Lögmannablaðið - 01.12.2014, Blaðsíða 23

UMFJÖLLUN
Réttarfarssektir
Að lokum fjallaði Jóhannes um
réttarfarssektir en hann sagði beitingu
þeirra alltaf hafa verið hófsama og
úrræðið notað til þess að aga lögmenn
en ekki refsa þeim. Al Thani ­ málið
brýtur blað því þar var farið út í að beita
lögmenn refsingu. Jóhannes er sammála
því að dómarar verði að hafa einhver
úrræði til þess að halda uppi aga en
það verða að vera minniháttar viðurlög.
Í dómum Mannréttindadómstóls
Evrópu hefur komið skýrt fram að
ekki sé æskilegt að dómstólar geti lagt
refsingar á lögmenn vegna framkomu
þeirra í málflutningi, vegna þess að
of víðtæk úrræði til refsingar dragi úr
kappi lögmanna við varnir í málum.
Mannréttindadómstóllinn hefur jafnframt
sagt að of þungar réttarfarssektir hafi
„kælingaráhrif“ á lögmenn og séu
óheppilegar því lögmaður má aldrei vera
í þeirri stöðu að velja á milli þess hvort
hann fari í fangelsi eða skjólstæðingur
hans.
Hæstiréttur út af sporinu
Fyrstur til að taka til máls að lokinni
framsögu var Jón Egilsson hrl.
sem tvívegis hefur fengið dæmda
réttarfarssekt. Hann taldi sig ómaklega
hafa hlotið sektirnar og sagði
þýðingarlaust að áfrýja ákvörðun
dómara um réttarfarssekt, því það virðist
sem dómarar standi ómeðvitað hver með
öðrum og að slík ákvörðun njóti í raun
ekki endurskoðunar. Þá gagnrýndi Jón
Steinar Gunnlaugsson hrl. réttarfarið í
málum þar sem réttarfarssekt kemur við
sögu og sagði Hæstarétt hafa farið út
af sporinu. Gestur Jónsson hrl. ræddi
um dóm Hæstaréttar í máli nr. 37/2014,
þar sem honum og Ragnari H. Hall hrl.
var gerð réttarfarssekt, og vildi árétta
að hann hitti aldrei þá dómara sem
ákváðu sektina í máli hans. Dómurinn
hefði verið kveðinn upp af aðilum
sem hvorki höfðu hlustað á sjónarmið
Gests né séð hann koma fram í eigin
persónu. Þá gagnrýndi Gestur röksemdir
dómsins fyrir sakfellingu en það er að
með háttsemi sinni hafi hann valdið
umbjóðanda sínum tjóni. Hann sagði
það ekki vera hlutverk dómstóla að
endurmeta afstöðu umbjóðanda síns og
með því væri dómurinn kominn út fyrir
sitt verksvið. Síðastur á mælendaskrá
var Ragnar H. Hall hrl. en hann
ræddi um lagabreytingu á dönskum
sakamálalögum þar sem ákvæði um
réttarfarssektir var fellt á brott með
þeim rökum að það samrýmdist ekki
Mannréttindasáttamála Evrópu.
Anna Lilja Hallgrímsdóttir
Nafnspjöld
Reikninga
Veggspjöld
Bréfsefni
Einblöðunga
Borðstanda
Bæklinga
Markpóst
Ársskýrslur
- o g p r e n t u n
U M H V E R F I S V O T T A Ð
F Y R I R T Æ K I
En við gerum svo margt fleira
Fyrirtækið Umslag er ISO 27001 öryggisvottað og er
fyrst íslenskra fyrirtækja í prentiðnaði til að fá slíka
vottun.
Með þessari öryggisvottun er tryggt að Umslag fylgi
ströngum kröfum um rétta meðhöndlun gagna og
upplýsinga sem og notkun ferla í rekstri og aðbúnaði.
www.umslag.is
Jóhannes Sigurðsson