Frjáls verslun - 01.05.2010, Blaðsíða 125
F R J Á L S V E R S L U N • 5 . T B L . 2 0 1 0 125
Lærir að njóta lífsins
Í kvikmyndinni Eat Prey Love leikur Julia Roberts
hina 32 ára Eliza beth og myndin hefst þegar hún
er á krossgötum, nýskilin eftir erfitt hjónaband
og íhugar þá spurningu hvað hún vilji fá út úr líf-
inu. Elizabeth leggur í þeim tilgangi í heimsreisu
þar sem skiptast á skin og skúrir en oftast nýtur
hún þó lífsins til fullnustu og hvergi er hún eins
hamingjusöm og á eyjunni Balí þar sem hún finn-
ur ást ina öðru sinni.
Eins og gefur að skilja er Eat Prey Love stíluð
inn á kvenfólkið og ráðlagði virt bandarískt tíma-
rit, í umfjöllum um kvikmyndina, öll um karl mönn-
um að vera búnir að skipuleggja veiðitúr helgina sem
hún verður frumsýnd.
Meðleikarar Juliu Roberts í Eat Prey Love eru
Javier Bardem, sem leikur hinn rómantíska Felipe,
sem Elizabeth hittir á Balí, James Franco, Billy
Crudup og Viola Davis. Handritið skrifar Jennifer
Salt, sem á merkilegan feril að baki. Hún er dóttir
eins virtasta hand rits höfundar í Hollywood, Waldos
Salts, sem hlaut tvenn óskarsverðlaun (Com ing
Home, Midnight Cowboy). Eftir að hafa starfað
sem leikkona í 22 ár með misjöfnum ár angri sneri
Jennifer Salt sér að handritsgerð og er þekktust
fyrir handrit sín í sjónvarpsseríunni Nip/Tuc sem
fjallar um tvo lýtalækna og skrautlegt líf þeirra,
his purslaus sjón varpssería sem vakti mikla athygli.
Leik stjór inn Ryan Murphy er að leikstýra annarri
kvik mynd sinni, en hann vann eins og Jennifer
Salt við Nip/Tuc-sjónvarpsseríuna þar sem hann
leik stýrði mörgum þáttum og hefur undanfarið
leik stýrt þáttum í hinni vinsælu sjónvarpsseríu
Glee. Fyrstu kvikmynd sinni, Running with
Scis sors, leikstýrði Murphy árið 2006 og skartaði
hún Annette Bening, Joseph Fiennes, Gwyneth
Palt row, Alec Baldwin og Evan Rachel Wood í
aðal hlut verk um.
Ein kvikmynd á næsta ári
Eins og komið hefur fram hefur Julia Roberts ekki
verið afkastamikil í kvikmyndaleik frá því hún
eignaðist tvíburana sína og ekki er fyrirsjáanlegt að
mikil breyting verði þar á. Hún er að vísu orðuð
við nokkrar kvikmyndir en hefur aðeins leikið í
einni, sem frumsýnd verður 2011, en það er Larry
Crowne sem búið er að kvikmynda og er komin í
eftirvinnslu. Larry Crowne er önnur kvikmyndin
sem Tom Hanks leikstýrir og leikur hann einnig
titil hlutverkið; miðaldra karl mann sem skráir sig í
há skólanám eftir að hafa verið sagt upp í vinnunni.
Julia Roberts leikur háskólakennara sem hrífst af
mið aldra nemanda sínum.
KVIKMYNDAFRÉTTIR
Náttúruöflin fjögur
Kvikmyndir M. Nights Shyamalans eru
misjafnar að gæðum. Hæstu hæð-
um náði hann með Sixth Sense og
mestri lægð var náð með Lady in the
Water sem var með öllu óskiljanleg.
Kvikmyndir Shyamalans eiga það þó
sammerkt að ekki er allt sem sýnist
á yfirborðinu og þarf stundum að kafa
djúpt til að vita hvað hann er að fara.
Nýjasta kvikmynd hans, The Last Air-
bender, er ekki síður dularfull. Um
ævin týramynd er að ræða þar sem
náttúru öflin fjögur, vatn, loft, eldur og
jörð, eru bundin sama örlagavef. Vef-
urinn brestur þegar þjóð eldsins lýsir yfir
stríði og grimmir eldar geisa í heila öld.
Vonleysi ríkir þegar hetjan okkar, Aang,
uppgötvar að hann hefur vald til þess
að stjórna öllum fjórum náttúruöflunum.
Aang gengur í lið með systkinunum
Sokka og Katara, sem getur stýrt vatn-
inu, og í sameiningu reyna þau að koma
á jafnvægi í stríðshrjáðum heimi. Í
þetta sinn eru allir leikarar óþekktir en
þess má geta að Shyamalan og Bruce
Willis ætla að leiða saman hesta sína
á ný, en Willis lék aðalhlutverkið í Sixth
Sense og Unbreakable.
Ástarhreiðrið
Taylor Hackford hefur á 35 ára ferli
aðeins leikstýrt 13 kvikmyndum. Þar á
meðal eru nokkrar ágætis kvikmyndir
eins og An Officer and a Gentleman,
Against All Odds, Dolores Claibourne
og nú síðast Ray. Meira hefur borið
á eiginkonu hans, Helen Mirren, og
hefur Hackford staðið að nokkru leyti
í skugganum af henni. Þau hjón eiga
að baki langt og farsælt samband en
aldrei hafa þau gert saman kvikmynd
fyrr en nú að Love Ranch lítur dagsins
ljós. Gerist myndin á áttunda áratugnum
og fjallar um hjónin Grace og Charlie
sem stofnuðu fyrsta löglega hóruhúsið í
Nevada. Líf þeirra er í föstum skorðum
þar til frægur þungaviktarboxari kemur
til að æfa í hóruhúsinu og sýnir mad döm-
unni of mikinn áhuga að mati Charl ies.
Helen Mirren leikur að sjálf sögðu Grace
og Joe Pesci leikur eiginmanninn. Í
hlutverki boxarans er spænskur leikari,
Sergio Peris-Mencheta. Auk þeirra leikur
Gina Gershon stórt hlutverk í myndinni.
Borgin
Ben Affleck er ekki bara leikari, hann
fékk óskarsverðlaunin ásamt Matt
Damon fyrir handritið að Good Will Hunt -
ing og hann leikstýrði Gone Baby Gone
sem fékk góðar viðtökur fyrir þremur
árum. Nú er hann að fara að frumsýna
sitt annað leikstjórnarverk, The Town,
og leikur hann einnig aðalhlutverkið,
en hann lét bróður sínum Casey eftir
leikinn í Gone Baby Gone. Í The Town
leikur hann foringja bankaræningja
sem er öruggur með sjálfan sig enda
aldrei verið handtekinn. Í einu ráninu
taka ræningjarnir gísl í stutta stund
en sleppa honum síðan. Gíslinn, sem
er stúlka, grunar að þeir viti hver hún
er og muni ná henni. Hana grunar þó
ekki að Doug, myndarlegur maður sem
heimsækir hana, sé bankaræninginn
sem hræddi hana sem mest og fellur
fyrir honum. Rebecca Hall leikur stúlk-
una en í öðrum hlutverkum eru Jon
Hamm, Chris Cooper, Jeremy Renner og
Blake Lively.
Julia Roberts í hlutverki rithöfundarins Elizabeth Gilberts í Eat Prey Love.
Jon Hamm úr Mad Men fer fyrir lögregl-
unni þegar reynt er að handsama banka-
ræningjana.
Aang (Noah Ringer) hefur mátt til að
bjarga stríðshrjáðum heimi.