Dagblaðið Vísir - DV - 02.12.2011, Blaðsíða 78
78 | Fólk 2.–4. desember 2011 Helgarblað
Nýtt lag með
Einari Ágústi
Skítamóralsmeðlimurinn
Einar Ágúst Víðisson hefur
gripið aftur í míkrófóninn
með laginu The Lights In
Your Eyes. Lagið er samið
af Andra Ramirez, ungum
og efnilegum framleiðanda
sem er að klára BA í hljóð-
tæknifræði í Manchester, og
var tekið upp í samvinnu við
framleiðanda sem starfar
meðal annars með George
Sampson, sigurvegara raun-
veruleikaþáttarins Britain’s
got Talent árið 2008. Einar
Ágúst gaf út sólóplötu árið
2007 og allir muna eftir
honum á sviðinu fyrir Ís-
lands hönd í Eurovision-
keppninni árið 2000. Einar
Ágúst gaf ekki kost á viðtali
við gerð fréttarinnar.
Þ
að er mikið kraftaverk
að ekki fór verr,“ segir
Bergljót Arnalds rithöf-
undur sem datt af hest-
baki um síðustu helgi
þegar hún sat fyrir í myndatöku
vegna kynningar á bókinni Ís-
lensku húsdýrin og Trölli. Tveir
hryggjarliðir féllu saman við
fallið og læknar segja að mikil
mildi sé að ekki fór verr. Berg-
ljót lá á hestinum en kastaðist af
baki þegar hann jós, flaug heilan
hring og lenti mjög illa á bakinu
svo litlu munaði að hún háls-
brotnaði eða hlyti mænuskaða.
„Höggið var mjög nálægt
banakringlunni. Ég heyrði
brestinn og fann strax að ég var
brotin. Ég bað fólk um að koma
ekki nálægt mér og hreyfa mig
alls ekki,“ segir Bergljót sem vill
þakka þeim sem voru á slysstað.
„Ég er bæði afar þakklát því fólki
sem þarna var og náði að halda
ró sinni og hringja á sjúkrabíl
og þeim sem tóku á móti mér á
spítalanum. Þótt þar væri undir-
mannað og mikið álag á öllum
þá var tekið vel á móti mér. Það
gerðu allir sitt besta og fyrir það
er ég afar þakklát,“ segir Bergljót
sem fékk að fara heim á fimmtu-
daginn.
Bergljót segir að slysið muni
setja strik í reikninginn við
kynningu á bókinni. „Eins og
mér þykir óskaplega vænt um
þessa bók og lagði mig mikið
fram við að gera hana eins vel
og ég gat og vona að sem flest-
ir fái að njóta er ég ekki að fara
að árita eða standa í kynningu.
Ég ætla að nota næstu daga og
vikur til að jafna mig og vera
með fjölskyldunni minni,“ seg-
ir Bergljót sem þarf að ganga
með hryggspelku næstu mán-
uðina. „Ég hef fengið góða að-
hlynningu og er að standa mig
vel. Auðvitað er óbrotið bak allt-
af betra en brotið bak og maður
veit ekkert hvernig maður verð-
ur þegar maður er orðinn gam-
all en ég stefni á að jafna mig al-
veg og ætla að gera mitt besta til
þess. Ég hef alltaf verið í góðri
þjálfun og finn að það er að skila
sér.“
Bókin, Íslensku húsdýrin og
Trölli, hefur hlotið góðar við-
tökur og stefnir í að verða met-
sölubók en hún er í öðru sæti á
metsölulista Eymundsson yfir
barna- og unglingabækur en
bækur Bergljótar, líkt og Stafa-
karlarnir og Talnapúkinn, hafa
verið afar vinsælar hjá börnum.
„Ég vildi gera bók sem er fræð-
andi og skemmtileg. Börnin
læra hvaða dýr eru með hala og
hver eru með skott, hver gefur
okkur mjólkina og hver ullina,“
segir Bergljót sem tileinkar bók-
ina tveggja ára dóttur sinni og
hundinum sem hún átti í tæp
14 ár, en hundurinn dó í maí.
