Dagblaðið Vísir - DV - 11.02.2008, Síða 9

DV Umræöa
MÁNUDAGUR 11. FEBRÚAR 2008 9
ÚTGÁFUFÉLAG: Dagblaðiö-Vísir útgáfufélag ehf.
STJÓRNARFORMAÐUR: Hreinn Loftsson
FRAMKVÆMDASTJÓRI: Elín Ragnarsdóttir
RITSTJÓRAR:
JónTrausti Reynisson og ReynirTraustason
FULLTRÚI RITSTJÓRA: Janus Sigurjónsson
FRÉTTASTJÓRI: Brynjólfur Þór Guðmundsson
AUGLÝSINGASTJÓRI: Ásmundur Helgason
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til aö birta aðsent efni blaðsins á stafrænu
formi og í gagnabönkum án endurgjalds.
öll viðtöl blaðsins eru hljóðrituð.
AÐALNÚMER 512 7000, RITSTJÓRN 512 7010,
ÁSKRIFTARSÍMI 512 7080, AUGLÝSINGAR 512 70 40.
SANDKORN
■ Umræðan um væntanlegan
ritstjóra Morgunblaðsins í stað
Styrmis Gunnarssonar held-
ur áfram.
Nú heyrist
því fleygt
að Björgólf-
ur Guð-
mundsson,
aðaleigandi
Árvakurs,
muni láta
aðstoðarrit-
stjórann Björn Vigni Sigur-
pálsson verða ritstjóra fyrsta
kastið. Undir hann verði settir
aðrir ritstjórar, hver yfir sínu
sviði. Þar eru nefndir til sög-
unnar Karl Blöndal, núver-
andi aðstoðarritstjóri, Friða
Björk Ingvarsdóttir, blaða-
maður og leiðarahöfundur, og
Ólafur Stephensen, ritstjóri 24
stunda. Þessir þrír fái tækifæri
til að sanna sig en einn þeirra
taki síðan við keflinu af Birni
Vigni. Þetta yrði þá eins konar
Idol-keppni Moggans þar sem
sá besti stæði eftir.
■" Innan Sjálfstæðisflokksins
er stöðugt vaxandi þungi í þá
veru að fá utanaðkomandi
leiðtoga til
að verða
borgarstjóri
það ár sem
flokkurinn
heldur
embættinu.
Hinn harði
kjarni
flokksins
vill ekki Hönnu Birnu Krist-
jánsdóttur eða aðra úr hópi
sexmenninganna þar sem
þeir beri allir ábyrgð á klúðri
flokksins. Efst á vinsælda-
lista hinna utanaðkomandi
þessa dagana er Guðfinna
Bjarnadóttir
alþingismað-
ur sem þykir
líkleg til að
draga að
fylgi. Ekki er
ólíklegt að
hún muni
samþykkja
að taka slag-
inn þar sem hún hefur ekki
náð áttum í þinginu og virðist
ráðvillt og án tengsla við aðra
þingmenn.
■ Össur Skarphéðinsson
iðnaðarráðherra fór á kostum
í sunnudagsþætti Valdísar
Gunnarsdóttur þar sem
hann ræddi um bernsku
sína og nútíð. Hann upplýsti
meðal annars að í núverandi
ríkisstjórn ríkti léttleikinn
einn sem væri allt annað en sú
formfesta sem ríkti í ríkisstjórn
Davíðs Oddssonar þar sem
Össur hóf sinn ráðherradóm
sem umhverfisráðherra. Össur
sagði frá vináttu þeirra Davíðs
sem bar ekki
skugga á fyrr en í
fjölmiðlamálinu
þar sem þeir
deildu af ofsa.
Seinna náðu
þeir sáttum
ogeru
ídag
ágæt-
is fé-
lagar.
Siðrof í Ráðhúsinu
LEIÐARI
JÓN TRAUSTI REYNISSON RITSTJÓRISKRIFAR.
Það er þekkt í félagsfræðinni að sið-
rof getur myndast í samfélögum.
Einkenni þessa ástands er að hóp-
ur fólks hættir að fylgja þeim gild-
um og siðferðislegu reglum sem áður ríktu.
Valdhafarnir eru enn til staðar, en óljóst er
hvaða lögmálum þeir eigi að fylgja. Þetta er
óhugnanlega líkt ástandinu sem Vilhjálmur
Þ. Vilhjálmsson og Ólafur F. Magnússon hafa
skapað í Reykjavík.
Þrátt fýrir að í borginni sé lýðræði láta nýju
valdhafarnir sig það ekki lengur varða. Við
yfirgnæfandi andstöðu kjósenda í borginni
taka þeir völdin, án nokkurs augljóss tilefnis.
Leiðtogi smáflokks, sem hefur snúið við
honum baki, gerir sig að borgarstjóra. Traust
almennings á yfirvaldinu hrynur. Hundruð
milljónum króna af skattfé er sóað til að koma því til leiðar sem
réttlætti valdatökuna, að halda Laugavegi 4-6 eins og hann er.
Og það gegn vilja yfirgnæfandi meirihluta kjósenda.
