Lögmannablaðið - 01.12.2014, Blaðsíða 34
NÁMSKEIÐ LMFÍ
Norrænar réttarheimildir á netinu - 13. janúar
2015
Farið verður yfir hvernig hægt er að finna norrænar
réttarheimildir á netinu. Fyrst og fremst verða danskir og
norskir gagnagrunnar skoðaðir, s.s. Karnov og Lovdata. Einnig
verður farið í hvaða gagnagrunna lögmenn geta nálgast á
lagabókasöfnum.
Kennari: Þóra Gylfadóttir upplýsingafræðingur við
Háskólann í Reykjavík.
Staður: Kennslustofa LMFÍ, Álftamýri 9, Reykjavík.
Tími: Alls 2 klst. Þriðjudagur 13. janúar 2015
kl. 16:00-18:00.
Verð: kr. 13.000, 25% afsláttur að námskeiði fyrir
aðild að félagsdeild LMFÍ. 10% afsláttur fyrir
aðild að LMFÍ og LÍ.
__________________________________________________
Samþætting starfs og einkalífs - 4. febrúar
2015
Námskeið í samstarfi við Félag kvenna í lögmennsku
Rannsóknir hafa sýnt að næstmesti streituvaldurinn í vinnunni
er það að reyna að samræma atvinnu og einkalíf og ójafnvægi
milli þessara tveggja þátta valdi togstreitu. Það er oft mikil
áskorun að reyna að halda jafnvægi milli starfsframa,
fjölskyldu, áhugamála, félags og tómstundastarfs, símenntunar
og annarra mikilvægra þátta lífsins. Á námskeiðinu verður
farið í að draga fram þau gildi sem skipta máli í starfi og
einkalífi. Hvernig er hægt að samræma þær kröfur sem
vinnan, fjölskyldan og samfélagið gera? Hvaða lausnir getur
vinnustaðurinn gripið til og hvað getur einstaklingurinn
sjálfur gert? Allir eru velkomnir á námskeiðið.
Kennari: Ingrid Kuhlman, frkvstj. Þekkingarmiðlunar.
Staður: Kennslustofa LMFÍ, Álftamýri 9, Reykjavík.
Tími: Alls 3 klst. Miðvikudagur 4. febrúar 2015,
kl. 16:00-19:00.
Verð: kr. 16.000, 25% afsláttur að námskeiði fyrir aðild
að félagsdeild LMFÍ. 10% afsláttur fyrir aðild að
LMFÍ og LÍ.
________________________________________________
Lestur og greining ársreikninga –20. og 22.
janúar 2015
Á námskeiðinu verður farið yfir uppbyggingu ársreikninga og
grunnreglur bókhalds. Kynntar verða aðferðir og tekin raunhæf
dæmi við greiningu ársreikninga, þ.m.t. kennitölugreiningu.
Farið verður yfir vísbendingar um rekstrarstöðvun og gjaldþrot
fyrirtækja og velt vöngum um hvenær beri að segja félag
til gjaldþrotaskipta. Enn fremur verður farið yfir mikilvægi
áritana stjórnenda og endurskoðenda og ábyrgð þeirra. Að
lokum verður farið yfir einn ársreikning íslensks félags.
Eftir námskeiðið ættu þátttakendur að geta lagt mat á
fjárhagsstöðu félags út frá reikningum og kennitölugreiningu
auk þess að geta beitt öðrum aðferðum við mat á því.
Þátttakendur námskeiðsins hafa möguleika á að koma óskum
sínum um umfjöllunarefni til kennara í skráningarforminu.
Kennarar: Árni Tómasson, löggiltur endurskoðandi.
Staður: Kennslustofa LMFÍ, Álftamýri 9, Reykjavík.
Tími: Alls 6 klst. Þriðjud. 20. janúar og fimmtud.
22. janúar 2015 kl. 16:00-19:00.
Verð: kr. 27.000,- 25% afsláttur að námskeiði fyrir
aðild að félagsdeild LMFÍ. 10% afsláttur fyrir
aðild að LMFÍ og LÍ.
Skráning á heimasíðu LMFÍ
Stórt verk lítið mál
Litlaprent ehf. | Skemmuvegi 4 | 200 Kópavogi
Sími 540 1800 | Fax 540 1801 | litla@prent.is
prent.is
Breyting á afsláttarkjörum
Stjórn LMFÍ hefur nú ákveðið að veita félagsmönnum
Lögmannafélags Íslands, sem ekki eru í félagsdeild,
10% afslátt af námskeiðum félagsdeildar og sömuleiðis
félagsmönnum Lögfræðingafélags Íslands.
Námskeið á Skype
Nýverið hófust tilraunir með að bjóða lögmönnum
landsbyggðar upp á að sækja námskeið í gegnum Skype.
Nú þegar hefur lögmaður á Akureyri sótt eitt námskeið
og var mjög ánægður með hvernig til tókst. Þeir lögmenn
sem hafa áhuga á að sækja námskeið í gegnum Skype eru
beðnir um að hafa samband við Eyrúnu á skrifstofu LMFÍ.