„Dýrin eru ekki bara mikilvæg
fyrir þjóðarbúið heldur líka fyrir
okkur tilfinningalega. Í bókinni
eru leikir þar sem krakkar geta
meðal annars spreytt sig á því
að finna hænuunga sem hafa
falið sig á myndunum. Þar er
líka sá boðskapur að allir hafi
eitthvað fram að færa og þótt
kötturinn þoli ekki hundinn
þá kemst hann að því að sam-
vinna dýranna bjargaði tröll-
astráknum. Góð samvinna
er mikilvæg og eitt af því sem
bjargaði mér.“
indiana@dv.is
Datt af hestbaki
og hryggbrotnaði
n Datt í myndatöku vegna kynningar á nýrri bók n Heyrði brestinn og vissi að hún væri brotin
Hryggbrotin Sam-
kvæmt læknum er mik-
il mildi að ekki fór verr
en tveir hryggjaliðir
féllu saman við fallið.
Íslensku húsdýrin og Trölli
Barnabækur Bergljótar hafa verið
afar vinsælar. Nýjasta bókina er til-
einkuð tveggja ára dóttur hennar og
hundinum hennar sem dó í maí.
Engin kynning Bergljót ætlar að
nota næstu vikur til að jafna sig og
mun ekki kynna bókina frekar.
Grímupartí
Flick My Life
Í tilefni af útgáfu Flickmy-
life-bókarinnar buðu
Ókeibæ(!)kur og Forlagið
til teitis á Faktorý. Gleðin
stóð yfir fram yfir mið-
nætti. Kynnir kvöldsins var
Hugleikur Dagsson sem
ásamt Dóra DNA fór með
létt gamanmál. Þeir ásamt
öðrum grínistum sýndu og
spjölluðu um uppáhalds-
myndir sínar úr bókinni. At-
hygli vakti að gestum í teit-
inu var boðið að ganga um
með grímur í líki fjölmiðla-
mannsins framkvæmda-
glaða Ásgeirs Kolbeins. Ekki
var komið á hreint í gær
hvort hann sjálfur hygðist
mæta grímulaus.
Í fótspor Crawford og Bündchen
n Íslensk stelpa sigurstrangleg í fyrirsætukeppni
A
ðeins þrír dagar eru þar til
úrslit verða kynnt í hinni
virtu fyrirsætukeppni
Elite Model Look en þar
keppir hin 15 ára Magdalena Sara
Leifsdóttir við stúlkur alls staðar
að úr heiminum. Með þátttöku
sinni fetar Magdalena í fótspor
ekki ómerkari persóna en ofur-
fyrirsætanna Cindy Crawford og
Gisele Bündchen sem eru án efa
í hópi vinsælustu fyrirsæta heims
en þær Crawford og Bündchen
voru báðar uppgötvaðar eftir að
hafa tekið þátt í Elite Model Look.
Á síðunni elitemodellook.
com segir Magdalena uppá-
haldsmottóið sitt lýsa sér best:
„Trúðu að þú getir og verkið er
hálfnað,“ segir þessi unga flotta
stelpa og bætir við að hún hafi
spilað handbolta í sex ár og
stundað ballett í níu.
Magdalena sigraði í forkeppn-
inni hér heima og vann sér þann-
ig inn þátttökurétt í keppninni
sem fer fram í Kína. Magdalena
stendur sig greinilega vel því eins
og staðan er í dag þá er hún í hópi
þeirra stúlkna sem hafa flest stig.
Hins vegar má alltaf gera betur og
því um að gera fyrir landa henn-
ar að flykkjast að baki henni og
kjósa.
Á síðu keppninnar kemur
fram að fyrsta Elite Model Look-
keppnin hafi farið fram árið 1983
og að keppnin sé sú eina sem
bjóði ungum stúlkum alls stað-
ar að úr heiminum upp á tæki-
færi til að komast áfram í hörðum
heimi tískunnar.
Sigurstrangleg Magdalenda Sara er
15 ára Kópavogsmær. Hún gæti orðið
næsta ofurfyrirsæta í hörðum heimi
tískunnar.
Kryddin frá Pottagöldrum
eru ómissandi í matreiðsluna
Ilmur af jólum
ÁN AUKAEFNA • ÁN MSG • ÁN SÍLÍKON DÍOXÍÐS