Iðjuþjálfinn - 01.08.2011, Blaðsíða 31
IðjuþjálfInn 1/2011 • 31
að vera meiri þátttakendur í þjónustu við
börnin sín. Við undirbúning innleiðingar
var litið til Norðurlandanna og Kanada
og höfð samvinna við fagfólk bæði hér á
landi og erlendis. Rannsóknarmiðstöðin
CanChild í Kanada hefur verið leiðandi í
þróun og rannsóknum á fjölskyldumiðaðri
þjónustu en samkvæmt þeirra skilgreiningu
samanstendur hún af ákveðnum gildum,
viðhorfum og aðstæðum sem hafa það að
markmiði að þjónusta börn með sérþarfir
og fjölskyldur þeirra. Í fjölskyldumiðaðri
þjónustu er viðurkennt að hver fjölskylda
sé einstök og alltaf til staðar í lífi barnsins.
Að foreldrar þekki börn sín best og séu
sérfræðingar í þeim. Í fjölskyldumiðaðri
þjónustu er litið á styrk og þarfir allra
fjölskyldumeðlima.
Samfara innleiðingunni fór fram
endurskipulagning á innra starfi
Æfingastöðvarinnar. Mynduð voru tvö
aldurstengd teymi sem í eru iðjuþjálfar
og sjúkraþjálfarar. Yngra teymi sinnir
börnum á aldrinum 0 – 5 ára og eldra
teymi börnum á aldrinum 6 – 18 ára. Ef
barn hefur þörf fyrir bæði iðjuþjálfun og
sjúkraþjálfun vinna þjálfarar saman að gerð
markmiða með fjölskyldunni og öðrum
þjónustuaðilum ef þess er óskað.
Gæðastjórnun var efld til muna og
útbúin var gæðahandbók þar sem gæðakerfi
Æfingastöðvarinnar er lýst. Gæðaráð sinnir
gæðaeftirliti með reglulegu millibili. Til að
tryggja samræmd vinnubrögð voru öll ferli
kortlögð og gerð markvissari. Með þessu
er hægt að tryggja aukið gegnsæi í ferlum
og skýrari ábyrgð. Markmiðið með gerð
gæðakerfis er að unnið sé að stöðugum
umbótum á starfsemi Æfingastöðvarinnar
sem við teljum vera forsendu framþróunar.
Úrræði á Æfingastöðinni eru margþætt
og sveigjanleg allt eftir þörfum hvers
og eins. Reynt er að mæta þörfum allra
skjólstæðinga með einum eða öðrum
þætti. Úrræðin geta verið í formi beinnar
þjálfunar, fræðslu og ráðgjafar til barnsins,
foreldra þess eða annarra sem annast
það auk útvegun stoð og hjálpartækja.
Algengasta form þjálfunar hefur verið
einstaklingsþjálfun en með vaxandi þörf
á félagsfærniþjálfun er í dag einnig boðið
upp á fjölbreytta hópþjálfun með það
að markmiði að efla félagsleg samskipti
og þátttöku í hóp. Á Æfingastöðinni er
enn fremur boðið upp á sundnámskeið og
sjúkraþjálfun á hestbaki.
Starf þjálfara þarf að þróast í takt
við nýja þekkingu og breytilegar þarfir
þjóðfélagsins Allar breytingar taka tíma og
þurfa bæði starfsmenn og þjónustuþegar að
venjast nýju vinnulagi en í þeim felast bæði
tækifæri og ógnanir. Án efa hafa þessar
breytingar aukið samstarf við fjöl skyldur
barna með sérþarfir auk þess sem innra
samstarf og samheldni meðal starfs manna
er meira en áður. Það ber að hafa hugfast
að fjölskyldan er þungamiðja þjónustunnar.
Við sem fagmenn þurfum að koma til
móts við þarfir hennar og taka tillit til þess
að fjölskyldur eru afar ólíkar í eðli sínu og
hafa mismunandi viðhorf og styrkleika
til að takast á við lífið. Það er mikilvægt
að fagleg þróun og framfarir séu stöðugt í
gangi, skjólstæðingum og starfs mönnum
Æfingastöðvarinnar til hagsbóta.
S t y r k t a r l í n u r
Sjúkrahúsið
á akureyri
___________
Endurhæfingarstöð
Sjálfsbjargar
Bjargi Akureyri