Tölvumál - 01.02.2008, Síða 39

T Ö L V U M Á L | 3 9
Önnur kerfi:
• IXOS skönnunarkerfi
• Þjóðskrá Glitnis
• Upplýsingaveita um viðskiptavini
• EST kerfi (lán og reikningar viðskiptavina)
• SKUMS (skjala­ og umsóknakerfi)
Tölulegar staðreyndir
Nokkrar einfaldar tölulegar staðreyndir geta gefið einhverja hugmynd um
umfang verkefnisins. Mat á umfangi hugbúnaðarverkefna er þó almennt
flóknara en svo að hægt sé að lýsa því fyllilega með þessum hætti.
Fjöldi kóðalína1: ............................................................................. 50.275
Fjöldi taflna í gagnagrunni ..................................................................... 40
Fjöldi notkunartilvika2 ........................................................................... 28
Fjöldi breytinga3 ................................................................................. 580
Aðferð
Ákveðið var að MiFID verkefnið yrði unnið skv. nýju hugbúnaðarferli bank­
ans sem byggir á Microsoft Solution Framework (MSF). Auk MSF var tölu­
vert sótt til annarra aðferða eins og Scrum og aðferða sem hafa prófanir á
hugbúnaðinum í brennidepli (Test driven development).
Hugbúnaðarferlið er dæmigert fyrir kvikar aðferðir. Verktímanum var skipt
niður í 5 ítranir eða spretti. Í upphafi hverrar ítrunar var ákveðið hvað skyldi
útfært, gerð áætlun og skilgreind verk fyrir sérhvern meðlim hópsins. Í
upphafi hvers dags var haldinn „scrum“ fundur þar sem farið var yfir stöð­
una. Í lok ítrunar var síðan gefin út útgáfa af hugbúnaðinum í heild sinni.
Verkefnishópurinn var skipaður 12 einstaklingum: verkefnisstjóra (Project
Manager), viðskiptagreini 4 (Business Analyst), 8 forriturum og 2 prófurum.
Uppgjör
MiFID hugbúnaður Glitnis fór í loftið þann 1. nóvember eins og áætlað var 5.
Engin vandamál komu upp og í heildina gekk verkefnið mjög vel. En að hve
miklu leyti má þakka góðan árangur því hugbúnaðarferli sem beitt var?
Það sem virkaði
Hafa sérstakan viðskiptagreini (Business Analyst): Lang flestir þátttakendur
í verkefninu nefndu þetta sem lykilástæðu en viðkomandi aðili hefur það
hlutverk að miðla upplýsingum milli verkefnishópsins og notenda og þeirra
sem eiga verkefnið. Það að einhver hafi sérstakt hlutverk í hópnum fyrir
þetta (og ekkert annað) skiptir miklu máli.
1 Að meðtöldum auðum línum (whitepaces) en frátöldum kóða í gagnagrunni. 2 Í MSF er þetta kallað „Atburðarás“ (Scenario).
3 Með breytingu er átt við breytingu á kóða sem forritari skilar inn í einu lagi. Oft nefnt „Changeset“.
4 Þetta orð er líklega ekki til í íslensku. Hafi mér sést yfir augljósari þýðingu á hugtakinu sem um ræðir er beðist forláts.
5 Raunar var hluti hans settur í loftið 29. október. Var þar um að ræða netbankahluta verkefnisins.