Iðjuþjálfinn - 01.08.2011, Blaðsíða 29

IðjuþjálfInn 1/2011 • 29
Þórsteina Sigurbjörnsdóttir
iðjuþjálfi
Áður en ég hóf störf hjá Vest manna­eyjabæ var enginn iðjuþjálfi starfandi
í bæjarfélaginu, þannig að ég var fyrsti
iðju þjálfinn þar. Hrefna Óskarsdóttir
fylgdi svo í kjölfarið og starfar hún
hjá Starfsorku starfs endurhæfingu
Vestmannaeyja ásamt því að tvær eru að
ljúka þriðja árinu í fjar námi. Sumarið
2008 útskrifaðist ég frá Háskólanum á
Akureyri og leiðin lá að sjálfsögðu beint
heim að vinna. Þetta var spennandi
tækifæri en jafnframt ógn vekjandi
tilfinning að vera nýútskrifaður og fljúga
úr því örugga umhverfi sem háskólinn er,
hvað þá að reyna nýju hluti á nýjum og
ótroðnum slóðum.
Í upphafi vann ég í sex vikur með
börnum með fatlanir þar sem boðið
var upp á sumarúrræði fyrir þau. Mjög
skemmtilegt, gefandi og krefjandi starf.
Eftir að sumarúrræðinu lauk tók ég við
sem atvinnuráðgjafi fatlaðra í 50% starfi,
þar sem hugmyndafræði Atvinnu með
stuðningi (AMS) er notuð. AMS felur í
sér heildrænni aðstoð þar sem allir þættir
í umhverfi einstaklingsins eru skoðaðir
og aðstoð veitt þar sem þess er talin þörf,
hvað atvinnu varðar. Unnið er út frá
styrkleikum einstaklingsins og starfsgetu
en ekki fötlun hans.
Ásamt starfi mínu hjá AMS sá ég
um félagslega liðveislu í 50% starfi.
Markmiðið með félagslegri liðveislu er
að efla viðkomandi til sjálfshjálpar, veita
honum persónulegan stuðning og aðstoð
sem miðar að því að rjúfa félagslega
einangrun og auka félagsfærni, t.d. aðstoð
til að njóta menningar og félagslífs. Þar
tók ég við umsóknum um félagslega
liðveislu og reyndi að finna einstakling
sem gæti aðstoðað viðkomandi að rjúfa
félagslega einangrun.
Í febrúar 2009 hóf Hamar hæfingarstöð
starfsemi þar sem ég var í 50% starfi
ásamt 50% starfi sem atvinnuráðgjafi
fatlaðra. Opnun hæfingarstöðvar hafði
verið í burðarliðnum um nokkurt skeið
enda gera lög um málefni fatlaðra nr.
59/1992 ráð fyrir að starfræktar séu
hæfingastöðvar fyrir fatlaða. Áður
en Hamar hæfingarstöð var stofnuð
fór fram hæfing að nokkru leyti á
vernduðum vinnustað en það hentaði
ekki nægilega vel fyrir fólk með litla
starfsgetu sökum fötlunar. Hæfingarstöðin
í Vestmannaeyjum er því góð viðbót
við þau atvinnuúrræði sem nú þegar
eru fyrir hendi. Markmiðið með Hamri
hæfingarstöð er að mæta betur þörfum
þessa hóps sem vonandi leiðir til aukinna
lífsgæða. Hlutverk Hamars er að veita
dagþjónustu, hæfingu og/eða starfsþjálfun
eftir þörfum og óskum hvers einstaklings
með það að leiðarljósi að draga úr
áhrifum fötlunar og auka færni til starfa
og þátttöku í daglegu lífi. Markhópur
Hamars er einstaklingar á aldrinum
18­67 ára sem sökum fötlunar geta ekki
unnið á almenna vinnumarkaðnum
eða á vernduðum vinnustað. Verkefni
á Hamri eru margvísleg, þar er t.d.
unnið að vinnutengdum verkefnum í
samvinnu við ýmsa aðila, s.s. Heimaey
kertaverksmiðju, en jafnframt því
starfa nokkrir skjólstæðingar Hamars
þar árstíðabundið. Samstarf er við
Bókasafn Vestmannaeyja og er unnið að
verkefnum fyrir safnið. Hamar á einnig
í góðu samstarfi við atvinnuráðgjafa
fatlaðra þar sem leitað er atvinnu fyrir
skjólstæðinga Hamars á almennum
vinnumarkaði eftir því sem þörf er á. Auk
vinnutengdra verkefna er unnið ýmiss
konar handverk sem selt er á staðnum.
Jafnframt því er unnið með þætti eins
og persónulega umhirðu, heimilishald,
félagslega þætti, hreyfingu, tómstundir og
afþreyingu. Starfstími skjólstæðinganna
er sveigjanlegur eftir óskum og þörfum
hvers og eins. Hver og einn skjólstæðingur
vinnur eftir áætlun sem sett er upp í
samráði við viðkomandi og er leitast
við að verkefnin séu í takt við áhuga
og óskir einstaklingsins. Áætlanir eru
árstíðabundnar, skiptast í vetraráætlun,
sumaráætlun og haustáætlun, og geta
verkefni verið breytileg eftir árstíma.
Á Hamri starfa sex einstaklingar og er
hæfingarstöðin opin frá kl. 9­15 alla virka
daga. Yfirmaður Hamars er Jóhanna
Hauksdóttir þroskaþjálfi. Undirrituð
sér svo um skipulag á innra starfi ásamt
Berglindi Bergsveinsdóttur þroskaþjálfa
og vinnum við í hlutastarfi móts við hvor
aðra. Einnig starfa hér tveir leiðbeinendur
í hlutastarfi. Í Vestmannaeyjum hefur
verið framþróun í atvinnumálum fatlaðra
sem er mjög jákvætt en betur má ef duga
skal segir orðatiltækið og erum við stöðugt
að reyna að gera góða vinnu enn betri.
Gleðilegt sumar!
Hamar Hæfingarstöð í Vestmannaeyjum