Dagblaðið Vísir - DV - 06.06.2008, Blaðsíða 16
16 FÖSTUDAGUR 6. JÚN( 2008
Fréttir DV
MEÐFALSKTLÖGHEI
TILAÐKJÓSA SJÁLFA
Kirkjuhvoll Ráðherrannfærpóstinn
sinn framsendan frá Kirkjuhvoli.
VALUR GRETTISSON
bladamadur skrifar: valur@dv.is
„Þetta snýst náttúrlega um að mað-
ur greiðir atkvæði í sínu kjördæmi,"
segir Arni M. Mathiesen fjármála-
ráðherra um ástæður þess að hann
hefur verið með falskt lögheimili í
yfir ár en Arni er skráður til heimilis
á Kirkjuhvoli í Þykkvabæ. Þar hefur
hann aldrei búið. Ráðherrann borg-
ar auk þess útsvar í Rangárþingi ytra
en það var á síðasta ári 0,04 prósent-
um lægra en útsvar í Iiafnarfjarð-
arbæ þar sem Arni raunverulega
býr. Sjálfur segir ráðherrann búset-
una ekki snúast um peninga heldur
að hafa lögheimili í sínu kjördæmi.
Hann hyggst koma upp varanlegu
heimili annars staðar á Suðurlandi.
Ranghermt var í frétt DV í gær að
ráðherrann fengi greitt sérstaklega
fýrir að vera með lögheimili í Þykk-
vabæ. Allir þingmenn utan höfuð-
borgarsvæðisins fá húsnæðis- og
dvalarstyrkinn sem íjallað var um í
gær, burtséð frábúsetu. Enjafnffamt
er ljóst að Árni hafði ávinning af því
að láta skrá falskt lögheimili. Við því
eru ekki skilgreind viðurlög.
Fékk ekki að leigja
„Ég byrjaði á því að leigja húsið
í Þykkvabænum fyrir síðustu þing-
kosningar. Síðan var það eiginlega
tvennt sem gerðist. Það gafst aldrei
tími til þess að koma sér fyrir þar,
og svo voru gerðar athugasemdir af
sveitarstjórninni [Rangárþing ytra]
við að mér væri leigt húsið. Það var
vont að vera í þeirri aðstöðu auk
„Fæ póstinn
framsendan."
þess sem ég vildi ekki íþyngja fólki
þannig að ég lét það eftir. En til þess
að vera ekki að þvælast með lög-
heimili fram og til baka varð sam-
komulag um að ég gæti verið með
lögheimili þar til ég kæmi mér fyr-
ir annars staðar," segir Árni um for-
sögu þess að hann flutti aldrei inn
í Þykkvabæ. Hann segist hafa leigt
húsið í nokkra mánuði en man ekki
hversu lengi það var. Aftur á móti var
sá tími skemmri en hálft ár.
Greiddi lægra útsvar
Arið 2007 'var útsvarsprósenta
Rangárþings ytra 12,99 prósent en
Hafnarfjörður er með 13,03 prósent
í útsvar.Þannig hafði ráðherrann
beinan ávinning af því að skrá lög-
heimili sitt í Þykkvabæ.
„Varðandi útsvarið vissi ég ekki
um muninn," segir Árni en munur-
inn á útsvari Ilafnarfjarðar og Rang-
árþings ytra en útsvarsprósenta
Rangárþings hækkaði upp í sömu
prósentu og hjá Hafnarflrði í ár.
Sé tekið mið af launum ráðherr-
ans og útsvar reiknað frá síðasta ári
var mismunurinn fimmtíu og sjö
þúsund krónur á ári. Hann segist
greiða sérstaklega fýrir skólagöngu
barna sinna í Hafnarfirði vegna
reglna sem gilda á milli sveitarfé-
laga. Sjálfur segist hann ekki hafa
vitað til þess að þarna væri lægra
útsvar og hælir sjálfstæðismönnum
í Rangárþingi, sem fara með meiri-
hluta sveitarstjórnar, fyrir það sér-
staklega. Hann bendir á að næsta
sveit sé með lægra útsvar og hefði
það vakað fýrir honum að græða á
útsvari hefði verið hentugra að velja
sér heimili þar. f þessu samhengi er
rétt að taka fram að útsvarsprósent-
an var hækkuð í Rangárþingi í ár og
er nú sú sama og í Hafnarfirði.
