Frjáls verslun - 01.03.2007, Blaðsíða 22

22 F R J Á L S V E R S L U N • 1 . T B L . 2 0 0 7
obert Tchenguiz er einhver kunnasti og umtalaðasti
fjárfestirinn í bresku viðskiptalífi. Hann er hressilegur,
hefur mikla útgeislun og góða nærveru. Hann er ekkert
að flækja hlutina og segir að sá sem er ekki í viðskiptum
til að græða peninga ætti að snúa sér að einhverju
öðru.
Hann er með skrifstofu í Mayfairhverfinu eins og
Björgólfur Thor Björgólfsson og fleiri fjárfestar. Mayfair
er fjármálahverfi – en þó með öðrum brag en City. Í City setja
skýjakljúfar svip á umhverfið sem og menn í jakkafötum með bindið
vandlega hnýtt. Í Mayfair er þetta frjálslegra, karlarnir eru reyndar í
vel sniðnum jakkafötum, en sjaldnast með bindi. Í City ráða stórfyrir-
tæki og risabankar ríkjum, en í Mayfair eru menn að vinna fyrir sjálfa
sig í fjárfestingasjóðum af ýmsu tagi.
Eignarhaldsfyrirtæki Roberts, R20, er á 5. hæð í húsi sem einu
sinni hýsti MI5, bresku leyniþjónustuna. Skrifstofan er opin og björt,
stórir gluggar og glerveggir og í endanum er rúmgóð skrifstofa, allt
með stóru sniði og glæsibrag.
Í gluggakistunni er stórt líkan af snekkju Tchenguiz. Út um
gluggann blasa við aðrar byggingar, hann bendir á skrifstofu Vincents
bróður síns í húsinu beint á móti og handan þess segir hann að sé
skrifstofa Björgólfs Thors Björgólfssonar.
Íslendingarnir góðir í að meta áhættu
Það var verðbréfamiðlari í London sem kom Tchenguiz í samband
við Kaupþing á sínum tíma og þau kynni hafa síðan undið upp á
sig. Hann lætur vel af kynnum við íslenska athafnamenn, þeir séu
góðir í að meta áhættu, sjá út tækifæri þrátt fyrir hvað margir þeirra
séu ungir.
Það er ekki laust við að Tchenguiz hafi sjálfur íslensk einkenni;
hann er ekki gefinn fyrir málalengingar þó gránandi hármakkinn og
skarpir andlitsdrættir bendi til fjarlægari uppruna.
Tchenguiz er Gyðingur, fjölskyldan er ættuð frá Írak en settist
að í Íran og þar ólst hann upp þangað til hann fór í framhaldsnám
í Bandaríkjunum og fluttist svo til London þar sem fjölskyldan bjó
og býr enn.
Faðir hans er kominn á eftirlaun. Hann var einnig umsvifamikill í
viðskiptum og hjálpaði sonunum tveimur, Vincent og Robert, til að
hefja viðskipti. Systir hans er gift góðum vini Tchenguiz og samstarfs-
manni. Samstarfi bræðranna lauk fyrir nokkrum árum.
„Því lauk með ósköpum, hvellur þegar það gerðist,“ segir Robert
hlæjandi. „En nú erum við aftur góðir vinir. Við störfum í ólíkum
geirum, erum ekkert að þvælast hvor fyrir öðrum í okkar fjárfest-
ingum,“ bætir hann við.
Kynnin af Íslendingum
„Það vildi svo til,“ segir Tchenguiz, þegar hann er spurður nánar út í
kynnin af Íslendingum, „að ég átti fund með Ármanni Þorvaldssyni,
FORSÍÐUGREIN • ROBERT TCHENGUIZ
EINKAVIÐTAL VIÐ ROBERT TCHENGUIZ:
„Sá sem er ekki í viðskiptum til að græða peninga
ætti að snúa sér að einhverju öðru!“
R