Frjáls verslun - 01.01.2005, Blaðsíða 80

80 F R J Á L S V E R S L U N • 1 . T B L . 2 0 0 5
fyrir sjálfstæði fréttastofunnar. Ég held að
sú barátta hafi skilað árangri.“

„Það skal tekið fram að umrætt fyrirtæki á
hlut í sjónvarpsstöðinni“ „Eignarhald á fyrir-
tækinu, sama hvernig það svo er á hverjum
tíma, kallar alltaf á það að fréttamenn eru
á varðbergi gagnvart eigendum sínum.
Það þekkist til dæmis hjá sjónvarpsfrétta-
stofum í Bandaríkjunum að fréttamenn geta
þess sérstaklega ef fjallað er um fyrirtæki
sem tengjast eignarhaldi viðkomandi sjón-
varpsstöðvar. Fréttamenn enda fréttina þá
gjarnan á því að segja: „það skal tekið fram
að umrætt fyrirtæki er í eigu sömu aðila
og eiga x% hlut í þessari sjónvarpsstöð...“
Þannig leggja fréttamenn það í dóm áhorf-
enda hvort umfjöllunin um fyrirtækið sé
hlutdræg vegna eignatengsla eða ekki. Við
höfum stundum velt þessu fyrir okkur hvort
ástæða væri til að taka þetta upp á Stöð 2,
en höfum komist að því að það er óvinnandi
vegur.
Gefum okkur til dæmis að Baugur eigi
hlut í hundruðum fyrirtækja á Íslandi. Og
það sem Baugur átti í gær er ekki víst að
hann eigi í dag eða morgun. Það er ekki
hægt fyrir fréttamenn að láta eignarhald af
þessu tagi trufla sig í sambandi við frétta-
flutning, það gengur bara ekki upp. Ef
fréttamenn ættu að ganga með þann kistil
á herðum sér frá degi til dags, að spyrja sig
hver á hvaða fyrirtæki og spá í hvort það
tengdist sjónvarpsstöðinni beint eða óbeint,
gerðu þeir ekkert annað. Einfaldast er fyrir
okkur að halda okkar striki, fjalla um fólk
og fyrirtæki á faglegan hátt án þess að spá í
eignartengsl.“
Er fréttastofan þungur baggi á rekstri
Stöðvar 2?
„Nei alls ekki. Þetta fyrirkomulag, að
vera með opinn fréttatíma á annars læstri
áskriftarsjónvarpsstöð er þekkt mjög víða
og flestar áskriftarstöðvar í Evrópu hafa
þennan háttinn á. Það er hafður opinn gluggi
til að hámarka áhorfendafjöldann - til að ná
fleiri augum og eyrum. Þetta er gert annars
vegar vegna auglýsingatekna og hins vegar
til kynningar á eigin efni. Auk þess er góð
og vönduð fréttastofa snar hluti af almennri
ímynd og ásjónu fyrirtækisins.“
„Fréttastofan nýtur mikils trausts almenn-
ings“ „Ég tel að Stöð 2 njóti mikils góð-
vilja hjá almenningi. Auðvitað lendum við
stundum í pólitískum sviptivindum þar sem
stjórnmálamenn keppast um að hallmæla
okkur eða reyna að sverta trúverðugleika
fréttastofunnar. Allar kannanir benda ein-
dregið til þess að fréttastofan njóti mikils
trausts, enda eru yfir hundrað þúsund manns
að horfa á fréttir stöðvarinnar á hverju
kvöldi. Óánægja gagnvart fréttastofunni er
fyrst og fremst í nösunum á misvitrum
stjórnmálamönnum, þegar það hentar þeim
í pólitískum þrætubókarleik dagsins.“
Mælikvarði á velvild í okkar garð kemur
frá áhorfendum, ekki stjórnmálamönnum.
