8
F
2
4
1
4
5
9
-8
D
E
8
1
4
5
9
-8
C
A
C
2
8
0
X
4
0
0
2
B
F
B
0
8
0
s
C
M
Y
K