Þjóðmál - 01.03.2011, Blaðsíða 82

80 Þjóðmál VOR 2011
sjávar útvegsins íslenzka við erlendan
(niðurgreiddan) sjávarútveg veldur því, að
enga auðlindarentu er þar að finna . Tilburðir
til skattlagningar hennar rýra þess vegna
eigið fé sjávarútvegsins .
Undir hafsbotni í lögsögu Íslands kunna
að liggja um 10 milljarðar tunna af olíu,
að verðmæti um hundraðföld núverandi
verg landsframleiðsla Íslands, sem líklega
munu freista olíuleitarfyrirtækja og síðar
nýtingar fyrirtækja . Olíuverð er nú þegar
komið yfir markgildi arðsamrar nýtingar
á norðursvæðunum, en það mun vera
um 80 USD/tunnu . Þarna eru gríðarlegir
hagsmunir í húfi og ríður á að gera
skynsamlega samninga við olíufyrirtækin, en
skattlagningarhugmyndir Samfylkingar og
vinstri grænna virka afar letjandi og hamlandi
á vilja til fjárfestinga í dýrum olíuleitar­ og
vinnslumannvirkjum .
Eldsneytisvinnsla á grundvelli blöndunar
vetnis (unnið úr vatni með rafgreiningu)
og koltvíildis úr ýmsum efnaferlum og jarð­
varma virkjunum er þegar orðin sam keppnis­
hæf .
Ísland býður upp á mikil tækifæri í fiskeldi
vegna hreins sjávar og orkugnóttar . Þar
verður líklega fjárfest í nánustu framtíð .
Gnótt er enn af ónýttri orku í landinu . Þar
bíða enn 2/3 hlutar hagkvæmt nýtanlegra
orkulinda eftir virkjun að teknu tilliti til
verndunarsjónarmiða . Til samanburðar hafa
um 17 TWh/a (terawattstundir á ári) verið
virkjaðar . Þar bíða mikil tækifæri til sóknar inn
á evrópska markaði, þar sem framleiðslugeta
ýmiss orkukræfs iðnaðar mun dragast saman
á næstu árum, þegar koltvíildisskattur fer að
bíta . Til að hindra „kolefnisleka“ til Asíu er
kjörið að beina framleiðslunni þangað sem
vistvæna og sjálfbæra orkunýtingu er að finna .
Engilsaxnesk stórfyrirtæki hafa þegar fest sig
í sessi á Íslandi og innleitt hér fyrirmyndar­
starfshætti á sviði stjórnunar, heilsuverndar,
öryggis á vinnustað og umhverfisverndar . Á
mörgum sviðum nýta þau beztu fáanlegu
tækni . 5 Ekki standa þess vegna nein rök til
annars en að fyrirtæki á sviði orkukræfrar
starfsemi séu aufúsugestir í landinu . Samt
hefur andað köldu til þessara fyrirtækja og
starfsemi þeirra frá Sam fylkingu og Vinstri
hreyfingunni­grænu fram boði . Þar svífur
heimóttar skapur og gömul einangrunar hyggja
yfir vötn unum . Fjarlægja verður alla „rauða
dregla“ skrif ræðis og hafta . Gjaldeyrishöftin
virka ham landi á allar fjárfestingar hérlendis,
þau eru siðspillandi, hamla hagvexti og þjóna
nú aðeins sérhagsmunum, en ekki almanna­
hagsmunum .
Stoð 3 – menntakerfið
Menntun er fjárfesting til langs tíma . Menntakerfið á Íslandi fullnægir illa
þörfum framleiðsluþjóðfélagsins, sem stefna
ber á til að knýji gjaldeyrisskapandi eða
­spar andi starfsemi . Núverandi kerfi er svo
bók náms sniðið, að iðnmenntun er hornreka .
Þrátt fyrir þetta skilar skólakerfið af sér
nemend um, sem upp til hópa eru lítt talandi,
illa skrifandi, vart læsir á erlend tungumál og
illa að sér um sögu Íslands og mannkyns .
Gefur þetta til kynna, að gæðakröfum í
mennta kerfinu hafi hrakað stórlega síðasta
manns aldurinn (30 ár) . Metnaðarleysi
mennta kerfisins er yfirþyrmandi . Það verður
að efla metnaðinn með innleiðingu sam­
keppni innan skóla og á milli skóla . Ýta ber
undir einkaskóla í stað þess að drepa hina
fáu einka sprota í dróma, en á því lúalagi
hafa Samfylking og vinstri grænir legið . Í
stað heil brigðs metnaðar hefur seindrepandi
félags hyggjan tröllriðið skólunum og reyrt
þá í viðjar meðalmennskunnar .
Stórefla þarf verknámsbrautir, fjárfesta
í aðstöðu til verknáms á iðnskólastigi og
háskólastigi . Galopið á að vera frá iðnskólum
upp til framhaldsnáms í tæknigreinum .
Þar er um að ræða iðnfræði, tæknifræði,