Það er miklu betra fyrir fréttastofu ef stjórn-
málamenn hallmæla henni en hæla. Ég færi
fyrst að hafa áhyggjur ef ráðamenn í samfé-
laginu færu að hlaða á okkur lofi. Við erum
fyrst og fremst fréttastofa fólksins í landinu
og það ætlum við að vera áfram.“
Breytingar eru oft óþægilegar en að sama
skapi nauðsynlegar Páll segir að breyting-
arnar á fyrirtækinu frá stofnun þess hafa
verið gríðarlegar. „Það er auðvitað orðið
miklu miklu stærra en það var. Þegar fyrir-
tækið er að nálgast það að verða 20 ára eins
og Stöð 2, leiðir það af sjálfu sér að andrú-
mið inni í því er talsvert öðruvísi en þegar
það hóf göngu sína. Þetta er dýnamískt og
skapandi fyrirtæki og verður að vera í stöð-
ugri endurnýjun á sjálfu sér. Það á að vera í
takt við tímann og svara kröfum áhorfenda
og viðskiptavina sinna á hverjum tíma.
Hvernig sérð þú framtíð Stöðvar 2?
„Ég hef oft sagt að líf Stöðvar 2 sé eilíft
kraftaverk. Í öllu þessu tali um vandræða-
gang fyrirtækisins og að það hafi verið oft
í lífshættu er það staðreynd að Stöð tvö
hefur verið rekin með hagnaði lengst af.
Vandræði Stöðvar 2 og Íslenska útvarpsfé-
lagsins hafa falist í mikilli skuldsetningu,
sem hefur skapast af alls konar kringum-
stæðum öðrum en þeim sem tengjast rekstri
þess. Fyrirtækið hefur að minnsta kosti
tvisvar ef ekki þrisvar verið látið kaupa sjálft
sig, þ.e. með skuldsettri yfirtöku, og borgað
skuldirnar sjálft. Ef maður les hagfræðib-
ækur þá er talið vafasamt fyrir fyrirtæki að
gera það einu sinni, hvað þá þrisvar. Ógæfa
Stöðvar 2 hefur aldrei falist í rekstri hennar
heldur í misgæfulegum eigendum hennar og
hvernig þeir hafa farið með hana. En von-
andi er nú komin betri tíð með blóm í haga í
þeim efnum. Ég efast um að það séu til mörg
fyrirtæki á Íslandi sem eru jafnglæsileg í rek-
strarlegu tilliti og Stöð 2 hefur verið lengst
af. Framtíðin er björt og Stöð 2 á eftir að lifa
góðu lífi,“ segir Páll Magnússon.
F J Ö L M I Ð L A R
Fréttastjóraskiptin
á Stöð 2
F
rá stofnun Stöðvar 2 árið 1986
hafa sex fréttastjórar verið starf-
andi á tæplega 19 ára starfstíma
stöðvarinnar. Páll Magnússon hefur
verið langlífastur í starfi, eða samtals
9 ár í þremur áföngum. Í lok ársins
2004 var Páll gerður að sjónvarps-
stjóra Stöðvar 2, jafnframt því sem
hann hefur gegnt starfi fréttastjóra
Stöðvar 2 og Bylgjunnar, eftir að Sig-
ríði Árnadóttur var sagt upp störfum
í byrjun árs 2005. Páll segist ekki sjá
sig sem fréttastjóra til allrar framtíðar,
en hvort það verður í eitt ár, tvö eða
þrjú ár veit hann ekki. „Ég er ekki
að bíða eftir einhverjum sérstökum
til að taka við fréttastjórastarfinu á
Stöð 2. Ég hef heyrt alveg ótrúlegustu
kjaftasögur um verðandi fréttastjóra.
Þær sögusagnir eru allar úr lausu lofti
gripnar. Það hefur engin ákvörðun
verið tekin um nýjan fréttastjóra,“
segir Páll.
1. 1986: Páll Magnússon
2. 1990: Sigurveig Jónsdóttir
3. 1992: Ingvi Hrafn Jónsson
4. 1994: Elín Hirst
5. 1996: Páll Magnússon
6. 2000: Karl Garðarsson
7. 2004: Sigríður Árnadóttir
8. 2005: Páll Magnússon