Bændablaðið - 09.01.2014, Blaðsíða 24
24 nda laðð tudagur an ar
Matarmarkaður Búrsins var
haldinn með miklum glæsibrag
í Hörpunni í Reykjavík dagana
14. og 15. desember sl. Fjölmargir
þátttakendur sýndu þar vörur
sínar og voru þeir almennt mjög
ánægðir með útkomuna og alla
aðstöðu í Hörpunni fyrir slíkan
markað.
Hlaut gullverðlaun í Svíþjóð
Þarna mátti sjá mjög athyglisverð
sprotafyrirtæki sem sýndu mjög
fjölbreyttar afurðir og hafa sumar
þeirra þegar unnið til verðlauna utan
landsteinanna. Fyrirtækið Sólker
ehf. frá Hornafirði kom til dæmis
sá og sigraði með sinn ljúffenga
heitreykta makríl á heljarmikilli
keppni smáframleiðenda í Östersund
í Svíþjóð í haust. Ómar Fransson,
sem er hugmyndasmiðurinn á bak
við þessa framleiðslu, sagði í samtali
við Bændablaðið að á bak við þetta
lægi mikil þróunarvinna í samstarfi
við Matís.
„Vinnan við þróunina byrjaði
inni hjá Matís árið 2009. Síðan
höfum við unnið hægt og þétt að
þessu verkefni og að reyna að vinna
markað fyrir vöruna. Íslendingar
eru svolítið lengi í gang að átta
sig á þessu enda engin hefð fyrir
makrílvinnslu og neyslu hér á landi.“
-Var þá ekki svolítið sérstakt
fyrir ykkur að fara með ykkar
framleiðslu frá Íslandi sem hefur
enga hef í makrílvinnslu og vinna
til gullverðlauna í hópi mikilla
norrænna reynslubolta á þessu sviði?
„Jú, þarna voru á milli 600 til 700
framleiðendur sem við vorum að
keppa við. Svíar hafa verið mjög
sterkir á þessu sviði og urðu afar
svekktir, ekki síst þar sem við unnum
í flokki heitreyktra sjávarafurða sem
snýst ekki bara um makríl, heldur
líka um fjölmargar aðrar tegundir.
Þetta var því mjög sætur sigur
fyrir okkur og Svíagrýlan dugði
greinilega ekki á okkur í þetta
skiptið.“
Ómar segist reyndar ekki hafa
komist sjálfur í keppnina í Svíþjóð
þar sem hann hafi verið á sjó og
því hafi Vigfús Ásbjörnsson hjá
Matís á Höfn farið með makrílinn
til Svíþjóðar. Ómar segist eingöngu
nota úrvals ferskt hráefni og þá ekki
síst krókaveiddan makríl sem hann
veiðir jafnvel sjálfur. Hann segir að
Íslendingar hafi verið svolítið tregir
til að prófa vöruna en fyrir því væru
ástæður.
„Það hafa verið framleiðendur
að bjóða makríl hér á markaðnum
sem er alls ekki góður. Fólk sem
hefur smakkað makríl hjá þeim í
fyrsta skiptið hefur þá oft orðið fyrir
vonbrigðum og fengið þá reynslu
af makríl að hann sé bara vondur.
Þegar ég hef svo fengið fólk til að
smakka makrílinn hjá mér verður
það undrandi.
Við vorum reyndar mjög lengi að
finna réttu aðferðina við þetta. Í sex
mánuði reyktum við fleiri tonn af
makríl með margvíslegum aðferðum,
þar til við fundum rétta bragðið og
byrjuðum að selja.“
Pylsumeistarinn víðfrægi
Á öðrum bás var fyrirtækið
Pylsumeistari í Laugalæknum í
Reykjavík. Þar voru hjónin Ewa
Margar áhugaverðar matarnýjungar kynntar á Matarmarkaði Búrsins í Hörpunni:
Lostætur gullverðlaunamakríll, íslenskt
súkkulaði og verðlaunakryddpylsur
Myndir / HKr.