Frjáls verslun - 01.07.2010, Side 45

F R J Á L S V E R S L U N • 7 . T B L . 2 0 1 0 45
Vindur í seglum
Belgingur er upphaflega aðeins styrkur sem
Ólafi Rögnvaldssyni hlotnaðist til að ljúka
doktorsprófi í veðurfræði. Prófinu er ólokið enn
en fyrirtækið hefur fengið vind í seglin og býður
auk annars upp á staðarveðurspár fyrir
hvaða svæði í heiminum sem er.
Ólafur Rögnvaldsson hjá
Reiknistofu í veðurfræði:
Reiknistofa í veðurfræði – RíV – var stofnuð snemma árs 2001 og vin sælustu þjónustu hennar er hægt að nálgast á vefsíðunni www.belgingur.is. Það er veðurþjónusta fyrir alla þá sem vilja vita nákvæmlega hvernig veður verður á hverjum
stað þegar meðal annars áhrif landslags eru tekin inn í spána.
„Helsti hvatinn var sá að mér hlotnaðist doktorsstyrkur og við leið-
beinandi minn, pró fessor Haraldur Ólafsson veðurfræðingur, töldum
bestu leiðina til að hámarka nýtingu styrkfjárins að stofna einka-
hlutafélag og taka styrkinn í gegnum það,“ segir Ólafur.
Síðan hefur reksturinn undið upp á sig, og er svo komið að hjá RíV
eru að jafnaði fimm til sjö starfsmenn en Ólafur hefur enn ekki „klárað
blessað doktorsnámið“ eins og hann segir. Fyrirtækið býður upp á
veður spár í hárri upplausn fyrir hvaða svæði sem er í heiminum.
„Við bjóðum líka upp á klasaspár sem gefa upplýsingar lengra
fram í tímann auk þess sem við gerum veðurfarsgreiningar aftur í
tímann,“ segir Ólafur. Hann segir að RíV byggi á sterkri hefð rann-
sókna í veðurfræði og skyldum greinum. Fyrir tækið tekur þátt í
al þjóð legum rann sókn arverkefnum í samstarfi við háskóla, stofn anir
og fyrirtæki í Noregi, Finnlandi, Færeyjum, Bandaríkjunum og víðar.
Alþjóðleg samvinna
„Þessi samvinna er lykilþáttur í starfsemi okkar og gerir okkur
kleift að vera í fremstu röð á okkar sviði í veðurfræði,“ segir Ólafur.
„Viðskiptavinir okkar nýta sér þjónustu okkar í margs konar tilgangi, allt
frá áætlanagerð í rekstri fyrir vind- og vatnsorkuframleiðslu til þess að
aðstoða við ákvarðanatöku á staðsetningum á mann virkjum.“
Nýjasta afurðin er svo þjónusta sem er sérsniðin að þörfum björg-
unar- og leitar aðila. Ætlunin er að kynna hana formlega í október
næstkomandi á alþjóðlegri ráð stefnu um björgunarmál í Reykjavík.
Þessi þjónusta hefur fengið nafnið SARWeather (Search And Rescue
Weather) og hefur verið þróuð í nánu samstarfi við Landsbjörg og
Almannavarnir.
„Lausnin hefur verið nýtt bæði í tengslum við jarðskjálftann á
Haítí sem og í nýleg um flóðahörmungum í Pakistan,“ segir Ólafur.
„Sam einuðu þjóðirnar hafa sýnt þessu verkefni mikinn áhuga með
mögu lega samþættingu við þeirra eigin kerfi í huga, það er Global
Disaster Alert and Coordination System – www.gdacs.org. Áætlað er
að prófanir fari fram hjá þeim á næstunni.
Sölumenn eru líka fólk
Árið 2007 var fyrirtækið endurskipulagt og Haraldur Ólafsson, annar
stofnenda, dró sig út úr rekstrinum en inn komu nýir hluthafar. Í
kjölfar þessa var áherslum í rekstri breytt, en fram til þessa hafði
verkefnaflóra RíV nær eingöngu takmark ast við rannsóknaverkefni,
styrkt af sam keppnissjóðum.
„Fókusinn á markaðs- og sölumál hefur verið brýndur en það var
ekki með öllu sársaukalaust að stíga niður af aka demíska hroka-
pallinum og játa að sölu menn væru líka fólk,“ segir Ólafur. „Það
hefur þó tekist og eru allir starfsmenn mjög meðvitaðir um að þær
breytingar sem nú eiga sér stað eru nauðsynlegar fyrirtækinu, og
þar með þeim sjálfum.“
Hrunið hefur reynst bæði lán og ólán. Ólafur segir að verkefnum
innanlands hafi snarfækkað en á móti komi að erlend verk efni hafi
gefið fleiri krónur af sér en upp haflega var áætlað.
„Ef eitthvað er, þá hefur hrunið skerpt á þeim áherslum okkar að
leita verkefna utan landsteinanna og hraðað því ferli,“ segir Ólafur.
„Lausnin hefur verið nýtt bæði í tengslum
við jarðskjálftann á Haítí sem og í nýlegum
flóðahörmungum í Pakistan.“