Iðjuþjálfinn - 01.08.2011, Blaðsíða 6

6 • IðjuþjálfInn 1/2011
Í nefndinni starfsárið 2010­2011 störfuðu Berglind Indriðadóttir (Hrafnista
Reykja vík) formaður, Bergdís Ösp
Bjarka dóttir (Akureyrarbær), Dagný
Þóra Baldursdóttir (Hörgársveit), Helga
Guðjónsdóttir (Æfingastöð Styrktarfélags
lamaðra og fatlaðra, SLF) ritari, Hulda
Birgisdóttir (Borgarbyggð), Helga Þyri
Bragadóttir (Akureyrarbær), Sigurbjörg
Hannesdóttir (Hrafnista Rvk.) og Rósa
Hauksdóttir (LSH­Landakoti) fulltrúi
stjórnar í kjaranefnd. Rósa kom inn í
kjaranefndina sl. haust í stað Ingibjargar
Ólafsdóttur (Reykjalundur), sem fór í
fæðingarorlof. Nefndin hefur haft fastan
fundartíma einu sinni í mánuði og notast
við símafundarbúnað til að brúa bilið
milli landshluta, ásamt því að vera í öflugu
tölvupóstssambandi milli funda.
Kjarasamningar
Ekki voru gerðir samningar við helstu
viðsemjendur á liðnu starfsári, þrátt fyrir að
samningar hafi verið lausir vel á annað ár.
Þó hafa verið haldnir fundir með samn­
inga nefnd ríkisins og samninganefnd
Sambands íslenskra sveitarfélaga og
áherslur kynntar. Þegar þetta er ritað í
byrjun apríl er einhver hreyfing á málum,
en erfitt að spá um þróun mála, þar
sem ýmis mál óviðkomandi beinum
kjaraviðræðum hafa verið dregin inn í
umræðuna, s.s. fiskveiðistjórnunarmál og
Icesave.
Fyrirspurnir til kjaranefndar
Kjaranefnd svaraði á þriðja tug fyrirspurna
frá félagsmönnum varðandi kaup og kjör
á starfsárinu. Mikið og gott samstarf var
við önnur félög Bandalag Hásólamanna,
BHM og forystu BHM. Kjaranefndin
hefur reynt að vekja athygli félagsmanna
á, að þrátt fyrir niðurskurð og hagræðingu
eru kjara­ og stofnanasamningar í fullu
gildi og ber vinnuveitendum að standa við
þau réttindi og kjör sem þar eru tryggð, s.s.
líf­ og starfsaldurshækkanir og hækkanir
vegna framhaldsmenntunar. Á mörgum
stofnunum var samið um tímabundna
skerðingu á kjörum og þarf að fylgja því
eftir að kjör færist í sama horf eins og um
var samið.
Á heimasíðu SIGL, undir liðnum kjara­
mál, er að finna eyðublað fyrir fyrir spurnir
til kjaranefndar, til að tryggja að allar
nauðsynlegar upplýsingar berist nefndinni
og flýta þar með fyrir afgreiðslu. Rétt er
að taka fram að hlut verk kjaranefndar
er fyrst og fremst að sinna erindum frá
félagsmönnum með stéttar félagsaðild eða
þeim sem hyggjast sækja um hana. Sækja
þarf sérstaklega um að breyta nemaaðild
í stéttarfélagsaðild/fagaðild, ásamt því að
skila inn til Iðju þjálfa félag Íslands, IÞÍ
starfsleyfi sem landlæknir hefur umsjón
með að afgreiða.
IÞÍ er aðili að kjarasamningi BHM­
félaga við Samtök atvinnulífsins, sem
gerður var 2008. Iðjuþjálfar starf andi
á almennum markaði geta því gert
ráð n ingar samning með vísan í þann
kjarasamning, starfi þeir hjá vinnu­
veitanda innan þeirra vébanda. Markmið
samningsins er að tryggja félagsmönnum,
sem starfa á almennum vinnumarkaði,
sambærileg réttindi og launamenn í öðrum
stéttarfélögum á almennum vinnumarkaði
njóta.
Einnig er öllum iðjuþjálfum frjálst að
gera ráðningarsamning með vísan í aðra
kjarasamninga félagsins, óski iðjuþjálfar
að hafa stéttarfélagsaðild að félaginu og
njóta þar með þeirra kjara og réttinda sem
stéttarfélagsaðild felur í sér, s.s. réttinda
í sjóðum BHM. Einhver dæmi eru um
að iðjuþjálfar hafi verið skikkaðir í önnur
stéttarfélög og í því sambandi er félagafrelsi
ítrekað.
Trúnaðar- og
samstarfsnefndarmenn
Sumar þeirra fyrirspurna sem kjaranefnd
bárust voru þess eðlis að vel upplýstir
trúnaðarmenn á vinnustöðunum ættu
að geta veitt svör við þeim. Einnig er það
hlutverk trúnaðarmanns að taka á móti
nýjum starfsmönnum og kynna þeim
helstu atriði varðandi kaup og kjör. Frekari
upplýsingar um hlutverk trúnaðarmanns er
að finna á heimasíðu BHM.
Einnig verður aldrei of oft bent á
mikilvægi þess að iðjuþjálfar eigi öfluga
talsmenn í samstarfsnefndum inni á
stofnunum, til að tryggja að iðjuþjálfar
sitji við sama borð og samstarfsstéttir hvað
varðar kaup og kjör. Stærri vinnustaðir
ættu einnig að sjá sér hag í að eiga fulltrúa
í kjaranefnd til að auka umræðu um kjara ­
mál og efla samskipti vinnustaðanna, Iðju­
þjálfafélagsins og annarra BHM­félaga.
Nemakynning
Kjaranefndin hefur undanfarin ár staðið
fyrir kjarakynningu fyrir fjórða árs
nema við HA. Þar hafa nemarnir fengið
kynningu á helstu kjarasamningum og
þeim atriðum sem samið er um í mið­
lægum kjarasamningum, ásamt hlutverki
kjaranefndar. Nýútskrifaðir iðjuþjálfar hafa
verið duglegir að leita ráða þegar þeir fara
í ný störf eða til vinnuveitanda sem ekki
hefur verið með iðjuþjálfa áður.
Formennska í kjaranefnd
Nú um sl. áramót tók gildi sú ákvörðun
stjórnar IÞÍ að formaður kjaranefndar
IÞÍ sé í 10% starfshlutfalli hjá félaginu.
Var sú ákvörðun tekin eftir skoðun á
umfangi verkefna formanns nefndarinnar,
en verkefnum hefur fjölgað umtalsvert í
takt við fjölgun félagsmanna. Einnig hefur
samningsumhverfið verið með þeim hætti
undanfarin ár, að nær stöðugt samstarf
og samráð er við önnur BHM­félög með
tilheyrandi fundahöldum.
Fráfarandi og komandi
kjaranefnd
Hulda Birgisdóttir, Berglind Indriðadóttir,
Bergdís Ösp Bjarkadóttir, Dagný Þóra
Baldursdóttir og Sigurbjörg Hannesdóttir
Pistill kjaranefndar