Tímarit hjúkrunarfræðinga - 01.02.2011, Blaðsíða 51
Tímarit hjúkrunarfræ›inga – 1. tbl. 87. árg. 2011 47
aðalbyggingar, 10 þúsund rúmmetra að stærð, sem nú á 5 ára
afmæli Reykjalundar stendur fullgerð. Þar er íbúð fyrir 60 manns,
auk þess sem byggingin er miðstöð fyrir þorpið, sem nú telur 16
hús auk aðalbyggingar.
Á annað hundrað manns búa nú og starfa í þessu merkilega
þorpi, Reykjalundi. Merkilega af því að hvergi á Norðurlöndum
er sambærilegur staður fyrir berklaöryrkjana. Og nú þegar hin
Norðurlöndin hafa í hyggju að koma á fót líkum stofnunum hafa
þau augun á þessu litla þorpi til fyrirmyndar. Af þeirri ástæðu var
Berklavarnarsamband Norðurlanda stofnað að Reykjalundi 15.
ágúst 1948 að viðstöddum 2 fulltrúum frá hverju Norðurlandanna,
sem allir gerðu sér mikið far um að kynnast starfi S.Í.B.S. í þágu
berklavarna, og einkum þá starfi og rekstri vinnuheimilisins.
Hvernig er þá daglegu lífi og starfi háttað í þessum stað? Vist-
menn eru nú 80 talsins og skiptast í 3 flokka: nýútskrifaða
sjúklinga, króníska sjúklinga og berklaöryrkja. Yfirlæknir staðarins
ákveður lengd vinnutíma í hverju tilfelli, stytzti vinnutími er 3
stundir og lengsti 6 stundir. Vinnudagurinn skiptist í tvennt með
3 klukkutíma hvíldarhléi um miðjan daginn, og er staðurinn þá
sem dauður væri.
Vistmaður greiðir 2 vinnustundir á dag fyrir fæði og húsnæði,
þvott, læknishjálp og aðra aðhlynningu. Alla vinnu fá þeir
greidda eftir Iðju-taxta og býðst þeim því gott tækifæri til þess
að starfa enn á ný, án þess að ofbjóða kröftum sínum, og sýna
þeir oft og tíðum eindæma áhuga og grandvarleika í störfum
og allri umgengni. Berklastyrkur, elli- og örorkubætur renna til
stofnunarinnar.
Vinna heimilisins selst mjög vel og bar reksturinn sig strax á fyrstu
árum. Allur ágóði rennur að sjálfsögðu í stækkun staðarins, því
að takmarkið er að geta tekið á móti og greitt fyrir 100% af þeim
berklasjúklingum og berklaöryrkjum, sem þess þurfa með. Þegar
unninn er bugur á berklaveiki hér á landi, verða alltaf eftir öryrkjar,
sem athvarf munu eiga að Reykjalundi.
Margs konar vinna og nám er
stundað að Reykjalundi. Atvinnu-
greinarnar eru: Leikfangagerð,
trésmíði, húsgagnabólstrun, hús-
gagna fjaðragerð, saumastofa,
bók band, skermagerð, gljáprent.
Auk þess vinna vistmenn að
ýmiskonar heimilis störfum. Þeir
hirða sjálfir garða sína, og allstórt
hænsnabú er á staðnum sem
fyrsti vistmaðurinn annast um.
Iðnskólanám er stundað af
miklum áhuga og er ætlunin að
vistmenn getið tekið iðnskólapróf,
einn eða fleiri bekki, á meðan
þeir dvelja á heimilinu og á þann
hátt auðveldað sér vinnuútvegun
að dvölinni lokinni.
Skjöldur, forvarnarfélag hjúkrunar fræði
nema við Háskóla Íslands, var stofnað
2009 að frumkvæði hjúkrunarnema. Það
vinnur að því að efla sjálfsmynd ungs fólks.
Gengið er út frá því að sterk sjálfsmynd
hafi mikið forvarnargildi, hafi talsverð áhrif
á ákvarðanatöku fólks og geti dregið úr
áhættuhegðun.
Á vefsíðu felagsins má sjá myndir úr starfinu.
Ekki eru margar greinar en lesa má um sögu
félagsins og um mikilvægi góðrar sjálfsmyndar.
Hönnun vefjarins er einföld en aðlaðandi.
Ragnheiður Halldórsdóttir, formaður Skjaldar,
segir að útlit síðunnar sé spánnýtt. Eftir er að
létta textann og í framhaldinu verður reynt að
uppfæra síðuna oftar og setja inn fleiri fréttir
af starfinu.
ÁHUGAVERÐAR VEFSÍÐUR
www.skjoldur.is
SKILDI HALDIÐ FYRIR
FORVÖRNUM
„... var ákveðið að leita til
þjóðarinnar um fjáröflun.“
Meðal annars var gefið út
þetta styrktarfrímerki og
runnu 25 aurar til SÍBS.