Dagblaðið Vísir - DV - 18.01.2010, Síða 10

10 MÁNUDAGUR 18. janúar 2010
FRAMSÓKNARFLOKKURINN
Skólabúningar
Framsóknarflokkurinn talaði fyrir þeim mögu-
leika að teknir yrði upp skólabúningar í grunn-
skólum Reykjavíkur. Málið rataði alla leið í
málefnasamning Sjálfstæðisflokks og Fram-
sóknarflokks eftir kosningarnar 2006. Ekkert
bólar þó enn á skólabúningunum.
Skíðahús er lausnin
Í febrúar 2006 talaði Björn Ingi Hrafnsson, þá
nýkjörinn oddviti Framsóknarflokksins, fyrir
byggingu skíðahúss í Reykjavík í samstarfi við
einkaaðila. Björn Ingi bloggaði um málið undir
fyrirsögninni: „Hláka í Bláfjöllum? Skíðahús er
lausnin.“
Málið hefur ekki komist til framkvæmda.
Vatnaparadís í Úlfarsárdal
Framsóknarmenn í borginni undir forystu
Björns Inga töluðu fyrir kosningarnar fyrir því
að reisa glæsilegan vatnsrennibrautagarð eða
„vatnaparadís“ í Úlfarsárdal. Málið fór í jan-
úar 2007 fyrir stjórn ÍTR sem samþykkti sam-
hljóða tillögu sem fól í sér að hefja undirbúning
vatnaparadísarinnar. Enn hafa framkvæmdir
við hana ekki hafist.
Tvöföld Sundabrautargöng
Skipulagsmálin voru frambjóðendum ofarlega
í huga árið 2006. Framsóknarmenn vildu tvö-
falda Sundabraut og setja hana í göng. Sjálf-
stæðismenn tóku undir þessa tillögu og í lok
ársins 2006 var vinna hafin við þessar tillög-
ur. Kostnaðurinn þá var áætlaður 16 milljarð-
ar króna. Framkvæmdir við Sundabraut hófust
ekki á þessu kjörtímabili.
Efling löggæslu í miðborginni
Framsóknarmenn töluðu fyrir því að efla lög-
gæslu í miðborginni og liður í því væri að fjölga
lögreglumönnum á vakt hverju sinni. Þróunin í
raunveruleikanum síðustu ár hefur verið þver-
öfug. Ríkisútvarpið sagði frá því í júlí síðasta
sumar að einn dag hefðu til að mynda aðeins
10 lögreglumenn verið á vakt á öllu höfuðborg-
arsvæðinu.
Flugvöllur á Lönguskerjum
Framtíðarstaðsetning flugvallarins í Vatns-
mýri var eitt helsta deilumálið í síðustu borg-
arstjórnarkosningum. Framsóknarmenn vildu
færa flugvöllinn út á Löngusker. Samráðsnefnd
um úttekt á Reykjavíkurflugvelli vann skýrslu
um málið og komst að þeirri niðurstöðu að
kostnaður við Flugvöll á Lönguskerjum gæti
numið 22 milljörðum króna, helmingi meira
en við flugvöll á Hólmsheiði ofan Reykjavíkur.
Gjaldfrjáls leikskóli
Framsóknarmenn í Reykjavík höfðu á stefnu-
skrá sinni fyrir síðustu kosningar að koma á
gjaldfrjálsum leikskóla fyrir öll börn frá 18
mánaða aldri þar sem tekið er tillit til þess að
leikskóilnn er fyrsta skólastigið.
Leikskólar eru ekki orðnir gjaldfrjálsir, en leik-
skólagjöld voru lækkuð 1. september 2006 um
25 prósent.
SJÁLFSTÆÐISFLOKKURINN
Miklabraut í stokk
Sjálfstæðismenn lögðu til að hluti Miklubraut-
ar yrði lagður í stokk. Skömmu fyrir hrun var
áætlað að kostnaðurinn við þessa framkvæmd
væri um það bil 8 milljarðar króna. Ekki hefur
enn verið ráðist í þessar framkvæmdir.
Almenn gjaldskrárlækkun í öllum
borgarreknum leikskólum, 25%, 1.
september 2006.
Við þetta kosningaloforð stóðu sjálfstæðis-
menn í borgarstjórn. Það verður hins vegar að
fylgja sögunni að þau hækkuðu aftur um 2,5
prósent haustið 2007. Þau voru svo hækkuð
aftur á seinasta ári um allt að 15 þúsund krón-
ur á mánuði.
Stofnun vísinda- og ævintýrasafns
Sjálfstæðismenn lögðu til að Reykjavíkurborg
hefði forgöngu um stofnun vísinda- og ævin-
týrasafns í Reykjavík. Það safn hefur enn ekki
litið dagsins ljós.
10 þúsunda íbúabyggð á Geldinganesi
Í stefnu Sjálfstæðisflokksins fyrir borgarstjórn-
arkosningarnar var lagt til að fyrstu íbúðalóð-
um á Geldinganesi yrði úthlutað árið 2007.
Ekkert varð af þeim áformum í bili að minnsta
kosti, enda framboð af íbúðarhúsnæði nóg á
höfuðborgarsvæðinu.
8-10 þúsund íbúa byggð í Vatnsmýri
Finna átti flugvellinum annan stað á höfuð-
borgarsvæðinu og fyrstu lóðum skyldi úthlutað
utan helgunarsvæðis flugvallar í byrjun árins
2008. Gert er ráð fyrir 8-10 þúsund íbúa byggð
í Vatnsmýrinni. Flugvöllurinn er enn á sama
stað og framtíðarstaðsetning hans óráðin. Fyr-
ir utan byggingu Háskólans í Reykjavík hefur
uppbygging í Vatnsmýri ekki hafist enn.
15 þúsund manna byggð í Örfirisey
Meirihluti Sjálfstæðisflokks og Framsókn-
arflokks stefnir að því að byggja 15 þúsund
manna byggð í Örfirisey. Árið 2007 stefndi
meirihlutinn að því að fyrstu íbúðirnar á svæð-
inu yrðu tilbúnar árið 2017.
Sundabraut
Í stefnu Sjálfstæðisflokksins frá árinu 2006,
undir yfirskriftinni Tími til að skipuleggja, gera
sjálfstæðismenn ráð fyrir lagningu Sundabraut
alla leið upp á Kjalarnes í einum áfanga. Ýms-
ar hugmyndir hafa verið uppi um útfærslu
Sundabrautar, en fyrst ekki var ráðist í gerð
hennar á góðæristímum er vandséð að fram-
kvæmdir hefjist við hana á næstu árum.
Öskjuhlíðargöng
Í janúar 2007 samþykkti borgarráð Reykjavík-
ur að flýta fyrirhuguðum framkvæmdum við
Öskjuhlíðargöng sem samgöngubót í Reykja-
vík. Flestir flokkar í Reykjavík eru sammála um
Öskjuhlíðargöng.

STÓRU LOFORÐIN
VORU EKKI EFND
Framsóknarflokkurinn og Sjálfstæðisflokkurinn hafa lengst af á þessu kjörtímabili verið í meirihluta. Báð-
ir flokkar fóru mikinn í kosningaloforðum fyrir síðustu kosningar, en fjölmörg stór kosningaloforð standa
eftir óefnd. Sum þeirra dóu strax, en efnahagshrunið kom í veg fyrir að önnur yrðu framkvæmd.