Lögmannablaðið - 01.12.2014, Blaðsíða 6

6 LÖGMANNABLAÐIÐ TBL 04/14
Gengislánamál mest
áberandi
Um síðustu aldamót hófu tryggingafélögin
að bjóða upp á málskostnaðar­ eða
réttaraðstoðartryggingar í fasteigna­
og heimilistryggingum. Tryggingin er
nokkuð víðtæk en innifalið í henni eru
bætur vegna ágreinings sem snertir
vátryggðan einstakling í einkamálum
sem koma til úrlausnar héraðsdóms
eða Hæstaréttar og er til lykta leidd
með dómi, úrskurði eða dómsátt. Þá
er tryggingartaka skylt að leita sér
lögmannsaðstoðar og ber lögmanni að
tilkynna viðkomandi tryggingafélagi um
málið áður en aðhafst er í því.
Að sögn Guðmundar Stefáns
Martinssonar ráðgjafa hjá Sjóvá hefur
orðið talsverð aukning á greiðslum
úr réttaraðstoðartryggingum og hefur
félagið til að mynda greitt um 300
milljónir í réttaraðstoð á síðastliðnum
tíu árum: „Málin eru mjög fjölbreytt og
af ýmsum toga, meðal annars skulda­
og meiðyrðamál í fjölskyldutryggingu
2 og 3 en í fasteignatryggingunni eru
gallamál og nágrannaerjur algengust,“
sagði Guðmundur.
Guðríður Anna Kristjánsdóttir hdl.
hjá VÍS sagði málskostnaðarlið F plús
til dæmis nýttan í ágreiningi vegna
fjárhagslegra ráðstafana, í erfðamálum
og læknamistakamálum; „Ásókn í
trygginguna sveiflast nokkuð mikið
á milli ára og hafa gengislánamálin
verið mest áberandi undanfarið,“ sagði
Guðríður en að þeim frátöldum væru
skráð „tjón“ á þennan tryggingaflokk
nokkuð í jafnvægi. Þá sagði Sigurður
Óli Kolbeinsson framkvæmdastjóri
vátryggingasviðs Varðar að ásókn í
trygginguna hafi vaxið ört á undan­
förnum árum. Mesti fjöldinn væri
vegna gengislánamála og annarra
mála gegn bönkunum, t.d. vegna
stofnfjárlánamála sparisjóðanna og
vegna peningamarkaðssjóða. „Þar fyrir
utan er flóran eins fjölbreytt og mál
einstaklinga eru almennt en helst má
þó þar nefna gallamál fasteigna,“ sagði
Sigurður Óli.
Elvar Guðmundsson lögfræðingur
hjá TM sagði gengislánamálin vera
fyrirferðamest hjá félaginu um þessar
mundir en þess utan væru það fasteigna­
kaupamál sem væru fyrir ferðamikil.
Mikilvægt komi til ágreinings
Guðfinna Jóhanna Guðmundsdóttir
hdl., sem hefur sérhæft sig í ágreiningi
um fasteignamál, telur að tæpur
helmingur skjólstæðinga sinna séu
með málskostnaðartryggingu og
segir Guðfinna hana breyta öllu.
„Ég ráðlegg fólki og húsfélögum að
vera með fasteignatryggingu (hús­
eigendatryggingu) en máls kostn aðar­
trygging er innifalin í henni. Fólk áttar
sig oft ekki á því hversu mikilvæg hún
er komi til ágreinings eða leka frá
tækjum eða lögnum innanhúss,“ sagði
UMFJÖLLUN
Ef kemur til ágreinings
Málskostnaðar- og réttaraðstoðartryggingar tryggingafélaga
Tryggingafélögin bjóða almenningi upp á málskostnaðar- eða réttaraðstoðartryggingar í
fasteignatryggingum annars vegar og í flestum flokkum heimilis- og fjölskylduverndar hins vegar.
Málskostnaðartrygging getur breytt miklu fyrir tryggingataka en hún nemur oftast á bilinu 1-2 milljónir
og munar um minna þegar bera þarf ágreining undir dómstóla. Lögmannablaðið skoðaði málið.