Frjáls verslun - 01.05.2010, Blaðsíða 64
64 F R J Á L S V E R S L U N • 5 . T B L . 2 0 1 0
„Hún er af mörgum álitin einn merkasti samfélagsgagnrýnandi
okkar tíma. Hún er með doktorspróf í líffræði og notar fræðilegar
aðferðir við að fletta ofan af óréttlæti og því sem miður fer í sam
félaginu.
Eftir hana liggja 16 bækur, þar á meðal er Nickel and Dimed
sem hún fékk verðlaun fyrir og var útnefnd eitt fremsta verk á sviði
rannsóknarblaðamennsku síðastliðinn áratug. Hún vann láglauna
störf og fór milli ríkja, bjó í hjólhýsahverfum og kynntist af eigin
raun hvernig er að búa við óöryggi og kröpp kjör. Hún lýsti því hvernig
búllueigandi hengir upp skilti þar sem auglýst er eftir nýjum starfs krafti
aðeins til að halda þeim sem fyrir eru á tánum. Kynni sín af þessu lífi
sagði hún mér að hefðu verið nöturleg.“
Á tengslanetsráðstefnunni talaði Barbara Ehrenreich út frá nýjustu
bók sinni um jákvæðniiðnaðinn. „Hvernig fólk er blindað að trúa á
einhverjar gervilausnir um leið og dregið er úr krafti þess sem gagn
rýninna og ábyrgra borgara í samfélaginu. Sá boðskapur á erindi við
Íslendinga sem hafa verið að vinna sig út úr þeirri þróun þar sem
þeim var talin trú um að pólitíkusar gætu sinnt lýðræðinu og fólkið
ætti bara að hugsa um neyslu og reyna að hafa það gott.“
Forseti Evrópusamtaka kvenlögfræðinga
Herdís var að ljúka doktorsnámi frá lagadeildinni í Lundi þegar
Ann Numhauser Henning prófessor bauð henni að koma í lögfræð
ingateymi sem vinnur í aðildarríkjum Evrópusambandsins og EES
ríkjanna Noregs, Liechtenstein og Íslands að vinna að rannsóknum í
jafnréttismálum og vinnurétti á grundvelli evrópskra skuldbindinga.
„Þannig kynntist ég starfi Evrópusamtaka kvenlögfræðinga,
EWLA, og var á ársfundi þeirra samtaka kjörin í stjórn árið 2005.
Ég var síðar kjörin varaforseti og loks forseti árið 2009.
Á heimasíðu samtakanna, www.ewla.org, má sjá hverjar áherslur
okkar eru en þær eru meðal annars að auka skilning á löggjöf
ESB og EES í tengslum við jafnrétti og konur; að vera tengslanet
kvenlögfræðinga í Evrópu, félaga kvenna í lögmennsku og lögfræði
og kvenna í akademíu, að vinna að ályktunum og rannsóknum í
tengslum við stofnanir í aðildarríkjum og alþjóðlega.
Það hefur orðið slík bylting í rafrænum samskiptum að það skiptir
ekki lengur máli hvar maður er staddur upp á samstarf. Við höldum
fundi í gegnum netið; erum í reglulegum tölvupóstssamskiptum og
hittumst að jafnaði tvisvar til þrisvar á ári. Á 10 ára afmælisþingi
EWLA í Brussel í byrjun júní sagði Herman Van Rompuy, forseti
Evrópu sambandsins, í ávarpi sínu að Evrópusamtök kvenlögfræðinga
væru gott dæmi um það besta sem gerðist í evrópskri samvinnu enda
HRUNIÐ ENGU BREYTT
Laun kvenna eru ennþá mun lélegri en laun karla.
Heimilisofbeldi hefur aukist og samkvæmt nýrri
rannsókn Creditinfo fer konum í stjórnum íslenskra
fyrirtækja fækkandi.
HERDÍS ÞORGEIRSDÓTTIR PRÓFESSOR
BARBARA AÐALFYRIRLESARINN
Herdís með Barböru Ehrenreich sem var aðalfyrirlesarinn á ráðstefnunni. Eftir hana liggja 16 bækur,
þar á meðal er Nickel and Dimed sem hún fékk verðlaun fyrir.