Segir lög um lögheimili ekki
brotin
Samkvæmt lögum um lögheim-
ili stendur að maður hafi fasta bú-
setu á þeim stað sem hann hefur
bækistöðvar sínar, dvelst að jafnaði
í tómstundum sínum, hefur heim-
ilismuni og svefnstað þegar hann
er ekki fjarverandi um stundarsak-
ir, vegna vinnuferða eða veikinda.
Arni uppíyllir ekki þær reglur en að-
spurður segir hann sérstakar regl-
ur gilda um ráðherra og þá sem eru
kosnir í viðkomandi kjördæmi. Þar
vitnar hann í lagagrein í lögum um
lögheimili þar sem segir að ráðherra
sé heimilt að setja í reglugerð frekari
fyrirmæli um skráningu lögheimil-
is. Aðspurður hvort Arni hafi óskað
sérstaldega eftir frekari fyrirmæl-
um um skráningu lögheimilis segist
hann ekki muna hvernig lögin væru
enda var hann sjálfur staddur í París
á ráðstefnu OECD-ríkjanna.
1 lögum um lögheimili fólks er
viss undanþága fyrir þingmenn og
ráðherra um að þeir hafi lögheim-
ili annars staðar en á þeim stað þar
sem þeir dvelja löngum. Sú undan-
þága á þó ekki við í tilviki Árna. Þar
segir: „Alþingismanni er heimilt að
eiga áfram lögheimili í því sveitarfé-
lagi þar sem hann hafði fasta búsetu
áður en hann varð þingmaður. Sama
gildir um ráðherra." Árni átti heima í
Hafnarfirði áður en hann var kosinn
á þing og ætti því að hafa lögheimili
þar samkvæmt laganna bókstaf.
Kirkjuhvoll ekki heimili
„Lögheimilið hefur enga fjár-
hagslega þýðingu," segir Arni og
áréttar að hann hafi ekki hagnast á
því að hafa lögheimili á Kirkjuhvoli
þrátt fyrir að hann greiði lægra út-
svar heldur en ella. Hann segir að
eina mögulega svindlið gæti verið
ef hann fengi sérstaklega greitt fyrir
að halda úti tveimur heimilum. Að
sögn Arna hefur hann aldrei litið á
Kirkjuhvol sem heimili sitt né skil-
greint hann sem slíkt. Þess vegna
hefur hann aldrei fengið greitt fyr-
ir það aukalega. Þá áréttar hann
að allir landsbyggðarþingmenn fái
greiddar rúmar níutíu þúsund krón-
ur í húsnæðis- og dvalarkostnað.
Hafnar ekki greiðslu
„Greiðslurnar eru notaðar til þess
að sofa og lifa þarna á Suðurlandi,"
segir Árni spurður hvernig hann
nýti húsnæðis- og dvalarkostnað-
inn. í lögum um þingfararkaup seg-
ir orðrétt: „Fjárhæðin er ætluð til að
standa undir húsnæðis- og dvalar-
kostnaði (gistingu, fæði) á höfuð-
borgarsvæði eða í kjördæminu ef
þingmaður á heimili á höfuðborg-
arsvæði."
Aðspurður hvort það komi til
greina að hafna þessum greiðslum
eða hvort það þurfi að breyta þeim
þannig að þingmenn fái greitt fyrir
útlagðan kostnað segir Árni að lengi
hafi verið deilt um þetta mál en
sjálfur tekur hann ekki afstöðu hvort
væri hentugra. Sjálfur segist hann
nýta þær til þess að sinna kjósend-
um sínum á Suðurlandi.
Sækir póstinn á Kirkjuhvol
„Það er bara hringl að vera breyta
um lögheimili," segir Árni spurð-
ur hvort ekki væri réttast að breyta
um lögheimili þar sem hann hafi
ekki og hafi aldrei haft fasta bú-
setu þar. Sjálfur segist Arni vera bú-
inn að kaupa land á Suðurlandi en
þar hyggst hann byggja hús. Land-
ið keypti hann um síðustu áramót.
Þegar húsið er fullbyggt ætlar hann
að breyta um lögheimili að eigin
sögn.
Tveir Pólverjar búa fyrir í húsinu
og þar á undan áttu hjón heima þar.
Þegar ráðherrann er spurður hvort
málið sé óheppilegt vill hann ekki
taka undir það og segir þetta mál
engu skipta.
Þegar hann er spurður hvert
hann fær póstinn sinn svar-
ar ráðherrann því að hann
fái hann á það heimilsfang
sem bréfið er merkt.
Aðspurður hvort
hann þurfi einhvern
tímann að sækja póst-
inn sinn á Kirkjuhvol
segir hann: „Ég fæ
póstinn fram-
sendan."