Dagblaðið Vísir - DV - 09.07.2008, Blaðsíða 4
miðvikudagur 9. júlí 20084 Fréttir DV
Ljóskastarar voru brotnir við Kópavogskirkju í skjóli nætur:
Eitthvað mikið að
„Þetta hafa sjálfsagt verið einhver
eða einhverjir sem líður illa. Það
er sjálfsagt þannig. Vegna þess að
menn hagnast ekkert á þessu,“ seg-
ir séra Ægir Sigurgeirsson, prestur í
Kópavogi. Skemmdir voru unnar á
ljóskösturum Kópavogskirkju ekki
alls fyrir löngu.
Kirkjan er flóðlýst og eru kastar-
arnir undir hertu öryggisgleri. Þarf
því mjög einbeittan brotavilja til að
brjóta glerið og kastarana. Ekkert
var skemmt annað en glerið og kast-
ararnir og, eins og flest skemmdar-
verk, algjörlega tilgangslaust. Ægir
segir að það hafi verið nánast óvinn-
andi vegur að brjóta glerið en það
sé auðvitað allt hægt sé viljinn fyrir
hendi. Erfitt getur verið að fá vara-
hluti, kastarana sjálfa, perur, spegla
og slíkt í slíka kastara og því verða
væntanlega nýir fengnir í staðinn.
Skemmdarverk á kirkjum eru mjög
sjaldgæf enda standa kirkjubygging-
ar mörgum Íslendingum mjög nærri.
„Yfirleitt ber fólk virðingu fyrir eigum
kirkjunnar og flestum er annt um
að kirkjan og umhverfi hennar séu
í lagi. Við finnum það mjög vel að
fólki er mjög annt um þessa kirkju.
Skemmdarverk hér eru mjög sjald-
gæf. Þetta hefur þó komið fyrir áður
en ekki í svona mörgum kösturum.“
Kópavogskirkja er flóðlýst og lýsir
upp skammdegið yfir vetrartímann.
„Kastararnir fara í gang eftir birtu-
stigi. Núna er birtan næg og þetta
verður sjálfsagt komið í lag þegar
byrjar að rökkva.“
Ægir bætir við að alveg ljóst sé að
þeim sem framkvæma slík skemmd-
arverk líði afar illa. „Þetta lýsir ákveð-
inni vanlýðan hjá þeim sem gerir
eitthvað svona. En sennilega er þetta
algjörlega ótengt kirkjunni. Þetta er
kannski ákveðin áskorun að ná að
brjóta þetta gler,“ segir Ægir og hlær.
benni@dv.is
Þriggja ára barn lét lífið í sjúkrabíl á leiðinni á
spítala eftir að botnlanginn sprakk. Foreldr-
ar þess höfðu tvívegis leitað læknis en í
bæði skiptin verið sendir heim. Stað-
gengill landlæknis, Kristján Odds-
son, segir enga tilkynningu hafa
borist Landlæknisembætt-
inu enn sem komið
er. Foreldrarnir
syrgja sárt en
hafa ekki tekið
ákvörðun um
hvort málið
verði kært.
Þriggja ára barn lét lífið tveimur
dögum eftir að botnlanginn í því
sprakk. Þá þegar höfðu foreldrar
barnsins tvívegis farið með það sár-
kvalið til læknis en í bæði skiptin
voru þau send heim. Það var síðan
aðfaranótt sunnudags fyrir rúmri
viku sem foreldrar sáu að barnið var
verulega illa haldið. Þá sótti heimil-
isfaðirinn sjúkraliða sem bjó í sama
húsi og hann athugaði með barnið.
Hann sá strax að það væri í lífshættu
og hringdi því á sjúkrabíl. Barnið dó
í sjúkrabílnum.
Kristján Oddsson, staðgengill
landlæknis, segir málið ekki komið
inn á borð Landlæknaembættisins
en segist fullviss um að tilkynning
muni berast þeim.
