Frjáls verslun - 01.05.2013, Blaðsíða 46

46 FRJÁLS VERSLUN 5. 2013
Þegar talað er um stúdíó í kvikmyndagerð­
inni getur bæði verið átt við fyrirtækið og
aðstöðuna fyrir upptökur. Aðstaðan skiptir
miklu máli og draumurinn er að koma upp
stúdíói í Reykjavík. Það þarf ekki að vera
glæsibygging; flugvallarskemma væri nóg.
Baltasar segir að slík bygging yrði helst að
rísa í eða alveg við Reykjavík – herstöðin á
Keflavíkurflugvelli er of langt í burtu – og
hann segir að þetta gerist ekki án stuðnings
ríkis eða borgar. Fullkomið kvikmyndaver
freistar aðþjóðlegra framleiðenda kvik mynda.
Aðstaða af þessu tagi er mikilvæg til að ná
til landsins broti af kvikmyndagerð heims­
ins. Efnahagsumhverfið þarf líka að vera
hagstætt. Nú þegar er það svo að lönd eins
og Ungverjaland og Nýja­Sjáland lokka til
sín kvikmyndafyrirtækin vegna að stöð unnar.
beTra en álver
Landið sjálft laðar líka að. Það er eftirspurn
eftir sérstæðum upptökustöðum, sér stak­
lega fyrir ævintýramyndir. Þessu fylgir
eftirspurn eftir þjónustu eins og hótel gist­
ingu, leiðsögn og leigu á bílum.
Spurning er alltaf hversu stöðug þessi
vinna er. Hún getur verið háð tískusveiflum
og árangri einstakra manna. Baltasar
Kormákur fullyrðir hins vegar að vinna
við kvikmyndagerð sé áhugaverðari en
að standa við bræðsluker í álveri. Það er
þess virði að vera með í samkeppninni á
kvikmyndamarkaðnum.
„Markaðurinn fyrir kvikmyndir hverfur
ekki en það þarf að hafa fyrir því að ná
stórum verkefnum til landsins,“ segir Balt­
asar Kormákur.
Hann segir líka að í það minnsta enn um
stund sé landið það framandi og landslagið
svo spennandi að það veki áhuga. Hann
óttast ekki ofnotkun á landinu sem leik­
tjöldum. Íslenskt landslag kemur þrátt fyrir
allt ekki fyrir í svo mörgum myndum.
„Við finnum alltaf nýja og nýja vinkla fyrir
myndavélarnar og svo hafa upptökur til
þessa takmarkast við tiltölulega lítinn hluta
landsins,“ segir Baltasar Kormákur.
eldgos og ný Tækni
Landið hefur líka sjálft séð um kynningu á
sér. Gosið í Eyjafjallajökli skilaði að lokum
meiri landkynningu en nokkurn óraði fyrir.
„Þar sannaðist að öll kynning er góð þegar
upp er staðið,“ segir Baltasar Kormákur.
„Ég held þó að menningin reynist að lok­
um stærri en Eyjafjallajökull. Menningin lifir
allt af en eitt og eitt eldgos hjálpar til við að
kynna hana,“ segir Baltasar.
Ný tækni hjálpar auk þess við að koma
heimaframleiðslu á kvikmyndum út á
hinn stóra markað. Myndum er dreift á
netinu. „Streaming“ er lausnarorðið við
dreifingu á bæði tónlist og myndum. Litlir
framleiðendur geta fundið áhugasama
kaupendur án þess að þurfa að leita til
stórra dreifingarfyrirtækja. Markaðurinn
breikkar með nýrri tækni og fleiri smáir
kom ast að.
Þetta hefur verið leið margra nýrra lista ­
manna út í heim. Það er miklu auð veldara
og ódýrara en áður að koma efni – þar á
meðal kvikmyndum – á framfæri um netið.
Listamenn geta fundið sinn markhóp án
þess að leggja í dýra markaðssetningu eða
leita á náðir stórra dreifingarfyrirtækja. En
myndirnar verða þá að vera áhugaverðar.
Um það snýst allt.
