Frjáls verslun - 01.05.2010, Blaðsíða 118

118 F R J Á L S V E R S L U N • 5 . T B L . 2 0 1 0
yrir einum 16 árum settist
Guðrún Ingibjörg Gunn-
arsdóttir að í Orlando í
Flórída með eigin manni
sínum, Bill Jenkins. Hún
kynntist blaða mönnunum
Önnu Bjarnason og Atla Steinarssyni sem
höfðu um tíma sinnt þar ferðaþjónustu en
þegar þau sneru heim til Íslands ákvað hún
að taka við þjónustunni við Íslendinga sem
komu til Orlando. Nú rekur hún www.
floridafri.com og www.ingatravel.com”
www.ingatravel.com sem er í samstarfi við
bandaríska ferðaskrifstofu.
„Mikið hefur dregið úr heimsóknum
Íslendinga hingað eftir banka hrunið,“
segir Guðrún aðspurð um ástandið í ferða-
málunum vestra, „enda er gengi dollarans
mjög hátt og það hlýtur að hafa áhrif. Þetta
breyttist þó ekki strax eftir hrunið heima
en hægðist smátt og smátt. Fólk var ekki
eins ákaft og áður þegar það pantaði jafnvel
eitt til tvö ár fram í tímann.“
Siglingarnar vinsælar
Guðrún segist aðallega selja Íslendingum
siglingar um Karíbahafið. Mikið hefur
verið um að saumaklúbbar, skipsáhafnir,
fjöl skyldur og aðrir hópar vilji fara í
slíkar ferðir sem og hjón ein eða fleiri
saman. Hún mælir með ferðum með
Carnival-skipafélaginu en skip þess sigla
frá Canaveral-höfða. Það er þægilegt fyrir
Íslend inga sem koma fljúgandi til Orlando
því þangað er aðeins tæpur klukkutíma
akstur. „Icelandair hefur komið til Sanford
á laugardagskvöldum og Carnival-siglingin
byrjar á sunnudögum svo það hefur
smellpassað að koma kvöldinu áður. Auk
þess er skipafélagið með glænýtt skip, sem
ég hef sjálf siglt með og veit því vel hvað
ég er að bjóða upp á.“ Fleiri skipafélög eru
með ferðir frá sömu höfn og bjóðast fólki
fjölbreyttar og mislangar ferðir og sumar
jafnvel sérstaklega hugsaðar fyrir barnafólk,
eins og Disney-skipin sem sigla þaðan líka.
Farnar eru vikuferðir til Bahamaeyja,
St. Martin og Mexíkó og lengri ferðir til
Panama, Karíbahafsins og Mexíkó, sem er
vinsælast meðal Íslendinga þótt eymdin
sé þar mikil að sögn Guðrúnar. Svo býður
Guðrún upp á siglingar í Miðjarðarhafinu,
sem flestar eru frá Ítalíu eða Spáni.
„Frábært er að kynnast mörgum löndum í
sömu ferð og njóta fyrsta flokks þjónustu
um borð í skipinu.“
Fjölbreytt húsnæði í boði
Íslendingar sem heimsækja Flórída eru
oft að leita sér að leiguhúsnæði og segist
Guðrún aðallega hafa milligöngu um að
leigja húsnæði í eigu Breta. Reyndar hefur
kreppan haft áhrif á þá líka og margir
þeirra hafa jafnvel misst húsin sín. Þessi
liður í ferðaþjónustunni hvarf eiginlega
alveg strax eftir hrunið á Íslandi og telur
hún ástæðuna vera gengi dollarans. Það sé
dýrt í íslenskum krónum að leigja stór og
fín hús með sundlaug. Vikuleiga fyrir hús
með fjórum svefnherbergjum, sundlaug,
heitum potti og leikherbergi er 1.100-
1.200 dollarar á viku, eða 150 til 160
þúsund krónur, en þetta er kannski ekki
svo mikið þegar öllu er á botninn hvolft
ef kostnaðurinn deilist á marga. Verðið fer
eftir staðsetningu og árstíma. Ódýrast er í
Ventura-hverfinu sem margir Íslendingar
þekkja vel. Auk þess að útvega húsnæði og
skipaferðir hefur Guðrún gert nokkuð af
því að aka ferðamönnum frá flugvelli til
hótels en gerir minna af því nú en áður
vegna þess hvað þetta getur verið seint
á kvöldin. Hún keyrir hins vegar fólk
gjarnan í skipin og sækir. Einnig hefur
hún farið sem fararstjóri með Íslendinga í
siglingarnar. Eins og málin standa í dag er
líklegt að Guðrún fari að selja pakkaferðir
frá Bandaríkjunum til Íslands.
„Þótt dregið hafi úr viðskiptum við
Íslendinga er engin lægð í ferðalögum
annarra og sést það best á því að skipin eru
bókuð langt fram í tímann og enga ferð
að fá með stuttum fyrirvara. Ég held að
breskir ferðamenn séu fjölmennastir, enda
koma stórar flugvélar frá Bretlandi tvisvar,
þrisvar á dag. Síðan eru Þjóðverjar og Svíar
fjölmennir.“
Heimasíður Guðrúnar eru www.
floridafri.com og www.ingatravel.com.
Skyggnir höfuðstöðvar, Borgartúni 37 , sími 516 1000 Akureyri, Skipagötu 18 , sími 516 1370 Neskaupstað, Nesgötu 4, sími 516 1380 Egilsstöðum, Miðási 1, sími 516 1380
Rent A Prent er umhverfisvæn og hagkvæm prentlausn sem dregur úr
pappírsnotkun, lækkar rekstrarkostnað og eykur öryggi.
Skyggnir útvegar prentara, rekstrarvörur og sér um innleiðingu og viðhald. Því
er hvorki fjárhagsleg skuldbinding á vélbúnaði né rekstrarvöru heldur greiðir þú
aðeins fyrir hvert prentað eintak.
Með aðgangsstýrðum prenturum er komið í veg fyrir að gögn liggi á glámbekk
um leið og dregið er úr óþarfa pappírsnotkun.
Hafðu samband við söluráðgjafa Skyggnis til að fá frekari upplýsingar um Rent A Prent.
Síminn er 516 1000 og netfangið: sala@skyggnir.is
Upplýsingatækni og samskiptalausnir
Rent A Prent – Umhverfisvæn lausn frá Skyggni
Lækkaðu prentkostnaðinn
25% lækkun prentkostnaðar
Enginn stofnkostnaður
Aukið öryggi
GUÐRÚN INGIBJÖRG
GUNNARSDÓTTIR Í ORLANDO:
FJÖLBREYTT HÚSNÆÐI Í BOÐI
Fyrir einum 16 árum settist Guðrún Ingibjörg Gunnarsdóttir að í Orlando í Flórída með eiginmanni sínum,
Bill Jenkins. Nú rekur hún www.floridafri.com og www.ingatravel.com
Guðrún Ingibjörg Gunnarsdóttir er Vesturbæingur,
dóttir Gunnars Hvammdals Sigurðssonar veður-
fræðings og Ástu Magnúsdóttur í Reykjavík.