Ægir - 01.01.2010, Blaðsíða 9

9
V E I Ð A R
Sjávarútvegs- og landbúnaðar-
ráðuneytið hefur gefið út
reglugerðir um byggðakvóta á
yfirstandandi fiskveiðiári. Í
aðalatriðum er kerfið óbreytt
frá því sem var síðustu fisk-
veiðiár en til ráðstöfunar
verða tæplega 3900 þorskí-
gildistonn sem sveitarstjórnir
fá til úthlutunar.
Við tilkynningu um þessa
ákvörðun minnti ráðuneytið á
að eitt af markmiðum laga
um stjórn fiskveiða sé að
treysta atvinnu og byggð í
landinu og að ákvæði um
byggðakvóta hafi á sínum
tíma verið sett í lögin með
hliðsjón af því markmiði.
Ráðuneytið hefur boðað að
Jón Bjarnason, sjávarútvegs-
ráðherra, muni leggja fram í
ríkisstjórn frumvarp til breyt-
inga á lögum um úthlutun
byggðakvóta sem koma í veg
fyrir að fiskiskip sem fram-
selja eða flytja frá sér meiri
aflaheimildir í þorskígildum
en þau fá framseldar eða
fluttar til sín komi ekki til
greina við úthlutun á næsta
fiskveiðiári. „Með þessu er
talið að almarkmiði fiskveiði-
stjórnunarlaganna um að
tryggja trausta atvinnu og
byggð í landinu verði betur
náð,“ segir í tilkynningu ráðu-
neytisins.
Einnig er ætlunin að lög-
festa heimild aðila til að flytja
byggðakvóta milli fiskveiðiára
með sama hætti og öðrum er
unnt. Þetta er gert til að koma
til móts við álit umboðsmanns
Alþingis frá í desember síð-
astliðnum um þetta efni. Loks
er ætlun ráðherra að úthlutun
byggðakvóta liggi fyrir við
upphaf næsta fiskveiðiárs,
eða nærfellt hálfu ári fyrr en
nú.
Sjávarútvegs- og landbúnaðarráðuneytið:
Byggðakvótakerfið
í aðalatriðum óbreytt
Þeir sem fá byggðakvóta úthlutað en framselja eða flytja meira frá sér en til sín
fyrirgera rétti sínum til úthlutunar byggðakvóta á næsta fiskveiðiári. Þetta er
helsta breytingin sem gerð verður á byggðakvótakerfinu á næstunni.