Ægir - 01.02.2006, Blaðsíða 41

41
F I S K V I N N S L A N
Áfram í þorskeldinu
Undanfarin sjö ár hafa staðið yfir þorsk-
eldistilraunir á vegum Þórsbergs á
Tálknafirði og Oddi hefur einnig verið
með þorskeldistilraunir í Patreksfirði síð-
ustu fjögur ár. Nú hefur verið stofnað
sameiginlegt fyrirtæki um þorskeldið á
báðum þessum stöðum - Þóroddur ehf. -
og hefur það félag tekið við öllum eign-
um og rekstri félaganna á þessu sviði.
Sigurður Viggósson segir að auðvitað
hafi skipst á skin og skúrir í þorskeldinu,
en smám saman hafi menn aflað sér
mikillar og dýrmætrar þekkingar sem
nýtist vel í framhaldinu. Hann bendir
m.a. á að menn hafi smátt og smátt verið
að ná tökum á fóðrun þorsksins sem og
þeim þætti er lýtur að því að veiða fisk-
inn í áframeldi, en þetta eru tveir af fjár-
frekustu þáttum þorskeldisins. Sigurður
segir mikilsvert að þau félög sem stundi
þorskeldi hér á landi hafi haft með sér
mjög gott samstarf og miðlað þannig
þeirri þekkingu sem hafi aflast á hverj-
um stað. Einnig hafi stjórnvöld stutt við
þetta þróunarstarf með myndarlegum
hætti, m.a. í gegnum AVS-sjóðinn. Sig-
urður hefur trú á því að Íslendingar
muni í framtíðinni stunda þorskeldi sem
atvinnugrein, en engu að síður sé ljóst
að nokkur ár líði áður en þorskeldið
verði komið út úr því sem það sé í dag -
þ.e. tilraunaverkefni.
Í kjölfar þess að Þóroddur ehf. var
stofnaður og allt þorskeldi Odda og
Þórsbergs á Tálknafirði fært inn í það fé-
lag, segir Sigurður að ætlunin sé að flytja
allt eldi til Tálknafjarðar og hafa það á
einum stað. Í því sé mikil hagræðing
fólgin.
Má reikna með að krónan verði áfram
sterk
Sigurður spáir ekki umtalsverðum breyt-
ingum í ytra umhverfi sjávarútvegsins á
næstunni - t.d. varðandi sterka stöðu
krónunnar. Miðað við áform stjórnvalda
um áframhaldandi uppbyggingu í stór-
iðju sé vart að búast við miklum breyt-
ingum á næstunni, þó ætla megi að
krónan kunni að gefa eitthvað eftir.
Hann segir erfitt að segja til um hvert
óskagengi dollarsins sé fyrir sjávarútveg-
inn, en veiking krónunnar um 10-15%
myndi breyta miklu. „Ég held að menn
verði að vera undir það búnir að krónan
verði áfram sterk og rekstur sjávarút-
vegsfyrirtækja verður að taka mið af
því,“ segir Sigurður Viggósson.
Úr vinnslusal Odda hf. á Patreksfirði. Nýja snyrtilínan frá Marel hefur skilað mjög góðum árangri.
aegirfeb06-56sidurlagad.qxd 3/2/06 10:48 AM Page 41