Frjáls verslun - 01.03.2007, Blaðsíða 74

74 F R J Á L S V E R S L U N • 3 . T B L . 2 0 0 7
Sagan á bak við Stóra eplið
Það eru til ýmsar sögur af því hvernig nafnið
Big Apple er til komið. Við skulum skoða
söguna á bak við Stóra eplið sem hefur verið
vinsælt nafn á borginni frá byrjun áttunda
áratugarins þegar borgaryfirvöld notuðu það
í auglýsingaherferð til að laða að ferðamenn.
Eplið kemur t.d. við sögu í hinu þekkta
slagorði „I love New York“ - Ég elska New
York.
Ein algengasta sagan á bak við Big Apple
viðurnefnið er sú að blaðamaðurinn John Fitz
Gerald hafi fyrstur komið með nafngiftina.
Sagan segir að hann hafi fyrst notað þetta
nafn árið 1921 í grein sinni um kappreiðar
í New York í blaðinu New York Morning
Telegraph.
En hvernig má það vera? Jú, epli var þá
komið til sögunnar sem eins konar „gulrót
fyrir knapa“, þ.e. tákn knapa í veðreiðum
að ná settu marki og vinna; fá eplið. Stærstu
veðreiðarnar voru veðreiðarnar í New York og
þar með voru verðlaunin á því móti stærstu
verðlaunin; Stóra eplið. Þetta var nóg, John
Fitz Gerald var kominn með nafnið.
Rudy Giuliani og sagan um Stóra eplið
En það kom þó meira til. Hér er ekki nema
hálf sagan um Stóra eplið sögð. Látum Rudy
Giuliani, fyrrum borgarstjóra í New York,
botna söguna.
Þegar Rudy gaf horninu við suðvestur
54. stræti og Broadway nafnið Big Apple
Corner árið 1997 hafði hann orð á því að í
byrjun fjórða áratugarins hefðu ýmsir djass-
tónlistarmenn verið byrjaðir að kalla borgina
Stóra eplið. Ástæðan var sú að þeir töldu
New York höfuðborg djasstónlistarinnar
– sérstaklega Harlem-hverfið.
Eftir að nafnið Stóra eplið festist í sessi á
meðal tónlistarmanna fór það að breiðast út
og notkun þess varð almenn. Nafnið fékk
síðan byr undir báða vængi í áðurnefndri
auglýsingaherferð í byrjun áttunda
áratugarins þegar borgin átti á brattann að
sækja fjárhagslega og þurfti að auglýsa sig
upp sem ferðamannaborg. Eplið var kjarninn
í herferðinni.
Rudy Giuliani lauk ræðu sinni um Epla-
hornið í New York með þeim orðum að
suðvesturhornið við 54. stræti og Broadway
væri eini staðurinn í New York sem kæmi til
greina sem Big Apple Corner. Þar hefði John
J. Fitz Gerald búið á árunum 1934 til 1963.
Þetta væri til heiðurs honum.
En New York er ekki bara höfuðborg
djasstónlistar og djass-klúbba. Hún er
miðstöð viðskipta, tónlistar, tísku og
menningar í heiminum. Borgin iðar frá
feRðalaG
1. Dómshúsið neðst á Manhattan.
2. Í Wall Street, við Kauphöllina í New York.
3. Aðalstöðvar Sameinuðu þjóðanna í New
York. Skoðunarferð þangað ætti að vera
ofarlega á gátlistanum.
1
2 3