Litli Bergþór - 01.06.2012, Blaðsíða 6

6 Litli-Bergþór
Samsæti til heiðurs
Gunnlaugi Skúlasyni dýralækni
Það var föstudagskvöldið 13. janúar 2012, sem
bændur og búalið í uppsveitum Árnessýslu þyrptist á
Hótel Geysi til að heiðra dýralækni sinn í nær hálfa
öld, Gunnlaug Skúlason, og konu hans Renötu Vil-
hjálmsdóttur. Menn létu manndrápshálku ekki aftra
sér frá því að mæta og sýna með því þakklæti sitt
og vinahug fyrir einstaklega óeigingjarna og farsæla
þjónustu og var vel mætt.
Gunnlaugur og Renata fluttu heim í Tungurnar frá
Þýskalandi, þar sem Gunnlaugur lærði til dýralæknis,
í apríl 1963 og var Gunnlaugur skipaður héraðsdýra-
læknir í uppsveitum Árnessýslu árið eftir. Hér starf-
aði hann svo allan sinn starfsaldur, til ársins 2011,
eða í 47 ár samfleytt.
Þegar aldur færðist yfir gerði Gunnlaugur nokkrar
heiðarlegar tilraunir til að hætta störfum, eða allavega
minnka við sig. En bændur tóku ekki mark á því og
héldu áfram að hringja og biðja um aðstoð, þar til
Gunnlaugur setti fréttatilkynningu um starfslok sín í
blöðin á haustmánuðum 2011, þá 78 ára gamall.
Það voru þær Rosemary Þorleifsdóttir í Vestra
Geldingaholti, auk Valgerðar á Húsatóftum, Láru
á Bjarnastöðum, Jóhönnu á Hrafnkelsstöðum og
Ásborgar, ferðamálafulltrúa sem tóku sig saman og
fengu búnaðarfélögin og fleiri félagasamtök í upp-
sveitunum með sér til að bjóða til þessarar veislu.
Kaffihlaðborðið svignaði undan glæsilegum kökum
og meðlæti, listilega framreiddu af starfsfólki Hótel
Geysis eins og við var að búast.
Það var Bjarni Harðarson, tengdasonur Gunnlaugs
og Renötu, sem sá um veislustjórn, vanur maður sem
fórst það vel úr hendi. Margir kvöddu sér hljóðs til
að þakka Gunnlaugi og er ekki möguleiki að gera því
öllu skil hér. En til gamans er hér stiklað á stóru.
Fyrstur talaði Björn bóndi í Úthlíð og talaði blaða-
laust um þróun búskapar og ræktunarstörf hér í
uppsveitum á síðustu öld og aðkomu dýralæknisins
að því.
Sigurður Sigurðarson dýralæknir sagði frá kynnum
sínum af Gunnlaugi og reynslu af því að leysa hann
af eitt sinn, síðla vetrar. Er erindi hans birt í heild hér
í Litla-Bergþóri.
Fulltrúar hinna ýmsu félagasamtaka bænda og sveit-
arstjórna hylltu einnig Gunnlaug og færðu honum og
konu hans gjafir.
Jón Karlsson í Gýgjarhólskoti kvaddi sér hljóðs,
lofaði stuttri ræðu og stóð við það. Ræðan hljóðaði
svona:
„Gulli bætti gripafans
gunnreifur í stríði.
Renata er heillin hans
hún er kvennaprýði.“
Renata Vilhjálmsdóttir og Gunnlaugur Skúlason. Mynd: Jón Kr. Sigfússon