Heimilislæknir sendi
barnið heim
Það var á föstudeginum síðustu
helgina í júní, sem faðir þriggja ára
barnsins fór í flýti úr verktakafyrir-
tæki sem hann á hlut í. Ástæðan var
sú að barnið hans var verulega veikt
og foreldrar þess mátu sem svo að
ekki væri unnt að bíða með að fara
með það til læknis. Foreldar barns-
ins fóru með það til heimilislæknis
síns. Eftir að hann var búinn að sjúk-
dómagreina barnið benti hann for-
eldrunum á að koma aftur eftir helgi,
ef ástandið versnaði til muna. Því
fóru þau heim með barnið og von-
uðu að það myndi ná sér en þá þegar
var ljóst að það var nokkuð kvalið.
Aftur send heim
Eftir sólarhring hafði barninu
ekki batnað. Þau ákváðu þá að fara
á bráðamóttöku og reyna að finna
bót á meini barnsins. Þegar þangað
var komið var barnið svo kvalið að
það grét mikið og var sárt um allan
líkamann. Læknisskoðun mun hafa
leitt í ljós að magakveisa væri mein-
ið. Hjónin fengu ráð um það hvernig
mætti vinna bug á henni og svo voru
þau aftur send heim og sagt að hafa
samband ef barninu batnaði ekki.
Hjónin fóru að ráði læknis og fóru
heim með barnið. Heilsa barnsins
hríðversnaði eftir því sem leið á dag-
inn.
Deyr í sjúkrabílnum
Það var ekki fyrr en á laugar-
dagsnóttinni sem foreldarnir gerðu
sér grein fyrir að eitthvað meirihátt-
ar væri að barninu. Faðir þess hljóp
þá til nágranna síns sem hann vissi
að væri sjúkraliði. Hann bað sjúkra-
liðann að líta á barnið sem hann og
gerði. Þegar sjúkraliðinn hafði skoð-
að barnið sá hann engan annan
kost færan en að hringja á sjúkrabíl,
barnið var í lífshættu. Stuttu síðar
kom sjúkrabíll og sjúkraliðar hugð-
ust ferja barnið á spítala. Á miðri leið
lét barnið lífið. Blóðeitrun reyndist
banamein þess, blóðeitrunina fékk
barnið eftir að botnlanginn sprakk.
Hrakar fljótt
„Það er sem betur fer mjög sjald-
gæft að ung börn deyi vegna botn-
langabólgu,“ segir Kristján Oddsson,
yfirlæknir og staðgengill landlæknis,
en aðspurður segir hann embættið
ekki hafa fengið málið inn á sitt borð.
Hann segir það þó þess eðlis að það
muni berast þeim. Foreldrarnir hafa
ekki kvartað til embættisins en geri
þeir það segir Kristján að málið fari
í þann farveg að það verði skoðað
í þaula. Þá getur embættið einnig
rannsakað slík mál upp á eigin spýt-
ur sjái það ástæðu til.
„Það sem getur gerst með svona
lítil börn er að þeim hrakar fljótt og
því meiri hætta hugsanlega til stað-
ar,“ segir Kristján um málið. Hann
svarar því jafnframt að það geti verið
vandkvæðum bundið að sjúkdóms-
greina svo lítil börn.
Jarðsungið í Póllandi
Foreldrar barnsins héldu minn-
ingarathöfn í upphafi vikunnar. Þau
eru íslenskir ríkisborgarar með ræt-
ur í Póllandi. Það var síðan í gær sem
barnið var brennt og síðan munu
þau halda til Póllands þar sem það
verður jarðsungið. Engin ákvörðun
liggur fyrir hjá foreldrum hvort þeir
muni biðja um rannsókn á atvikinu.
