Jökull - 01.12.1984, Blaðsíða 52

botninn austanverðan. En í desember 1983 hljóp
við vatnshæð sem var 20-30 m lægri en þurft hefur
undanfarna áratugi til þess að hlypi úr Vötnun-
um. Tvo mánuði fyrir þetta hlaup fannst oft
brennisteinslykt af Skeiðará og ræddu menn
hvort það gæti bent til þess að leki væri hafinn úr
Grímsvötnum. Við teljum hins vegar að hér hafi
verið um að ræða afrennsli vatns frá svæði austan
í hlíðum Grímsfjalls. Þar hafði myndast mikill
hringlaga ketill sem sást úr flugi meðan á
hlaupinu stóð (4. mynd). Við teljum aukinn jarð-
hita á þessu svæði (eða eldvirkni) hafa veitt
bræðsluvatni niður á Skeiðarársand um haustið
en svo hafi loks farið að bráðnunin hafi opnað
vatnsrásir alla leið inn í Grímsvötn. Þá hafi hlaup
farið af stað. Þetta gæti einnig hafa gerst við
hlaupin 1939, 1941, 1945 og 1948. Á undan þess-
um hlaupum fannst lykt af Skeiðará svo vikum
skipti. Það verður því að telja vissar líkur á
Grímsvatnahlaupi ef brennisteinslykt finnst af
Skeiðará svo vikum skiptir þótt vatn standi ekki
nægilega hátt í Grímsvötnum til þess að það geti
þrengt sér út undir jökulinn við botn þeirra.
Hot springs discharged into the crater lake that was formed in the 1983 Grímsvötn eruption.
Photo. Helgi Björnsson, 22nd June 1184.
Heitar laugar við vök í gígnum sem myndaðist við Grímsvatnagosið 1983.
Ljósm. Helgi Björnsson, 22. júní 1984.
50 JÖKULL 34. ÁR