Netið hefur líka leitt af sér vanda við að
verja höfundarrétt. Það er auðvelt að stela
efni af netinu: „Þetta er bara tímabundið
ástand. Tæknilega er ekkert því til fyrirstöðu
að koma í veg fyrir þjófnað á hugverkum,“
segir Baltasar.
landamæri hverfa
Baltasar bendir einnig á að kvikmynda gerð­
in sé alþjóðlegri en áður:
„Það er kostur fyrir Íslendinga að kvik­
myndagerðin er ekki eins bundin af landa­
mærum og áður. Erlendir fjárfestar koma
með peninga inn í landið,“ segir Baltasar.
„Fyrir hrun voru íslenskir fjárfestar mun
ákafari en nú í að leggja fé í kvikmyndagerð.
Núna verður í meira mæli en áður að leita
út á alþjóðlega fjármálamarkaði. En íslenskir
peningamenn hafa líka lært af reynslunni.
Þeir vita núna meira um áhættuna og nauð­
syn þess að dreifa henni. Þeir eru komn ir
niður á jörðina.“
Kvikmyndagerð er dýr listgrein. Það þarf
helst milljarða til að framleiða kvikmynd
fyrir alþjóðlegan markað. En ef hæfileikana
skortir og hin persónulegu sambönd duga
milljarðar skammt.
smáTT og sTórT
Baltasar bendir þó á að ekki sé alltaf nauð­
synlegt að stefna út á hinn stóra mark að.
Heimamarkaðurinn skipti líka máli. Hann
líkir þessu við muninn á kaup mann inum á
horninu og stórmörkuðum:
„Fólk kemur og kaupir bæði hjá kaup­
manninum á horninu og í stórmörkuðum.
Fólk kemur líka bæði til að sjá ódýrar
myndir gerðar fyrir heimamarkað og
alþjóðlegar stórmyndir,“ segir Baltasar.
Heimamarkaðurinn er líka oftast leið
nýliðanna út í hinn stóra heim. Baltasar
nefnir Hafstein Gunnar Sigurðsson, sem
gerði myndina „Á annan veg“ árið 2011 og
nú verður endurgerð hennar á ensku frum­
sýnd í haust. Góð hugmynd vekur áhuga.
Óskar Þór Axelsson gerði einnig myndina
„Svartur á leik“ í samvinnu íslenskra og
erlendra aðila. Dagur Kári Pétursson hefur
einnig haslað sér völl bæði innanlands og
utan með samvinnu af þessu tagi.
„Það eru margir hæfileikamenn sem þegar
eru búnir að hasla sér völl,“ segir Baltasar
Kormákur.
Baltasar Kormákur
Fæddur 27. febrúar 1966
Leikari og leikstjóri. Útskrifaðist frá Leiklistar­
skóla Íslands árið 1990. Foreldrar: Kristjana
og Balt asar Samper. Baltasar Kormákur og
eiginkona hans, Lilja Pálmadóttir, reka saman
framleiðslufyrirtækið Sögn ehf./Blueeyes Pro­
ductions og hefur það framleitt ýmis sviðsverk,
kvikmyndir og sjónvarpsefni. Balt as ar setti
upp Pétur Gaut í Þjóðleikhúsinu 2005 og sú
uppfærsla var sýnd víðar um lönd.
Kvikmyndaleikstjórn:
101 Reykjavík – 2000
Hafið – 2002
Skroppið til himna (A Little Trip to Heaven) – 2005
Mýrin – 2006
Brúðguminn – 2008
Inhale – 2010
Contraband (ensk endurgerð Reykjavík­
Rotterdam) – 2012
Djúpið – 2012
2 Guns – 2013

Kvikmyndaleikur:
Veggfóður: erótísk ástarsaga – 1992
Agnes – 1995
Draumadísir – 1996
Djöflaeyjan – 1996
101 Reykjavík – 2000
Englar alheimsins – 2000
Regína – 2001
Stormviðri – 2003
Reykjavík­Rotterdam – 2008
hvert er þitt hlutverk?
Gold Enterprise Resource Planning
Silver Independent Software Vendor (ISV)
TM
Borgartún 26, Reykjavík » Hafnarstræti 102, Akureyri
sími: 545 3200 » wise@wise.is » www.wise.is
- snjallar lausnir
Wise sérhær sig í viðskiptalausnum,
sem einfalda þér þitt hlutverk.
Wise - snjallar lausnir
FoRSÍðUEFNi