Frjáls verslun - 01.03.2007, Blaðsíða 29

F R J Á L S V E R S L U N • 3 . T B L . 2 0 0 7 29
FORSÍÐUGREIN • ROBERT TCHENGUIZ
vikunnar. Nú reyni ég að taka mér oftar frí. Það hefur breytt öllu
að eignast barn, kennir mér að slappa af.“
Tchenguiz segist hitta foreldra sína og systkin
einu sinni eða tvisvar í viku. Áhugamál hans
eru dýraveiðar, skíði og sjóíþróttir á snekkjunni
sinni í St. Tropez í Suður-Frakklandi en þangað
flýgur hann helst um hverja helgi. Svo spilar
hann tennis. Auðvelt er að giska á að golf sé of
hæggeng íþrótt fyrir svona orkubúnt eins og hann
greinilega er.
Lífið snýst um að græða peninga
„Lífið snýst um að græða peninga – já, og láta sér ekki leiðast. Þegar
maður hefur nóg fyrir sig og sína getur maður svo farið að gefa,“
segir Tchenguiz. „Sá sem segist vera í viðskiptum í öðrum tilgangi
en að græða er örugglega ekki að segja satt,“ fullyrðir hann. „Við-
skipti snúast um gróða, ekki síst ef maður er að sýsla með peninga
annarra. Ég fer ekki í vinnuna á morgnana til að tapa!“
Hverjar eru fyrirmyndir Tchenguiz í viðskiptum?
„Áhugaverð spurning!“ segir Tchenguiz. „Ég hef reyndar
aldrei hugsað út í hverjum ég dáist helst að í viðskiptalífinu
– en ætli það séu ekki Kirk Kerkorian fyrir úthald og elju
og Carl Icahn sem er snillingur í að greina verðmæti í fyr-
irtækjum.“
Kirk Kerkorian fæddist í Kaliforníu 1917, er af
armenskum ættum, hætti í skóla, gerðist boxari og svo
flugmaður í breska hernum í seinni heimstyrjöldinni. Hann
byrjaði á selja og kaupa flugvélar, fjárfesti síðan í bílum,
kvikmyndaiðnaðinum, til dæmis í MGM-samsteypunni,í hót-
elum og spilavítum. Hann hefur gefið um 100 milljónir til
góðra málefna, vill aldrei láta neitt heita eftir sér, veitir ekki
viðtöl og kemur helst aldrei fram opinberlega. Hann hefur
tekið ýmsar dýfur á langri ævi en á alþjóðlegum lista Forbes
2007 er hann í 31. sæti með eignir metnar á 15 milljarða
dala.
Carl Icahn fæddist í New York 1936, hætti í læknanámi
og fór út í viðskipti. Hann var áberandi í uppsveiflu 9.
áratugarins, slapp með skrekkinn þegar bólan brast og
hefur ekki sóst eftir athygli síðan. Hann hefur stundum
verið kallaður ræningi því hann hikar ekki við fjandsamlegar
yfirtökur, fjárfestir í tækni og fjölmiðlum, á til dæmis hlut í
Motorola og í Time Warner þar sem hann hefur látið mikið
til sín taka. Veðreiðahestar eru áhugamál hans. Hann er
þekktur fyrir gjafmildi og gefur undir nafni. Icahn-íþróttavöll-
urinn skammt frá New York heitir eftir honum og sama er
um Icahn-stofnunina við Mount Sinai spítalann í New York.
Hann er í 42. sæti á Forbes auðmannalistanum í ár, eignir
hans metnar á 13 milljarða dala.
„Núna erum við bestu vinir,“ segir Tchenguiz en viðurkennir að
endirinn á samstarfi bræðranna hafi gerst með látum. Líka auðvelt
að ímynda sér að Tchenguiz sé ekki maður sem hvíslar þegar honum
mislíkar eitthvað.
„Bróðir minn hefur valið sér önnur svið en ég. Hann hefur áhuga
á umhverfismálum og fjárfestir í fyrirtækjum á því sviði. Við höldum
okkur langt hvor frá öðrum í viðskiptum og keppum alls ekki.“
Saga Tchenguiz-fjölskyldunnar er hliðstæð sögu margra annarra
gyðingafjölskyldna: hún hefur flutt úr einu landi í annað. Tchenguiz
segist hafa fengið trúaruppeldi, hann fari í sýnagógu einu sinni á ári
en tengslin við Íran hafi gufað upp og hann eigi
ekki lengur fjölskyldu þar.
Nátengdari Íslandi en Íran
„Ég er nátengdari Íslandi en Íran,“ segir hann
spaugandi – og um ástandið í Írak vill hann ekkert
segja, hristir bara höfuðið. Það sem hann segist hafa
fengið í vegarnesti að heiman sé ábyrgðartilfinning
og heilbrigð skynsemi.
„Maður kemst langt í viðskiptum á heilbrigðri
skynsemi einni saman að viðbættri reynslu. Núna hef ég verið í við-
skiptum í tuttugu ár og ég væri sannarlega auðugri ef ég hefði vitað í
byrjun það sem ég veit núna!“
Nú segist hann vera að læra að njóta lífsins. „Ég hef aldrei lært að
taka lífinu með ró. Ég fór að vinna strax eftir skólann, gaf mér aldrei
tíma til hvíldar heldur hef alltaf unnið þetta 12-15 tíma sex daga
„Ég stunda viðskipti
til að græða
peninga – en það
næstmikilvægasta er
að maður hafi gaman
af þessu.“
Robert Tchenguiz segist vera nátengdari Íslandi en Íran.