Frjáls verslun - 01.01.2005, Blaðsíða 71

F R J Á L S V E R S L U N • 1 . T B L . 2 0 0 5 71
o.s.frv. Þetta þýðir að stundum fáum við fyrir-
fram vitneskju um ýmis pólitísk útspil. Það
gefur augaleið að í þessu sambandi skiptir
miklu máli að við höldum trúnað við alla. Það
má því segja að þetta geti stundum verið heil-
mikill línudans.“
Aðstoðarmenn fyrir stjórnarandstöðuna
Til tals hefur komið að þingmenn fái að ráða
sér aðstoðarmenn eins og víða tíðkast erlendis
og væru launaðir af Alþingi. Helgi bendir á að
það sé mjög erilsamt starf að vera þingmaður
því að til viðbótar við vinnu í þinginu leggi þingmenn sig fram um
að sinna kjördæmum sínum og kjósendum. Við gerðum einu sinni
könnun á vinnutíma þingmanna og það var ótrúlegt að sjá hvað
starf þeirra getur verið tímafrekt, ekki síst um helgar þegar aðrir
landsmenn slaka á. „Ég hef ekki skoðun á því hvort feta eigi þessa
braut með aðstoðarmenn eins og annars staðar en get þó ekki leynt
því að mikilvægast er að leiðtogar stjórnarandstöðunnar, formenn
stjórnarandstöðuflokkanna, fái meiri stuðning en þeir hafa nú í
öllum sínum önnum. Það myndi jafna betur stöðu þeirra og ráðherr-
anna sem hafa ráðuneytin sér til fulltingis. Að mínu mati er þörfin
brýnust þar.“
Þegar Alþingi var gert að einni málstofu árið 1991 var tekin
upp sú nýbreytni að forseti fékk aðstoðarmann við fundarstjórn í
þingsal. Aðstoðarmaðurinn situr við hlið forseta í þingsalnum eins
og allir vita sem hafa fylgst með sjónvarpsútsendingum frá þing-
fundum. Nokkrir starfsmenn þingsins skipta með sér þessum starfa
og segist Helgi stundum vera spurður að því hvað hann hafi fyrir
stafni á þingfundum. „Sannleikurinn er sá að þó maður fari stundum
með einhverja pappíra inn í þingsalinn til að líta í, þá er erillinn slíkur
að yfirleitt gefst lítið tóm til að sökkva sér ofan í þá. Það getur nefni-
lega verið býsna snúið verkefni að láta þinghaldið ganga snurðulaust
fyrir sig og við þurfum oft að hafa okkur öll við til að það gerist.
Við færum oftast mælendaskrá og þurfum að
svara alls konar spurningum þingmanna um
ýmis praktísk atriði, hvenær mál þeirra komist
á dagskrá eða til umræðu, hvað umræður
verði langar o.s.frv. Svo er mikilvægt að hlusta
á ræðumenn, það getur verið gagnlegt til að
undirbúa síðar atkvæðagreiðslur um mál, og
ekki má gleyma því að þingmenn þurfa að
gæta þingskapa í máli sínu, sýna öðrum þing-
mönnum tilhlýðilega virðingu. Við starfsmenn,
sem sitjum inni í þingsal, eigum líka að heita
sérfræðingar í þingsköpum og starfsháttum
þingsins. Þær reglur sem byggt er á eru ekki allar skráðar í þing-
sköpum heldur skipta þingvenjur og hefðir líka máli. Þetta þekkjum
við allvel. Og allt getur þetta verið flókið og sjálfsagt mjög framandi
fyrir nýja þingmenn, að ég ekki tali um allan almenning sem fylgist
með störfum Alþingis.“
Framkvæmdum í Alþingishúsinu lokið á árinu Fjárheimild Alþingis
á fjárlögum 2005 nemur alls 1.809 milljónum króna og er það nokkru
hærri heimild en á síðasta ári. Ástæðuna segir Helgi vera þá að á
þessu ári sé stefnt að því að ljúka framkvæmdum að mestu innan
dyra í Alþingishúsinu, auk þess sem bæði þing Norðurlandaráðs og
fundur stjórnarnefndar NATO verða haldin hérlendis á árinu.
Á síðustu árum hafa verið miklar framkvæmdir á vegum Alþingis.
Haustið 2000 var tekin í gagnið ný bygging við Austurvöll þar sem
nefndir þingsins hafa aðstöðu og árið 2002 var lokið við bygg-
ingu Alþingisskálans sem hýsir mötuneyti og ýmsa sameiginlega
aðstöðu, svo sem gæslu við inngang, póst og fleira fyrir þingmenn.
Í sumar var lokið við stóran áfanga í miklum og tímabærum endur-
bótum í þinghúsinu sjálfu en að sögn Helga er enn eftir að ganga frá
ýmsu þar innandyra, auk utanhússviðhalds sem talsvert er enn eftir
af. „Þetta eru viðfangsefnin framundan í verklegum framkvæmdum
— fyrir utan öll hin,“ segir Helgi.
A L Þ I N G I E R S T Ó R T F Y R I R T Æ K I
„Við endurreisn þingsins
árið 1845 voru ráðnir
sérstakir „skrifarar“ fyrir
forseta og árið 1875, þegar
þingið fékk löggjafarvald
að nýju, var titlinum breytt í
„skrifstofustjóra“.