Að sögn aðstandenda syrgja for-
eldrar barnsins það sárt. Fólk er
bæði undrandi og reitt yfir því að
svo lítið barn hafi látist eftir að for-
eldrarnir hafi leitað tvívegis til lækn-
is.
vAlur grettissOn
blaðamaður skrifar: valur@dv.is
„Það sem getur gerst
með svona lítil börn er
að þeim hrakar fljótt
og því meiri hætta
hugsanlega til staðar.“
Dó í sjúkrabílnum Á öðrum
degi var barnið ferjað með
sjúkrabíl en þá var það orðið of
seint; það dó á leiðinni.
BARN LÉST EFTIR
RANGA GREININGU
Fór tvisvar til læknis Foreldrar
þriggja ára barnsins leituðu
tvisvar til læknis með barnið en
voru tvívegis sendir heim.
Elliheimili dæmt
af Persónuvernd
Heilsuvernd/Inpro var ekki
heimilt að afla upplýsinga um
veikindi stúlku sem vann á Elli-
heimilinu Grund en stúlkan var
ólögráða og var það forsjármað-
ur stúlkunnar sem kvartaði til
Persónuverndar. Þar var komist
að þeirri niðurstöðu að Inpro,
sem hú heitir Heilsuvernd, var
ekki heimilt að safna upplýsing-
um um veikindi stúlkunnar en
Grund var með slíkan samning
við Inpro þar sem starfsmenn
tilkynntu fjarvistir sínar til þeirra.
Í niðurstöðu Persónuverndar
kemur fram að stúlkan var ekki
með skriflegan samning við fyr-
irtækið og þurfti því ekki að veita
upplýsingarnar
InnlendarFréttIr
ritstjorn@dv.is
LEIðRÉTTING
Í frétt sem birtist í blaðinu í
gær varðandi Sæmund Pálsson,
eða Sæma rokk eins og hann
er jafnan kallaður, kom fram sú
rangfærsla að atburðurinn hefði
átt sér stað fyrir viku. Það er ekki
rétt, rétt rúmar þrjár vikur eru
síðan maðurinn ruddist inn á
heimili hans. Þá vill hann árétta
að þó greinin hafi verið mynd-
skreytt með hnífi var maðurinn
ekki vopnaður hnífi á heim-
ili hans þegar hann yfirbugaði
hann. Það kom þó ekki fram í
fréttinni. Einnig vill Sæmundur
koma þeim skilaboðum áleiðis
að honum þyki leitt að svona hafi
farið og hann hafi samúð með
fíklinum sem ruddist inn til hans.
Dráttarvextir í 17
ára hámarki
Skuldurum er hollast að greiða
skuldir sínar tímanlega eða semja
um greiðslur. Annað getur reynst
þeim dýrkeypt.
Dráttarvextir eru hærri í dag
en þeir hafa verið í sautján ár að
því er fram kemur í Hálffimmfrétt-
um Greiningardeildar Kaupþings.
Stýrivextirnir hækkuðu í 26,5 pró-
sent um mánaðamótin síðustu
og hafa ekki verið hærri síðan í
nóvember 1991 þegar þeir voru 27
prósent. Dráttarvextir geta aðeins
breyst 1. janúar og 1. júlí og því
ljóst að dráttarvextirnir verða háir
næsta hálfa árið í það minnsta.
Þriðjungs hækk-
un á hálfu ári
Bændur fá þriðjungi minna
magn kjarnfóðurs fyrir pen-
inga sína nú en þeir gerðu í
ársbyrjun. Ástæðan er sú að
fóðrið hefur hækkað gífurlega í
verði það sem af er árinu.
Samkvæmt frétt á vef
Landssambands kúabænda
hefur kjarnfóður hækkað um
31 til 35 prósent í verði frá ára-
mótum til dagsins í dag. Verð-
ið hækkaði um fjögur til fimm
prósent í gær og var hækkunin
þá komin í kringum þriðjung
af því verði sem bændur gátu
áður gengið að vísu. Helstu
ástæðurnar fyrir hækkuninni
eru sagðar lækkandi gengi
krónunnar og dýrara hráefni.
Þetta þýðir að rekstur bænda
verður dýrari og getur það skil-
að sér út í verðlagið.