Frjáls verslun - 01.07.2008, Blaðsíða 77
F R J Á L S V E R S L U N • 7 . T B L . 2 0 0 8 77
X X X X X
fyrstu árin hafi Ísland verið tilraunamarkaður og gengið vel
en nú þegar efnahagsástand hafi breyst hér á landi sjái hann
sér leik á borði með því að halda inn á norska markaðinn
þar sem engin kreppa sé miðað við það sem gerist á Íslandi
um þessar mundir.
Viðburðadeild fyrirtækisins hefur séð um tónleikahald í
Kaupmannahöfn og staðið þar m.a. fyrir tónleikum Stuð-
manna og Sálarinnar og nú síðast Stórtónleikum Björgvins
Halldórssonar.
„Það er ákveðið forskot að vera í Kaupmannahöfn þar
sem borgin er miðdepill ráðstefnuhalds. Vissulega hefur
verðlag hækkað í borginni og 25% virðisaukaskattur er
á öllum vörum, sem og hótelum, en sumir hafa komið
til móts við okkur og lækkað verðin umtalsvert á vissum
tímabilum. Þrátt fyrir samdrátt hefur það þó ekki svo ýkja
mikil áhrif á afkomu fyrirtækisins þar sem ég hef reynt að
halda öllum kostnaði í lágmarki og valdi til að mynda að
taka ekki fjárfesta inn í fyrirtækið og reka það upp á eigin
spýtur, sem hefur skilað sér,“ segir Sigurður.
Þungt hljóð yfir hafið
„Eftir á að hyggja get ég svo sem ekki sagt að ég hafi þegið
einhver slæm ráð frá bönkunum heldur var ég, má segja,
svo vitlaus að hafa sett öll eggin í eina körfu. Ég fylgist
með því sem er að gerast í íslensku efnahagslífi í fréttum
og er feginn að vera ekki þátttakandi í því eins og áður.
Mér finnst andrúmsloftið hér mjög þungt og það berst yfir
hafið sem hefur meðal annars bitnað á okkar starfsemi þótt
við höfum reynt að gera okkur ekki jafnháð íslenska mark-
aðnum og áður.
Ég hef upplifað nokkrar kreppur
en mér sýnist sú allra þyngsta í aðsigi
núna og þá er mikilvægt að fólk haldi
ró sinni og sýni samstöðu því kreppan
snertir alla. Eitt það hollasta sem ég
hef lært í Danmörku er að þar notar
fólk almennt ekki kreditkort til dag-
legrar neyslu og ekki er jafnmikið
um neyslulán og á Íslandi. Til að
mynda var ekki farið að bjóða bílalán
í Danmörku fyrr en fyrir nokkrum
árum síðan, en það hófst fyrir 15
árum á Íslandi. Ég held að þjóðfélagið hér myndi standa
miklu betur ef Íslendingar væru svipað þenkjandi,“ segir
Sigurður.
Íslendingar mun vinnusamari
Aðspurður um mun á viðskiptaháttum þjóðanna tveggja
segir Sigurður að sér þyki helst muna um að í Danmörku
séu viðskiptasamningar í heiðri hafðir en þegar hann hafi
Eftir á að hyggja get ég
svo sem ekki sagt að ég
hafi þegið einhver slæm
ráð frá bönkunum heldur
var ég, má segja, svo
vitlaus að hafa sett öll
eggin í eina körfu.
Sigurður Kolbeinsson var einn af framkvæmdastjórum Stöðvar 2 á árdögum þess fyrirtækis. Hann unir hag sínum vel í Kaupmannahöfn.