Lögmannablaðið - 01.12.2014, Blaðsíða 29

LÖGMANNABLAÐIÐ TBL 04/14 29
Á LÉTTUM NÓTUM
www.hi.is
LAGADEILD
Lagadeildir Háskóla Íslands og Kaupmannhafnarháskóla bjóða upp á sameiginlegt doktorsnám í lögfræði sem lýkur með doktorsgráðu
frá báðum skólum. Um er að ræða þriggja ára nám á ensku fyrir framúrskarandi lögfræðinga sem hafa áhuga á akademískum störfum.
Tveir leiðbeinendur eru með doktorsritgerðinni, einn aðalleiðbeinandi og einn meðleiðbeinandi og koma þeir frá sitt hvorum skólanum.
Doktorsnemar eru á launum á meðan á náminu stendur. Þeir eru starfsmenn Kaupmannahafnarháskóla í tvö ár en Háskóla Íslands í eitt ár
og þurfa að sinna vissum starfsskyldum, m.a. kennslu, meðan á doktorsnáminu stendur.
Umsóknarfrestur er til 15. janúar 2015.
Allar nánari upplýsingar er að finna á heimasíðu Lagadeildar HÍ: http://www.hi.is/lagadeild/sameiginlegt_doktorsnam_ku_og_hi
og á heimasíðu Lagadeildar Kaupmannahafnarháskóla: http://jura.ku.dk/phd/english/joint-degree/
Umsóknarfrestur í sameiginlegt doktorsnám lagadeildar
Háskóla Íslands og lagadeildar Kaupmannahafnarháskóla
að fjölþjóðlegum verkefnum. Þar tók
á móti okkur annar aðaleigendanna,
Leonidas Georgopoulos, ásamt nokkrum
starfsmönnum og kynntu þeir fyrir okkur
stöðu lögmanna í Grikkalandi og einnig
innan Evrópusambandsins. Fróðlegar
umræður urðu um samanburð á stöðu
lögmanna á Íslandi og í Grikklandi
en Grikkir glíma greinilega við mörg
svipuð vandamál og við vegna afleiðinga
efnahagsþrenginga. Þá upplýstu þeir að
það tæki um 4 – 6 ár að koma máli til
enda gegnum öll dómstig í Grikklandi.
Fengum við hinar alúðlegustu móttökur
á báðum stöðum og einkar fræðandi og
áhugaverða fyrirlestra.
Miðja jarðar í Delfí
Þann 30. september hélt hópurinn síðan
til Delfí þar sem miðja jarðar var og
véfréttin spáði fyrir gestum með því
að anda að sér eiturgufum. Delfí er í
fjalllendi í um 700 metra hæð og í um
þriggja tíma akstri norðvestur af Aþenu.
Maður varð fyrir svipuðum áhrifum í
Delfí og á Akrópólis, hafandi lesið
mann kynssöguna og gert sér nokkra
grein fyrir þýðingu þessa staðar til forna.
Delfí er að mestu rústir en svo ótrúlegt
sem það hljómar þá var Delfí týnd og
gleymd um aldir og þar til árið 1863.
Þá stóð fjallaþorp ofan á rústunum sem
lítið sást í og tilhöggnir steinar úr hinni
fornu Delfí sem fundust í jörðinni voru
jafnvel notaðir til bygginga í þorpinu.
Þorpið var síðan flutt af rústunum,
Delfí smám saman grafin úr jörðu og
búin til heilleg mynd af borginni eins
og hún hafði verið. Gufurnar frægu,
sem stigu upp úr jörðinni í Delfí og
véfréttirnar önduðu að sér finnast ekki
lengur þannig að hópurinn fékk engan
spádóm um framtíðina. Haldið var til
baka til Aþenu og um kvöldið farið á
grískan veitingastað, snæddur grískur
matur og stiginn dans sem kenndur er
við Grikkjann Zorba.
Lauk svo dagskrá þessarar
ánægjulegu ferðar en að morgni næsta
dags var haldið heim á Frón þar sem
dægurþras og eldfjallagas úr iðrum
jarðar tók við okkur að nýju. Ég er
ekki frá því að ferðalangarnir hafi við
heimkomuna litið á tilveruna með
stóískri ró og hugsað: Hver man eftir
þessu þrefi og þrasi eftir 2400 ár?
Bjarni G Björgvinsson hrl.