Ægir - 01.01.2010, Blaðsíða 15
15
K V Ó T A V I Ð S K I P T I
Lítil viðskipti hafa undanfarið
verið með kvóta og að mati
kunnugra er líklegt að sú
staða haldist enn um sinn
„Markaðurinn er mjög grunnur
og óljós þessa dagana,“ segir
Jóhann Ólafsson, fram-
kvæmdastjóri Viðskiptahúss-
ins í samtali við Ægi.
Vextir að hækka
„Það er margt sem veldur
þessu. Skuldir útgerða hafa
hækkað á sama tíma og
kvótaverð hefur lækkað. Þetta
leiðir til þess að fjölmargar
útgerðir eiga erfitt með að
selja frá sér aflaheimildir.
Helst gerast viðskipti í dag
þannig að menn yfirtaka
skuldir þeirra sem eru að
selja frá sér og bæta við það
sem upp á vantar með eigin
fé. Vaxtakostnaður er að
hækka og erfitt er að fá nýtt
lánsfjármagn til kvótakaupa
og þá sérstaklega í erlendri
mynt.“
Eftirspurn eftir kvóta var
heldur að aukast „...en nú
finnst mér að umræða um
fyrningu aflaheimilda svo og
aukinn fjármagnskostnaður
hafi skapað óvissu á ný og
veldur því að menn í sjávar-
útveginum halda frekar að sér
höndum,” segir Jóhann.
Frosinn markaður
Líklegt verð í dag fyrir varan-
legan þorskkvóta er 1.500 til
1.800 kr./kg. Það er mikil
breyting frá því sem var, því
þegar best lét í efnahagslífi
þjóðarinnar var þegar kíló-
verðið í þorskkvóta komst yf-
ir kr. 3.000. Verð á ýsukvóta
er líklega 700 til 800 kr. kílóið
og verð á ufsakvóta tæplega
helmingi lægra.
„Leigukvóti eða aflamark
er mjög takmarkað og lítið
framboð á leigumarkaði með
kvóta. Sá markaður er í raun
frosinn og vandséð að hann
taki við sér á þessu kvótaári
nema um frekari aukningu
verði að ræða,“ segir Jóhann.
Spurn eftir kvóta var heldur að aukast, segir Jóhann, en margt bendir til að umræðan um fyrningu hafi skapað þá óvissu sem veldur þeirri stöðnun sem nú er.
Markaður grunnur
og lítil viðskipti
- segir Jóhann Ólafsson, framkvæmdastjóri Viðskiptahússins
Jóhann Ólafsson, framkvæmdastjóri
Viðskiptahússins.
Leigumarkaður fyrir kvóta virðist í raun frosinn sem stendur.