Dagblaðið Vísir - DV - 09.07.2008, Blaðsíða 17
DV Golf miðvikudagur 9. júlí 2008 17
Golfklúbbur Vatnsleysustrand-
ar hefur undanfarin þrjú ár hald-
ið opið golfmót til styrktar Guðjóni
Sigurðssyni og fjölskyldu sem eiga í
harðri baráttu við MND-hrörnunar-
sjúkdóminn. Að þessu sinni verður
mótið haldið 20. júlí næstkomandi
á Kálfatjarnarvelli á Vatnsleysu-
strönd. Öll innkoma mótsins renn-
ur beint til fjölskyldunnar en þátt-
takendur greiða að lágmarki 3.500
krónur í mótsgjald en frjáls fram-
lög eru vel þegin. „Fyrirtæki hafa
verið mjög dugleg að styrkja fjöl-
skylduna og mótið með því að gefa
okkur verðlaun fyrir styrktarmót-
in, verðlaunin hafa reyndar verið
svo rausnarleg að héðan fer nánast
enginn tómhentur. Það hafa ýmist
verið gjafabréf á snyrtistofur, arm-
bandsúr, golfvörur og margt fleira,“
segir Haukur Hauksson, formaður
mótanefndar golfklúbbsins. Verð-
laun eru veitt fyrir fyrstu þrjú sætin
í höggleik með og án forgjafar auk
sérstakra verðlauna fyrir að skjóta
næst holu á þriðju og lengsta teig-
höggið á níundu holunni.
Guðjón starfaði sem pípari hjá
Orkuveitunni þegar hann greindist
með MND-sjúkdóminn. „Orkuveit-
an hefur alltaf stutt vel við fjölskyldu
Guðjóns,“ segir Haukur en hún hef-
ur einnig verið liðlegur styrktaraðili
mótsins.
Hugmyndin að mótinu kviknaði
hjá einum félaga Guðjóns í klúbbn-
Þyraum en þeir voru fyrstir til að
styrkja við bakið á MND-sjúklingi
með þessum hætti. „Á þeim tíma
voru styrktarmót í golfi ekki eins al-
geng og þau eru í dag. Ég sá um dag-
inn að Logi Bergmann og félagar
voru einmitt að styrkja MND-félagið
með golfmóti sem fór fram um allt
landið. Það er mjög jákvætt að fleiri
séu farnir að veita þessum sjúkdómi
athygli,“ segir Haukur, en þetta er
eina styrktarmótið sem Golfklúbb-
ur Vatnsleysustrandar stendur fyr-
ir. „Guðjón var virkur meðlimur í
stjórn golfklúbbsins og við gerum
okkar besta til að styðja við bakið á
honum.“ segir Haukur en Guðjón er
enn í dag félagi í klúbbnum.
Mótið hefur farið stækkandi ár
frá ári og búist er við góðri þátttöku
í ár: „Nú þegar hafa margir skráð sig
til leiks en allir eru velkomnir. Völl-
urinn tekur kannski ekki endalaust
við en myndi alveg þola rúmlega
hundrað manns. Ég hvet alla til að
taka daginn frá til að spila golf og
styrkja gott málefni í leiðinni,“ seg-
ir Haukur sem var einmitt staddur á
vellinum þegar DV hafði samband
við hann.
Þrumur og eldingar
tefja evrópumót
Kylfingar styrkja
veikan félagsmann
„Það voru þrumur og eldingar hér í
morgun og alveg til hádegis, því var
ekki byrjað á mótinu í dag. Deginum
var aflýst en eftir fyrsta daginn verður
raðað í riðla,“ sagði Arnar Már Ólafs-
son, þjálfari piltalandsliðsins.
Í gær hófst Evrópumót unglinga
á aldrinum fjórtán til átján ára og
stendur til laugardags. Evrópumót
piltalandsliðsins fer fram á elsta golf-
velli í Slóveníu en hann var opnaður
árið 1937. Hann var síðan endurbyggð-
ur árið 1972 af Donald Harridine.
Fyrirkomulag mótsins er eins og í
Evrópukeppni karla. Fyrst eru leiknir
tveir átján holu hringir og niðurstaða
höggleiksins ræðst af því hvaða riðli er
spilað í.
Í íslenska piltalandsliðinu eru þeir
Andri Már Óskarsson GHR, Andri
Þór Björnsson GR, Axel Bóasson GK,
Haraldur Franklín Magnús GR, Pétur
Freyr Pétursson GR og Rúnar Arnórs-
son GK. Liðsstjóri strákalandsliðsins
er Ragnar Ólafsson og þjálfari liðsins
er Arnar Már Ólafsson.
Evrópumót stúlknalandsliða fer
fram á golfvellinum Murcuar Links
sem er norðan við Aberdeen í Skot-
landi. Klúbburinn var stofnaður árið
1909. Fyrirkomulag mótsins er það
sama og í öðrum liðakeppnum Evr-
ópumótanna, það eru tveir hringir
höggleikur og síðan raðað í riðla eftir
skori. Nítján þjóðir taka þátt í keppn-
inni að þessu sinni. Keppendur ís-
lenska stúlknalandsliðsins eru þær
Eygló Mirra Óskarsdóttir GO, Ingunn
Gunnarsdóttir GKG, Ólafía Þórunn
Kristinsdóttir GR og Signý Arnórsdótt-
ir GK. Liðsstjóri stúlknalandsliðsins er
Steinunn Eggertsdóttir.
„Við sendum út tvö landslið, bæði
pilta- og stúlknalið,“ segir Stefán Garð-
arsson, markaðsmaður Golfsambands
Íslands. „Þetta er landsliðskeppni en
ekki einstaklingskeppni. Það þurfa all-
ir að standa saman þegar um lands-
liðið er að ræða. Það er allt annað að
keppa sem einstaklingur en lið.“
berglindb@dv.is
Samkvæmt heimsmetabók Guinness er lengsti golfbíll í heimi í Flórída:
6 metra langur golfbíll
Golflimminn vekur mikla lukku
og ekki síst hjá stjörnunum.
Golf í blíðunni veðrið hefur
leikið við kylfinga undanfarið.
Þyrlast upp kylfingurinn slær
högg í sandgloppunni.
golfklúbbur vatnsleysustrandar hefur undanfarin þrjú ár haldið styrktarmót fyrir Guðjón
Sigurðsson og fjölskyldu, en guðjón berst við mNd-sjúkdóminn. „guðjón var virkur með-
limur í stjórn golfklúbbsins og við gerum okkar besta til að styðja við bakið á honum,“ segir
Haukur Hauksson, formaður mótanefndar golfklúbbsins.