Peningamál - 01.02.2001, Blaðsíða 58

PENINGAMÁL 2001/1 57
September 2000
Hinn 4. september var opnaður danski netbankinn
Basisbank sem Íslandsbanki-FBA hf. á fjórðungshlut
í.
Hinn 11. september fjölgaði viðskiptavökum með
húsbréf og húsnæðisbréf úr tveimur í fimm þegar
Íslandsbanki-FBA hf., Kaupþing hf. og Spari-
sjóðabanki Íslands hf. bættust í hóp viðskiptavaka.
Fyrir voru Búnaðarbanki Íslands hf. og Landsbanki
Íslands hf.
Hinn 29. september var tilkynnt að Búnaðarbanki
Íslands hf. hefði sótt um leyfi yfirvalda bankamála í
Lúxemborg til að starfrækja banka þar í landi.
Október 2000
Hinn 2. október var lagt fram fjárlagafrumvarp fyrir
árið 2001 þar sem gert er ráð fyrir 30 milljarða af-
gangi ríkissjóðs.
Hinn 13. október beindi ríkisstjórn Íslands tilmælum
til bankaráða Búnaðarbanka Íslands hf. og Lands-
banka Íslands hf. um að hefja viðræður um samein-
ingu bankanna og að leitað yrði forúrskurðar sam-
keppnisráðs.
Hinn 20. október tóku gildi breyttar reglur á milli-
bankamarkaði með gjaldeyri. Tvær meginbreytingar
voru gerðar frá fyrri reglum. Fellt var niður ákvæði
sem heimilaði viðskiptavökum að koma sér saman
um tímabundna stöðvun viðskipta og lágmarksfjár-
hæð viðskipta var hækkuð úr einni milljón Banda-
ríkjadala í eina og hálfa milljón Bandaríkjadala.
Hinn 26. október var Kaupþing hf. skráð á Verð-
bréfaþing Íslands.
Hinn 27. október var tilkynnt að Íslandsbanki-FBA
hf. hefði gefið út skuldabréf á alþjóðlegum markaði
að upphæð 250 milljónir evra. Þetta mun vera stærsta
skuldabréfaútgáfa sem íslenskur aðili hefur staðið
fyrir á erlendum markaði.
Nóvember 2000
Hinn 1. nóvember hækkaði Seðlabanki Íslands stýri-
vexti um 0,8 prósentustig. Eftir þessa hækkun eru
forvextir á daglánum Seðlabanka Íslands 12,4% og
vextir á endurhverfum viðskiptum við bindiskyldar
innlánsstofnanir 11,4%.
Hinn 7. nóvember var tilkynnt að Bonus Dollar
Stores, dótturfyrirtæki Baugs hf., hefði skrifað undir
samning við Institutional Equity í Dallas í Bandaríkj-
unum um að hafa umsjá með skráningu á Bonus
Dollar Stores á Nasdaq Small Caps vegna fyrsta út-
boðs á almennum hlutabréfum félagsins. Stefnt er að
skráningu í febrúar 2001.
Hinn 10. nóvember tilkynnti fjármálaráðherra að
ríkissjóður myndi ekki greiða upp erlend lán á árinu
2001. Á árinu 2001 gjaldfalla 15 ma.kr. af erlendum
lánum ríkissjóðs. Ákveðið hefur verið að mæta þeim
afborgunum að fullu með nýjum erlendum lánum.
Hinn 14. nóvember var skrifað undir samning við Ís-
landsbanka-FBA hf., Landsbanka Íslands hf. og
Sparisjóðabanka Íslands hf. um útgáfu ríkisvíxla og
viðskipta á eftirmarkaði. Þessar stofnanir hafa rétt til
að kalla sig Aðalmiðlara ríkisvíxla. Tilgangurinn
með þessum samningi er að tryggja útgáfu á rík-
isvíxlum og efla verðmyndun á eftirmarkaði.
Aðalmiðlaraútboð munu fara fram á tveggja mánaða
fresti.
Desember 2000
Hinn 4. desember var tilkynnt að Íslandsbanki-FBA
hf. hygðist kaupa 56,2% í Rietumu Banka í Lettlandi.
Bankaráð hefur samþykkt skilmála kaupanna með
fyrirvara um niðurstöður áreiðanleikakönnunar og
samþykki Seðlabanka Lettlands.
Hinn 18. desember var kynnt niðurstaða Samkeppn-
isráðs vegna fyrirhugaðrar sameiningar Búnaðar-
banka Íslands hf. og Landsbanka Íslands hf. Sam-
keppnisráð komst að þeirri niðurstöðu að sameining-
in brjóti í bága við samkeppnislög.
Hinn 22. desember tilkynnti Seðlabanki Lettlands að
hann samþykkti kaup Rietumu Banka á 100% eignar-
hlut í öðrum lettneskum banka, Saules Banka. Með
þessari sameiningu verður til einn stærsti banki á
sviði fyrirtækjaþjónustu og einkaþjónustu á Eystra-
saltssvæðinu.
Hinn 29. desember urðu metviðskipti á Verðbréfa-
þingi Íslands og nam veltan 12,5 ma.kr.
Hinn 31. desember var undirrituð viljayfirlýsing á
milli Kaupþings hf. og viðskiptavina þess annars
vegar, en hins vegar Olíufélagsins hf., Samvinnulíf-
eyrissjóðsins, Traustfangs hf. og Vátryggingarfélags