Vilhjálmur Þ. Vilhjálmsson tók völdin í borginni að tilefii-
islausu, þó svo að hann hafi hrökklast frá völdum 100 dögum
áður eftir að hafa orðið uppvís að ólýðræðislegum vinnubrögð-
Sidrof verdur til l>eg(irjíliti;slegt taumliald IwerJ'ur.
um. Engar kosningar hafa verið haldnar síð-
an, en það er fullkomlega Ijóst að hann hafði
misst traust almennings. Nú þegar hann hef-
ur hrifsað til sín völdin aftur reynir hann að
blekkja almenning. Þrátt fýrir að hafa orð-
ið uppvís að blekkingum og tilraunum til
að þagga þær niður vill hann ekki sleppa
valdataumunum. Ilonum er sama hvað fólki
finnst. Enda getur fólk ekkert gert næstu þrjú
árin.
Siðrof verður til þegar félagslegt taumhald
hverfur. Þá hættir fólk að fylgja reglunum því
reglubrot hafa engar afleiðingar. Siðrofið í
Ráðhúsinu hefði ekki komið til ef almenn-
ingi hefði gefist kostur á að kjósa valdhafa í
borginni upp á nýtt þegar fýrsti meirihlut-
inn féll. Vilhjálmur og hans hirð hefðu aldrei
komist í þá stöðu sem þau eru í núna. Nú er hins vegar ekkert
vald til að hafa taumhald á þeim. Vilhjálmur er búinn að kosta
of miklu til að endurheimta völdin og halda þeim. Hann fórnaði
orðspori sínu gagnvart kjósendum og veit að hann kemst ekki
aftur til valda með lýðræðislegum hætti. Nú er þetta ekki spurn-
ing um annað en sjálfsbjargarviðleitni.
ÉGSKAL
ÁBYRGÐ
Svarthöfði hefur ákveðið að
axla ábyrgð á mistökum
sínum. Svarthöfði gerir sér
grein fýrir að hann hefur hugsan-
lega og ef til vill brotið af sér. Og
þó Svarthöfði taki ekki undir þær
raddir sem segja að brotið sé mikið
og kannist að sjálfsögðu ekki við
að hafa gert þetta vísvitandi ætlar
Svarthöfði að axla ábyrgð. Enda
vill svo til að Svarthöfði er ábyrg-
ur maður sem skorast ekki undan
ábyrgðinni.
Svarthöfði telur að hann axli
ábyrgð best með þeim hætti
að halda áffam störfum sínum
eins og ekkert hafl í skorist. Enda:
hver er betur til þess fallinn að sjá
til þess að þessi mistök verði ekki
endurtekin en maðurinn sjálfur
sem gerði þessi mistök? Ekki ætlum
við að láta fólk læra af dýrkeyptum
mistökum og henda því svo fyrir
borð án þess að lærdómurinn leiði
til neins góðs. Slíkt væri auðvitað
fásinna.
Nú veit Svarthöfði að skoð-
anir fólks eru skiptar á því
hvort hann eigi að axla
ábyrgð með því að segja af sér. Þetta
er skiljanlegt enda ekki hægt að
ætlast til þess að fólk skilji alltaf til
fulls það sem er að gerast, enda er
fólk ekki beinn þátttakandi að því
öllu saman. Samt verður að segjast
eins og er að einn helsti kostur-
inn við íslenskt samfélag er að við
erum ekki of dómhörð. Við látum
fólk ekki gjalda fyrir smávægileg
mistök eða litlar yflrsjónir. Við vilj-
um frekar að fólk læri af mistökum
sínum og nýti sér reynsluna þeg-
ar kemur að öðrum ákvörðunum
seinna meir. Þannig verða stjórn-
málamenn okkar, viðskiptamenn
og annað gott fólk að enn betri
starfskröftum og fulltrúum íslensku
þjóðarinnar. Þannig byggjum við
upp gott og réttlátt þjóðfélag.
Ekki viljum við að þetta verði
eins og í útlöndum þar sem
fólk er látið taka pokann sinn
við minnsta tilefni. Hjá sumum
þjóðum virðist það meira að
segja vera orðið sport að sparka
mönnum. Sparka mönnum úr
ráðherrastóíum, sparka mönnum
úr stjórn fyrirtækja og gott ef ekki
rótarýklúbbum.
Ja hérna.
SVARTHÖFÐI
DÓMSTÓLL GÖTUjVNAR
IIVAI) Á VILHJÁLMUH 1». VILHJÁLMSSON AJ) GERA?
„Hann á að segja af sér. Hann er búinn
að klúðra þessu gjörsamlega og ætti
frekar að koma seinna aftur inn í
pólitíkina, beinn í baki.“
Valur Ásmundsson, 75 ára
eldri borgari
„Mér finnst að hann eigi að segja af sér.
Að mínu mati hefði hann aldrei átt að
fá þennan möguleika á að verða
borgarstjóri aftur."
Örn Ólafsson, 19 ára nemi
„Mérfinnst að hann eigi að segja af sér.
Reyndar leist mér aldrei á hann en
finnst staða hans hafa versnað til muna
að undanförnu."
Þórdís Sesselja Ólafsdóttir, 15 ára
nemi
„Hann á að segja af sér. Hann er orðinn
svo margsaga og ég held að þetta
hljóti að enda með afsögn."
Indiana Guðjónsdóttir,
57 ára stuðningsfulltrúi