Þjóðlíf - 01.02.1988, Blaðsíða 59
B A R N A L í F
Fimleikavakning
meðal barna
Nýjasta áhugamál krakka og unglinga er
án efa fimleikar. Þúsundir barna sækja nú
fimleikanámskeið á höfuðborgarsvæðinu og
út á landsbyggðinni sækja líka stöðugt fleiri
krakkar í fimleika, segja þjálfarar krakk-
anna. Nú munu vera starfandi ellefu fim-
leikafélög sem bjóða upp á námskeið fyrir
börn og unglinga.
Þau hamast í teygjum, stökkum og
þrekæfingum af miklum áhuga og fara eftir
sérstökum fimleikastiga sem þjálfararnir
hafa samræmt fyrir öll félögin.
Áhuginn hefur aukist svo mikið að ekki
komast allir að sem vilja. Hjá Gerplu í Kópa-
vogi eru nú t.d. 500 krakkar á aldrinum 5 til
17 ára á fimleikanámskeiðum eftir áramótin.
Yngstu krakkarnir keppast við í tvo tíma í
hverri viku en þau eldri æfa 5 daga í viku, 3-4
tíma í senn.
„Stelpurnar hafa verið í miklum meiri-
hluta til þessa, en nú eru sífellt fleiri strákar
að bætast í hópinn," segir Elsa Jónsdóttir hjá
Gerplu í samtali við Þjóðlíf. „Það sem háir
öllum félögunum er plássleysi," bætir hún
við.
Þó flestir krakkar séu líka í leikfimi í skól-
anum nægir það þeim engan veginn. Það var
makalaust að sjá hvað krakkarnir hjá Gerplu
lögðu mikið á sig við æfingarnar þegar við
Þjóðlífsmenn litum þar inn í tíma fyrir
skemmstu. Það er líka til nokkurs að vinna.
Haldin eru fimleikamót fyrir krakkana. Ný-
afstaðið er unglingamót Fimleikasambands
íslands sem 200 unglingar sóttu víðsvegar að
af landinu og svo eru hópakeppnir fyrir þau
Myndir: Björn Haraldsson.
yngri. Efnilegustu krakkarnir geta átt von á
að vera send í æfingabúðir erlendis. „Það er
mikil vakning meðal krakka í fimleikum,"
segja þjálfararnir og kannski er ekki ýkja
langt í að íslenskar fimleikastjörnur geri
garðinn frægan ...
59