Læknablaðið - 15.06.2003, Blaðsíða 58

UMRÆÐA & FRÉTTIR / LANDLÆKNISEMBÆTTIÐ
Landlæknisembættið sótt heim á Seltjarnarnes
Vaxandí starfsemi
ný verkefni
Sigurður Guðmundsson landlœknir á skrifstofu sinni en á veggnum er mynd sem heita
má táknrœn fyrir stöðu embœttisins. Hún er eftir Örlyg Sigurðsson, föðurbróður Sig-
urðar, og er afhinu eina sanna beini sem máltœkið „að taka menn á beinið" er dregið af.
Þetta bein var á skrifstofu Sigurðar skólameistara á Akureyri en hann var afi landlœknis
og segir sagan að delinkventar hafi verið látnir sitja á þessu beini meðan meistari las þeim
pistilinn. Beinið mun nú vera komið aftur á skrifstofu skólameistara MA.
Þröstur Haraldsson
Landlæknisembættið er eitt elsta, ef ekki elsta
embætti landsins og var stofnað árið 1760. Þá var
hafist handa við að byggja yfir landlækni á Seltjarnar-
nesi þar sem nú heitir Nesstofa. Það mætti því ætla að
embættið sé að leita uppruna síns þegar það flytur
aftur á nesið þegar halla tekur í 250 ára afmælið. Síðla
vetrar tóku starfsmenn landlæknis upp tjaldhæla sína
við Hlemm og fluttu að Austurströnd 5. Embættið er
nú starfrækt í nýlegu húsi á tveimur hæðum. Megin-
þungi starfseminnar er á efri hæðinni þar sem sér-
fræðingar hafa skrifstofur sínar en á þeirri neðri er af-
greiðsla og fleira.
Embættið hefur vaxið ört á undanförnum árum og
fengið ný verkefni. Vöxtinn má meðal annars ráða af
því að þegar Vilborg Ingólfsdóttir yfirhjúkrunarfræð-
ingur kom til starfa fyrir átján árum var hún sjötti
starfsmaður embættisins. Nú eru fastráðnir starfs-
menn um 25 talsins og eru þá ótaldir ýmsir sem sinna
hlutastörfum, þeirra á meðal stór hópur lækna og
annarra heilbrigðisstarfsmanna sem taka þátt í að
semja klínískar leiðbeiningar.
Þegar blaðamaður heimsótti landlækni á skrif-
stofu sína að nýloknum kosningum var bjart yfir nes-
inu og Sigurður Guðmundsson naut hins fagra út-
sýnis yfir Faxaflóann og sundin blá. Blaðamaður
gekk um húsakynnin undir leiðsögn landlæknis og
ræddi við nokkra starfsmenn en svo settumst við nið-
ur á skrifstofu hans og ég bað hann að segja lesendum
Læknablaðsins frá starfsemi embættisins.
Gæðí og lýðheilsa
Vilborg Ingólfsdóttir ber titilinn
yfirhjúkrunarfræðingur en hún er ráð-
herraskipaður ráðgjafi heilbrigðis-
stjórnarinnar á sviði hjúkrunar. Auk
þess er hún framkvæmdastjóri gæða- og
lýðheilsusviðs en þar er unnið að gæða-
málum og faglegu eftirliti í heilbrigðis-
þjónustunni og hugað að skipulagi
mæðra- og ungbarnaverndar.
„Við sinnum eftirliti með heilbrigðis-
stofnunum og stefnumótun í hjúkrun,
sjáum um svonefnt RAI-mat á öldruðu
fólki, skipuleggjum heilsueflingu og
átak í skólurn, auk þess sem neyðarsím-
svörun er á okkar könnu. Þá höfum við
skipulagt forvarnir vegna sjálfsvíga og á
fleiri sviðum,“ segir Vilborg.
Vilborg hefur starfað hjá Landlækn-
isembættinu með hléum frá 1985 en inn
á milli hefur hún gegnt formennsku í
samtökum hjúkrunarfræðinga og starf-
að hjá WHO í Genf og Kaupmanna-
höfn.
„Embættið hefur vaxið mikið frá því
ég byrjaði. Þá var ég þriðji sérfræðingur-
inn hjá stofnuninni en auk mín voru
tveir læknar - landlæknir og aðstoðar-
landlæknir - og þrír almennir starfs-
menn. Nú erum við sex starfsmenn á
mínu sviði, auk nokkurra lausráðinna,“
segir hún.
Eins og lýsingin á starfsemi gæða- og
lýðheilsusviðs gefur til kynna mun það
hafa náið samstarf við hina nýstofnuðu
Lýðheilsustöð og segist Vilborg hlakka
til að starfa með Guðjóni Magnússyni
og starfsfólki hans. „Ég hef starfað með
honurn áður og líst vel á að taka upp
þráðinn að nýju,“ segir hún.
530 Læknablaðið 2003/89